بقايا آثار

part 1

نور الزهراء: اي اجي وانت تجي وشنو كلام امك كوله واني اكوله لل امي

مُلهم: اي اجي شهل صدفه الموحلوه التقي ويا ام السان ..وامي دتكول خلي امج تجيب وياها الدهن الحر ونوع الجكليت ال احبه لين ماكو يمنا من عندا

نور الزهراء : صدفه غبيه مثل كلامك تدري وماشي اني اوصل الكلام لل امي يلـه باي

مُلهم: نجبـي انت غبيه ام السان اني اعلمج

نور الزهراء : حجه هيج وسديت الخط هل ولد لزكههه 24ساعه لازك بموبايل امه رجعت الموبايل ورحت لل امي كتلها ع كلام خالتي

سرئ: الجكليت نسيت ماوصيت اخوج علـي والدهن الحرر بلثلاجه يله بلكي بلطريق هناك اخلي ابوج ينزل يشتري وروحي بساع صيحي شمس واخوج اجه جيبي العلاليك من عندا

لفي الحلويات بشي من ملابسجن وخليهن بلجنطه لاتخلين ابوج يشوفهن ميقبل انطي شي للجهال لو اصرف الفلوس تدري بيا بلكوا كدرت اخذهن

...قبل ال 7الصبح ساعه 4ونص الفجـر

سرئ: يمه نور اريد ادز شي للجهال خوالج خطيه يتلكوني وايدي فارغه شنطيهم عمت عيني عليهم

نور الزهراء : اخذي فلوس من ابويه اطلبي منا مو احسن مااتضلين حايره

سرئ: غير كتلهه بليل كاليي همه جهال لو تنطيهم ربع يسكتون ماكو شي متشترين اصرف عليج انتي وبناتج لو علئ جهال اخوانج؟

نور الزهراء : لعد يمه شراح تسوين ماكوو حل غير تجبرين ابويه يجيب فواكه اهوايه

سرئ: ولج يمه عيب عيب شيكولون عليه صارلي سنتين و3اشهر مرايحه الهم اتلكا الجهال بفواكه اني ابالي فكره بس اعرف رب العالمين راح يحاسبني عليهاا وراح يعاقبني بس مااكدامي غير هل حل

نور الزهراء : شراح تسوين شنو الحل ماتسوين شي اله دتكولين اليه

سرئ: راح اروح للقاصه مال ابوج اخذ منها 25 بس وبعدين من يضل هوا يوميه ينطيني الخرده المهن واصرفهن 25وارجعها والله بس هسه اني مجبوره

نور الزهراء : خاف حرامم وتعتبر سرقه؟

سرئ: ماكو حل غير هذاا وربج يعرف نيتي وارجعها لو بعد الف سنه ارجعها للقاصته

نور الزهراء : راحت امي للقاصه سحبت 25 وختلت بل زاويه تبجي. وترجف وتدعيي ع روحـها حضنتها وابجـي وياها علئ بجيها كعد ابويه سحبت ال 25 ضميتها بملابسي
درت وجهي شفت ابوي فز
احمد: شبيج هنا شعندج وليش تبجي امج؟

نور الزهراء : مابيهاا شي اتذكرت امها وابوها وبجـت عليهم لين تعرف دورة السنه مالتهم بعد شهرين

احمد: هاا هيج زين لعد اخذي امج وروحي للغرفتجن خليها تذكر براحتها اريد انام

نور الزهراء : اخذت امي وطلعت من الغرفه رحت جبت الها ميي ودواها وكعدت يمي