عوضي الكبير رغم عمرها الصغير

البارت 24

ـ سراج

هز راسه و طلعت من الغرفه بعدين رجعت لكيته متعشي و نايم خليت اله مغذي و ضربت ابره بالكانونه و اخذت صينيه و رحت لغرفتي

جان اكو ازدحام بالمستشفى للصبح ضلينه انه و البنات نفتر ع المريضين و المصابين و غيرها
ساعه بـ 8 صبح و انه و صديقاتي ما ضل حيل بينه من تعب گعدت بالممر و خليت ايديه ع وجهي من تعب
اجه صوت قريب من يمي يصيح بأسمي

ـ سراج

رفعت راسي و فركت عيوني و باوعت لكيته رحيم

گمت وكفت ع حيلي و عدلت وكفتي و گلت

ـ رحيم ش..شعدك طالع من غرفتك

ـ ما اعرف شبيج كاعده هنا و وجهج اصفر

ـ ها لا هيج بس تعبانه ما نايمه لهسه و ضليت سهرانه

ـ شعندج

ـ جان عدنه حالات طارئه و ضلينه نهتم بالمرضه

هز راسه و خله ايده بشعره و گال

ـ اكدر اطلع للبيت؟

ـ اي بس خلي اغير ضمادك و اسويلك تسجيل خروج من المستشفى

هز راسه و راح لغرفته و انه رحت للحمامات غسلت وجهي و صحصحت شويه عدلت لفت شالي و طلعت رحت للصاله اخذت اغراض تضميد و رحت لغرفته جان كاعد ع السرير و صافن تحمحمت و دخلت

ـ شلون صرت

ـ الحمدلله

ـ ما تحس بوجع

ـ لا

هزيت راسي و صرت اضمد جروحه

ـ عادي تنطيني رقم سفيان

ـ اي بس خلي اكمل تضميد جروحك

ـ ماشي

كملت ضماد و سجلت رقم سفيان و انطيته و هو لبس قميصه و عدل شعره و گال

ـ ارتاحي و نامي لا ضلين راح تمرضين

ـ ها اي لا شسمه هسه اطلع للبيت

ـ اوصلج؟

ـ لا لا هسه اروح وحدي

ـ ماشي

ـ مع سلامه

ـ هلا

طلع من الغرفه سد الباب گبل تمددت ع سرير حسيت جسمي متكسر و ركبي توجعني ضليت فد 10 دقايق و كمت ع حيلي و رحت للصاله و وقعت و طلعت للبيت وصلت جانت احلام ببيتنه وجهي ثكيل وياها سلمت و طلعت فوك سبحت و نمت لـ 11 بالليل و سمعت اخبار شهم طالع الكركوك و الجو ببيتنه متكهرب و الايام تمشي كلش بثگل

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

غُـفـــران :;ـ صار يومين و شهم ماكو اول يوم خابرته طول الطريق و گال بخير و لحد يوم ثاني اخباره اختفت و هذا ثالث يوم بدونه و سفيان يحاول يهدئني ماكو م يفيد