كُل الأماني لُقياك

Part58

هذا الصباح
‏كُل شيء يلتزِم الهدوء
‏غير أن أفكاري
‏تُناديك
‏فكرةً تَليّها فكرة .
~
~
نزلت تحت وهيه تشوف فارس وحوله سلطان تنهدت وهيه ماتتذكر كيف نامت من تعبها وماحست بسلطان كانت ليله مُتعبه من جلستهم مع بعض ووداعهم لنور أبتسمت من تقدمت لهم : ماصحيتوني ؟
أبتسم فارس : ماصحيتي
نجود بتعب : مره مهلوكه
فارس : دخلت الغرفه سلطان يبكي وانتي نايييمه
ضحكت نجود وهيه تاخذه : قلبي انا يمامي
أخذته من فارس وكشر لها وناظرت فيه بطرف عين : وش فيك ؟
فارس : خلاص صار لي
نجود : لا والله ياشيخ فارس ؟
ضحك فارس : عندي اجازه ٥ ايام ودك نسافر ؟
جلست نجود وبيدها سلطان يلعب : اول سفره مع سلطان ؟
أبتسم لها : اول سفره ماودك ؟
نجود : ما بقول لا بس وين ؟
فارس : عندي وصدقيني بتعجبك
جلست نجود : بر ؟
فارس : اي ونسمع أغاني ونروق وانتي يمناي وبحضنك ولدنا
ضحكت نجود : اوكيه موافقه
فارس : طيب يلا اذا ودك اجهزي الحين ونحرك على المغرب ؟
نجود : ابي اشوفهم وبعدين
فارس : اكيد مانروح الا وهم يدرون
نجود ضحكت : اي اخطفني
فارس : يوه ولو خطفتك تراك زوجتي
نجود : افا وش صار على حَرمتي ؟
ضحك فارس : اذا قلت زوجتي يعني معصب
ضحكت تناظر فيه بذهول : عصبت من وش يحياتي ؟
ضحك وهوه يأخذ جواله من دق مشت نجود تاركه سلطان متوجهه للمطبخ من دقايق طلعت وهيه تشوف فارس يضحك ضحك قوي وبيده سلطان يلعب ناظرتهم بأستغراب : وش فيكم ؟
فارس ناظرها وهوه يضحك : شوفي
ناظرت نجود فيهم وهيه تشوف سلطان يسحب شعر فارس ويضحك ضحكت نجود : الضحكه يناس
فارس : قليل ادب مايحترم ابوه
ناظرت فيه وضحكت أكثر : صغير فارس
فارس ناظر يدها المليانه صابون : انتي وش تسوين ؟
نجود : اطبخ
فارس قام وهوه ياخذ سلطان : وش تطبخين
نجود : مشتهيه باستا قلت اسوي لنا
فارس : عزز الطلب نجي انا والشيخ نشوفك
ضحكت نجود : تعالوا ونسوني
دخلت المطبخ وهيه تقطع وسلطان وفارس يلعبون عندها ضحكت نجود وهيه تسولف معاه لدقايق وتطبخ وتضحك منهم لحد مابكى سلطان ونزلت انظارها له : من الضحك هذا طبيعي
فارس : وش سويت ؟
نجود : ماسويت شيء بس يبغى حليب اخذت سلطان وهيه تأشر لفارس مكانه اخذه وهوه يسوي له وهيه تتحرك لحد ماخلص اخذ سلطان بحضنه يجلس على الطاوله وأبتسم : سكت
نجود : ايه
فارس : أبتسم وهوه يشوفه بحضنه يلعب ونجود تطبخ قداامه ..
~
ببيت فيصل الساعه ٤:٠٠م >
وداد : ماعرف نياف ماتحس بدري ؟
نياف : هذا شهر عسلنا طبيعي يكون بدري ودك يعني نروح وبحضننا ورعان ؟
سكتت وداد ولفت لنوره من جت وبيدها قهوتها : شهر العسل متى ؟
نياف : يوه حسيتي يايمه اني جالس اقنعها
نوره لفت لها بصدمه : ماودك تسافرين ؟
وداد : ودي خالتي بس مابي اترركم والله
أبتسمت نوره منها : روحي ياوداد وانبسطي عندي نجمه ونجود !
