هلاو حبايب شلونكم اليوم قصه جديد وكُلش حلوه وانشالله تعجبكم والاحداث وكلشي مشيق
خليكم وي القصه دمتم بخير حبايب 💖
______________________
كاعده بغرفتي واسمع صوت عياط وعراك ويوميه على نفس الموال تعودت ابويه وامي ممتفاهمين ويوميه عَرك عَرك ومايتعبون من المشاكل انام على مشكله واكعد على مشكله ابويه يوميه يرجع متاخر للبيت وامي تكعد تتعارك وياه
لو يوم مسوي طلابه وتعالو حلوها امي وابويه تزوجو بعمر صغير كلش تقريبا امي جان عمرها 15 وابويه 17 عن حب بس مع الاسف هاذه الحب مادام هواي ثلاث اشهر وصارت المشاكل تزيد وتزيد بينهم
وحاولو ينفصلون بس مادري شنو المنعهم قبل ميجيبون اطفال ويورطوهم وياهم بس مع الاسف جابتنه امي اني واخويه واخويه الثاني وجانت تكرهنه كره العمى ولا تطيق اصلا تشوفنه ولا تخلي عينها بعينه تحسسنه مدري شمسويلها
واحنه جنه عائله معروفين بالجمال بس شيفيد اذا مشاكل وماكو تفاهم وعراك عراك عراك وضرب جانت امي معروفه ملكه جمال بس شخصيه ماكو واني طلعت نسخه منها بس عكسها شخصيه قويه وارد الكلمه بعشره جانت تعلمنه على ضعف الشخصيه بس اني ماجنت اخذ منها كلام ولا اسمع
علمود مااصير مثلها بالمستقبل ولا راح احاول اصير مثلها واكثر شي شاده وياه اني اخواني جانو كبار بس عوضوني عن فقدان حنان الاب والام جانو حنونين لدرجه مو طبيعيه حيث تجي مرات اصيح لاخويه الجبير بابا من كثر ماحنين عليه كلش جنه نحبهم وواحد يحترم الثاني بس ابويه وامي مابطلو عَرك يوميه عركه جديد نوع اخر
وابويه يا يضرب امي يا يضربنه ويطلع حرته بينه الي اصلا احنه مالنه دخل بس شنسوي نسكت كرهت ابويه حيل وماكمت حتا اطيق اشوفه كدامي اكره بشكل مو طبيعي عيشنه بظلم وقهر وضرب ومايوم حسسنه بحنيه لو حسسنه انو هوه ابوي وصلت درجه بيه اشك بي خاف مو ابويه
فزيت من صفنتي على اخويه الجبير يحجي ويايه
عباس : الووو لاريين يمعوده شبيج صافنه صدك جذب بيج شي يوجعج شي ؟
لارين : ها لا لا ماكو شي بس راسي يوجعني
عباس : اكلتي شي ؟
لارين : لا
عباس : لعد طبعن راسج يوجعج هسه نازل اسويلج اكل واجيبلج دوه وارجع مااتاخر
لارين : تمام
طلع اخويه واني بقيت كاعده وحدي صافنه بالفراغ طبعن كلت خلي اعرفكم عن نفسي اسمي وعن اخواني طبعن اسمي لارين عمري 16 سنه ابويه مبطني من المدرسه من عمري 13 سنه وحدي بين اخواني اخويه الجبير اسمه عباس واخويه الثاني اسمه حسين واني اصغرهم عباس عمره 19 سنه وحسين 18 سنه جنه عائنه متوسطه المال وابويه جلب مالفلوس حيث يبيعنه كلنه ب ميه الف عادي عنده واقل هم
