بقايا آثار

part 1

-: ليش منو انتي

نور الزهراء: اني بنت خالتك سرئ

-: ياخالتي منيلي خاله اني حرام اذا عندي خاله وشايفها روحي بويه روحي

نور الزهراء: انت ملهم ترا ابن بيداء شجاك نسيت خالتك عشتوو اذا من اول اتصال نكرت خالتك ثاني اتصال تنكر العشيره

مُلهم: ههههههه لا بويه اتقشمرر وياج يله رايح اني محتاجه شي

نور الزهراء : لا روح الله وياك

مُلهم: شكتب ع الرقم ام السان لوو خالتي؟

نور الزهراء: اكتب المتبريه من خالتها

مُلهم: دشوف شلون تلاسني روحي ولج يله باي وراح اكتب ع الرقم ام السان بت خـالتي .

نور الزهراء: تمام باي ورده ...سد الخط وراح بس شو حسيت كلبي يريد يطلع من مكانه رجعت الموبايل للمكانه ورحت اكمل كتابه

-فلك مو بنيه احجي وياها كلمه ترجعها ب عشره

اشوي واجتني شمس تركض وتصيح نورر
- ولج عندي شي حلو يفرحج

شمس: شوفي نويره شي حلوو ويفرحج بس شتنطيني ع هل خبرر؟

نور الزهراء: الج ربع ومشكوك مرتين وملطوش

شمس: كبرر عود جايه ابشرج المهم باجرر نروح للمزرعه مال جدووو لين خالوو عازمنا احنا وبيت خاله بيداء وبيت خالو عمر لج افرحييي فرحييي راح نطلع ونشوف البنات هناك

نور الزهراء: ليـش البيـت خـالو عمر يجون مو مـتزاعلين؟

شمس: اي هيـه العزيمه عـَلمود يتـراضون وهاي يله كون كلشوي زعلانيـن حتى اطـك ملابسي ونروح الهم

نور الزهراء: ديله روحي منا لا اسحلج ادورين عزايم وتوكع المواعين براسي وراس البنات وروحي نامي من وقت اني حنام

شمس: وين تنامين عيني اني رايحه احضر ملابسي واشوف شنو البس لازم اطلع برنسيسه عيني وانتي وهاي كفشتج ضلي الصبح تلاطمي وين شالي وين الدنبوس

نور الزهراء : اي عود اكعد قبلكم بساعه وادورهن عفتها ورحـت احس اجاني مغـص من سمعت هيج
مالي خلك ارتب بروحي واصبغ بوجهي مزاجيي سيء لبست شالي ونزلت يم امي اشوي واتصـلت خالـتي وديت الموبايل ل امي كالت

- ردي واذا سئلتج كولي الها جاي تسوي ريوك تخلص وتخابرج

📞...نور الزهراء: الو خاله صباح الخير

مُلهم: صباح النور هاي هم انتي ام السان وين امج ولج

نور الزهراء: معليك وين امي مو متبري منها

مُلهم: شلون بيه اني بويه صيحلي امج اريد اكلها كلام امي واروح ....انتي راح تجين ويا اهلج؟