نياف : اي موجودين وود اذا ودك ناخذها
وداد تكتفت : ماعرف
تنهد نياف يرجع رأسه لورا وأبتسم بعبط : احسن
ضحكت وداد منه ولفت لنوره الي تناظرهم وتضحك ولفوا كلهم على دخول نجود وبيدها سلطان أبتسم نياف يقوم ياخذه : يازينه الشيخ كبر
ضحكت نجود وهيه تحضن امها ووداد : اي خلاص كبير
جلست نجود وناظرت امها : يمه احنا بنسافر
ناظرتها نوره بأستغراب : وين يابنتي ؟
نجود : صراحه ماعرف يمه بس فارس عنده اجازه وودنا نسافر نغير جو
نوره أبتسمت : زين يابنتي ووداد باذن الله تروح لشهر العسل
لفت لوداد وابتسمت : واخييراً ست وداد !
نياف : لاتفرحين رافضه
وداد : صراحه ماودي اترك خالتي
نجود باستغراب : كيف ؟
ضحك نياف : بناتها مسافرين كلهم !
نوره : هههههههههههههههه
نجود : انا ونور وداد ونياف ؟ واوو
ضحكت نوره : اتركو عنكم الكلام الفاضي نجمه عندي نايف عندي والبنات موجودين
نجود : جدتي راحوا ؟
نوره : اي الله يستر عليهم
نجود : كلبه ليان قلت لها تجلس
ضحكت وداد : تستهبلين ؟ مو بتسافرين ؟
نجود : لو كانت موجوده مابسافر وانتي بتروحين
وداد : مابروح
نياف : ترا بسافر واخليك
ناظرت فيه وداد وأبتسمت نجود : طيب نسافر سوا ؟ ولفت لأمها يمه شرايك من زمان ما سافرنا
أبتسمت نوره من الفكره : والله ودي بس ابوك يبنيتي مادري
نجود : ننتظره يمه ونشوف تكفون
نياف : والله الفكره عجبتني هاه وش رايك انتي ؟
وداد أبتسمت : اكيد ! والله تحمست تكفون
نجود : ونقول لنجمه وعمي كلنا سوا
نوره : على تخطيط فارس ؟
ضحكت نجود : بدال شخصين نضيف 11 شخص !
انصدمت وداد : تبارك الرحمن كلنا !
ضحكت نوره : انتظرو ابوكم يجي ماعندي مانع ويمكن يابنتي عمك مايجي وابوك يرفض
نجود : فيصل مايرفض ونوره ودها وعمي الحين بطلع لفارس يمه يكلمه
نياف : هوه هنا ؟
نجود : ايوه ينتظرني برا اتوقع نايف معاه
نوره : نايف نايم
نجود : اوكيه بروح اصحي نايف وانت روح له
نياف قام متوجهه لفارس وتوجهة نجود  تطلع بالدرج ..
بالدور الثاني >
دخلت الغرفه تشوفه نايم مشت بخطوات هاديه وهيه تجلس عنده : نايف نايف نايفففففففففف
ماصحى نايف وجلست نجود تكرر اسمه بهدوء : يلا قوم
قام نايف مستغرب وهوه يناظر فيها ورجع يغمض عيونه : عسى ماشر خير ؟
نجود : قوم وحشتني
تأفف نايف بتعب : توي من شوي نايم تكفين
نجود : طيب شوي وبنسافر
نايف مارد وهوه مغمض عيونه : اوكيه بسافر ونت نايم
مشت طالعه من الغُرفه تنزل مع الدرج على سؤال نوره : صحى ؟
نجود : يقول توه نايم والصراحه واضح النوم مغطيه
نوره : لاحول الله انا قلت له يعدل نومه
نجود مشت وهيه تشوف نياف وفارس برا واقفين وتقدمت لهم تمشي تبتسم : علمته ؟
نياف : اي
فارس ناظر فيها مبتسم : اقناع أهلي عندي ماضنتي يرفضون
نجود : ماعرف جود وجامعتها ؟
فارس : تاخذ اجازه
نجود : ماتقدر
نياف : عندها جامعه ؟
ناظرت فيه نجود : اي عندها ولفت لفارس نكلمهم سوا
فارس : مايمدي بمشي الحين انا اكلمهم واقنعهم عشان نحرك على العشاء
نياف : طيب بالسعوديه برا السعوديه وش السالفه علمني
فارس : بالسعودييه ٥ ايام هيه واحنا راجعين
نياف : اسبوعين ؟
فارس : عني انا والله ماقدر اجازتي ٥ ايام ومتاكد ان ذوقي حلو
ضحكت نجود : لايكون الجنوب !
