الغراب"مهمه أقتحام"

- مقتطفات -

- لااا تتجااهلنييييييي عبالككك من تسوييي هيجججج حبقى ويييي واحددد مريضضض مثلكككك بأحلامكككككك ابقى دقيقه ثانيـه وياك

حچيتها و رحت للغرفه اخذت الجنطه الي محضرتها و مشيت متوجهه للباب تحت انظاره بس فتحت الباب سحبني من إيدي سد الباب بقوه قفله بالمفتاح و شمر المفتاح لبعيد

- شداتسويييييي

لزم فكي بقوه و نزل حواجبه بعصبيه و عيونه حُمر الشرار يطافر منهم
- لغيري متصيرين..ما اريد آذيج لا تجبريني على أذيتج

خفف لزمته على فكي و بعد نفسه عني لزمت فكي بآلم و باوعتله بدموع
- أذيتني بمـا فيه الكفايه عوفني اروح ما اريدك انا ما اريدككك

- روحـي نامي هسه بعدين نحچي

-  كافيييييي تستفزنيييي كافيييي لحظههه وحدههه مابقىٰ وي...

بعدني ما مكمله كلامي سحبني من إيدي لحضنه حط راسي على صدره و اصابعه بين خصلات شعري يشدد بحضنته اكثر بقيت ارافس جوا حضنه و هو كأن حجاره ما يتحرك عضيت شفتي بقوه من حط وجهه برگبتي لزمته من ياخته و احاول ادفع بيّه ما اريده و لا حابه قُربه

لحد ما بدأ يتجرأ بلمساته على جسمي و يطبع بوسات عميقه على رگبتي دفعته بقوه و اردفت بصياح

- وخرررر عنيييي ابن الن....

بدون حتىٰ ما اكملها حسيت بلسعه الراجدي الي إجه بخدي فر وجهي بيّه فر عضيت شفتي و حطيت إيدي على خدي رجع سحب وجهي لازم فكي اقوى من الي قبلها شدد لزمته حتى غرز اظافره بخدودي و اردف بين سنونه

- طلعه منـا تحلمين تطلعين ... انتِ ما الـج غيري إفتهمي هذا الحچي و خلي ترچيه بأذنج

____________________________
المشهد الثالث

بقيت أفر بوجهي أباوع للشوارع و الفروع الي بيـها عمارات البيـوت الچبيره و شلون المنطقه فارغه تمامًا من البشر حتىٰ الطير الطاير ما يعبر بيهـا هزيت إيدي شلون دخلتلها ما ادري

- هم بعدج تايهه ؟

وگفت متصنمه من الصوت الي إجه وراي بلعت ريگ و درت وجهي رفعت حواجبي و اني اشوفه منتچي على سياره مكتف إيديّه و اللثام على وجهه
بدون أي جواب او تفكير درت وجهي و ركضت عكس الأتجاه الي هو واگف بيّه ما اعرف لأي طريق رحت و إتجهت بس رجعت وگفت ابلعم بخوف من شفته مره ثانيـه گدامي و نفس الوگفه و النظرات الصلفه

رفع إيده يلوحلي بمعنىٰ هلو و اردف
- بعدج تايهه أميـرتي ؟

عضيت شفتي و درت وجهي أركض فروع هواي و كلهن متشابهات دخت حيل و اني اركض بيهـن رجليـّه گامت ما تعيني من التعب رجعت وگفت اتنفس سريع و كُل حيل ما بيـّه اركض وگفت بسرعه و حطيت إيديّه ورا ظهري من حسيت بصوت مشي وراي درت وجهي ابلعم من شفته گدامي و يلوحلي بإيده

- چؤ چؤ چؤ هاي بعدج تايهه ؟ ادليج على الطريق !

هزيت راسي بـ لا و درت وجهي اريد اركض بس استوقفني صوته
- انصحج لا تعبين روحج چي طريقج الصحيح يوديج إليه انه وبس

درت وجهي عليّ و بللت شفتي بتوتر
- عدل كلامك لا قندرتي احطها بحلكك

صغر عيونه بإبتسامه و بدأ يتقدم بخطوات عليّه رجعت بخطواتي ليورا و اني أباوعله لحد ما إجت طابوگه برجليّ وگعتني بالگاع عضيت شفتي بألم و بقيت گاعده بمكاني و هو قرفص گدامي بنفس مستواي درت وجهي عنه من اتلمس بخصلات شعري رجعهن ورا أذني

قرب وجهه علىٰ وجهي و نزل اللثام عن وجهه غمضت عيوني بقوه
طخت انفاسه بخدي بقيت اتنفس سريع و صدري يصعد و ينزل بخوف اخذت بإيدي شوي من التراب الموجود بالگاع شمرته على وجهه بلمحه سريعه گام من يمي يفرك بعيونه الي دخل بيهـن تراب و يگح مختنگ استغليت الفرصه و گمت اركض بس صرخت بخوف من سمعت صوت سلاح وراي....

فزيت أباوع للسگف ابتسمت بخفه و زفرت براحه عيوني گوا مفتحتهم
- معقولـه طلع كُل هذا حلم ..

- ما اظن حلم

درت وجهي على أثر الصوت الي سمعته عيونه الي مصغرهن بإتجاهي و نظراته المليانـه ثقه و تركيز بعيوني ، ثبتتلي فعلًا اني ما چنت بحلم ...

بين الأسر انا المُقيدة
و بين الآمان انا الخائفة
جعلني تِلك المُتناقضة
ما بين القلب و العقل
بين الأسر انا المقيدة
و بين الجبروت انا الطاغية
كل ما ازداد أسرُكَ على كيدي اطغوا اكثر حتى اتحرر بإرادتي لا بإرادتكَ
حررني من أسرك لأعودُ من جديدًا لكَ
حررني ..لأعود مُتيمةٌ لا طاغيةً بكَ

قريبـًا..

القصه قيد التعديل حتنزل بسرد و احداث جديده مفهومه اكثر
+ غيرت المشاهد و الأسـم بسبب التقليد الي ديصير فـ لا تيهوني😂🤍

لحد يسئلني لان بعدني ما اعرف شوكت ابدي بالتنزيل 🤷🏼‍♀️

احبكم🤍