نياف : اقسم بالله اجمل مكان شفته
نجود : شفت ستورياتك يهههبل
فارس : قايل لها ورفضت
نجود : ماعرف احسبها ضيق
نياف : ونا مثلك بس توسع الصدرر
نجود : اي تاكدت
فارس : اجل يلا
نياف : بنجهز احنا ترا اعجل
فارس : طيب وراي اشغال بخلصها ونجي
أبتسمت نجود له وهيه تأشر له ومشت مع نياف ولف لها : جاهزين انتوا ؟
نجود : ايه كل شيء مجهزينه من الظهر
ضحك نياف : الحين ابوي يجي
نجود : تقنعه نوره لاتشيل ههم !
نياف : انا اشهد انها قول وفعل
ضحكت نجود وهيه تدخل معااه من تشوف نايف نازل مع الدرج : صحيت ؟
نايف : ماقصرتي طيرتي نومي وطلعتي
نوره : ااوه زين ماسويتي
ضحكت نجود : صحصح وتعال نقولك الخطه
نايف : بسم الله اي خطه ؟
ضحكت وداد : خطة سفرنا كلنا
نايف غمض عيونه بتعب وأرهاااق : بنسافر ؟
نجود : يالله لاتكسر حماسنا ببرودك
نياف : توه صاحي تنتظرينه ينط !
ناظر فيه نايف بذهول وضحكت نجود : أول مره
ضحك نايف من الصدمه : والله اول مره يوقف معي
ضحكت نجود : اتوقع هوه نايم مو انت
نياف : صادق انا
نجود ضحكت : ما انتظر نطه انا انتظر ردة فعل حلوه !
وداد : مالك داعي صراحه نايف
نايف : معك حق توي صاحي انتظروا اصحصح طيب
نجود : طيب ثواني ويجي ابوي ونجمه مسحوب عليها
نياف : السفره الي تجي بدون تخطيط اعرفي انها بتجيي ححلوه
نجود : منجد والله متحمسسسسسسه
جلسوا كلهم بالسوالف من وصل فيصل زفرت نجود براااحه : واخييراً يبه نحترييك من اول
عقد حاجبينه فيصل بأستغراب : عسى ماشر !
وداد : خالي بختصر لك نور وسعود مسافرين ونجود اليوم جايه مسافره وانا نياف ورانا شهر عسل
أبتسم فيصل : زين ماسويتوا
نوره : والخطه نسافر كلنا سوا ونغير جو من زمان عنها
نايف : لاتوافق يبه ابي انام تكفى
ضحك فيصل يناظر فيه ولف لهم : ودكم انتوا خلاص مشينا
أبتسمت نجود براااااااحه : ٥ ايام يبه ترا
فيصل : سليمان بيجي ؟
نجود : فارس بيكلمهم وننتظر فهد يرد خبر لنياف ياخذ اجازه او لا
فيصل أبتسم وكشر نايف لهم : يعني ليتني ساكت
ناظره فيصل : علامك انت !
نايف : مصدع تعبان مهلوك إرهاقق نوم
نوره : الله يصلحك ويهديك يانايف
فيصل : زين انك صاحي زين
ضحكت نجود تناظر نايف ولف لأبوه : هيه مصحيتني
فيصل : ماقصرت بنت أبوها
رجع راسه نايف ورا بتعب وإرهاق ناظرت فيه نجود : تمشون بكره ؟
فيصل : متى ناوين ؟
نجود : عشان اجازة فارس ٥ ايام نمشي اليوم بس نسبقكم احنا
نايف : لا لا فعاليات السفر ماتفوتني بعدين ناوي اجي معكم
أبتسمت نجود : هذاا الي ابيييه
ضحك نايف ولف لأبوه من قام : اجل توكلنا على الله طلع جواله من جيبه من دق سليمان عليه جلس يكلمه والبنات سوالف وتخطيط ولفت وداد : طيب كيف نخطط واحنا مانعرف المكان ؟
ضحكت نجود : الصدق يعني بنعرف من الطريق !
نياف : ياخي غبي فارس
نايف : والله يعني لو طياره صح بس سياره كيف ؟؟
نجود : اكيد بيجي ويقول
وداد ضحكت : اجل يلا نقوم نجهز
قام الكُل يجهزون من خلص فيصل : عمكم معنا
نجود : اقنعه يعني
ضحكت نوره : اكيد انه يتاكد بتروح ولالا
أبتسم فيصل : اي والله
نجود : يلا تجهزوا
قام الكُل يتجهز ونجود من خلصت اغراضها وتجهيزها انتظرتهم يخلصون قامت من ارسل فارس وتوجهة له وسلطان بحضنها أبتسمت تشوفه ينتظرهم من أخذ سلطان وهوه يبوسها مثل عادته : اقنعتهم
ضحكت نجود : اي يقول انه لازم اخوه موجود
فارس : والله جود انبسطت
نجود : ياروحييي انا ودي تجي معانا بس نايف
فارس : انتي وسلطان وجود ورا ونايف وانا قداام
نجود : اوكييه تمام عادي
فارس أبتسم وناظرته نجود : وين طيب !
فارس : مو قلت علي ؟
نجود : فارس تراا بنعرف من الطريق هياا علمنا
فارس : ناويها مكه نعتمر أول شيء لان ابوي وعمي ما راحوا السنه ذي تعرفين
أبتسمت نجود بفرحه : والثاني ؟
فارس : الجنوب ؟
ضحكت نجود : والله حسيت
فارس : بخيرك الجنوب ولا جده ؟
نجود : ماتحس تاخذ وقت بالطريق وتعب يعني ؟
فارس : والله من هنا للجنوب ١٢ ساعه او ١١ ساعه
نجود بصدمه : ووااو فارس !
فارس : طيب المدينه وجده ؟
نجود : اصلاً بيكون أول سفر لنا معاه يعني راضييه صراحه
أبتسم يناظر فيها وسلطان بحضنه : اجل توكلنا على الله
نجود : طيب بنادي ابوي لك وخططوا
فارس : طيب سلطان معي
نجود : اي ريحني شوي
ضحك فارس : افا ياسلطان ! تتعب ماما ليه
نجود : تعبه راااحه بس خلاص ابي ارتاااح
فارس : هههههههههههههههه
ضحكت نجود وهيه تمشي متوجهه لأبوها من قالت له وهيه تطلع فوق لغرفة نايف الي يجهز اغراضه من جلست على السرير : خلصت ؟
نايف : عرفتي المكان وين ؟
نجود : اول شيء مكه نعتمر بعدين ياجده يالمدينه يعني
نايف : انبسطت احسب الجنوب
ضحكت نجود : مسسافه يعني الا اذا كنسلنا مكه
نايف : لا والله خلينا نعتمر والجنوب مره ثانيه
نجود : طيب بتاخذ ذا الشورت ؟
نايف : لالا طلعته عشان ما احطه بلغلط معهم
ضحكت نجود : اوكيه تراك معاناا وجود بعد
أبتسم بخفوت نايف ولف لها : لاحول يعني ما باخذ راحتي ؟
نجود : لا تحسسني انها عائق
نايف ضحك يناظر فيها وصد يفكر من خلص كل شيء ونجود فوق راسه سمعت صراخ وبكي سلطان وهيه تقوم وتتأفف ومشت له وهيه تاخذه وضحك فيصل من سكت : يبي أمه
أبتسمت نجود واكتفت بالابتسامه وهيه تتامل التجهيزات والسفره الي بتغير جوهم وكثييير وفرحتها بوجودهم كلهم وهالمره تفقد وجود نور ..
~
لدّي معكِ من الأُلفة
‏ما يكفي لأعود إليكِ
‏مُغمضَّ العينين
‏أنتِ بِلادي
‏التي أعرفُها
‏بِلا اتجاهاتٍ وبِلا خارِطة .