سلطان:اسمعي ياعبير موب وقته عالصياح باقي عشر ايام على العيد واول يوم عيد الصباح راح يكون عيد اهلي الكبير وهذي بتكون رجعتي بعد سبع سنين غياب عنهم وانتِ بتروحين معاي!.....عبير: اروح معاك! ولأهلك مجنون انت! انا وش اصيرلك عشان اروح لاهلك.... سلطان: بتروحين عاساس انك زوجتي وقدام الكل انك زوجتي تسمعين!!!...عبير: هاه طيب انا مابي ...سلطان: انا ماخذت رايك!! انتهى النقاش فكي الفستان وعطيه العامله عشان اروح اخذ مقاس اصغر واياني وياك تغلطين قدامهم او انك تبينين شي ثاني بيصير الي مايسركك!!...عبير: طيب بطلب طلب؟.. سلطان: وشهو؟...عبير: غير الفستان بكبره ما ابغى هالموديل...سلطان: اجل وش تبين!!...عبير: فستان استر شوي من هذا ويبين عمري الحقيقي بعدين فيه احد يلبس زوجته قدام الكل فستان نفس كذا!...سلطان: اقول لاتاخذين دور الزوجة صدق لاتتحمسين!... عبير: ماتحمست ياروح امك مين يتحمس لوجهك الي يجيب الهم بس هذا دليل انِ ممثل فنان مو مثلك يالدرج!... سلطان :اقول بلا كثرة حكي !!...عبير: اففف يع....اخذ سلطان الفستان وطلع للسوق عشان ياخذ لها مقاس اصغر وصل السوق وكان يمشي وشاف بنت يعرفها زييييين رفع حواجبه من تأكد انها هي من صوتها غاده: ارجوان شوفييي هذا الفستان حلو...ارجوان: لا مو مناسب... غاده: يع مالت عليك... كانت ارجوان واقفه وقدامها قزازه وقف قدامها سلطان وهو يناظر انعكاسه ويعدل شماغه ويبتسم ابتسامة شر ناظرته ارجوان وشكت بوضعه وبسبب ابتسامته تحديدا ما ارتاحت نهائياً بس حاولت تطنشه لان مالها خلق تلاحق مواضيع ثانيه يكفي تعبها الي الحين فيها وغياب ريان الي صار مبالغ فيه وحالياً عبير مخطوفه البيت متدمره نفسيته مقلوب فوق تحت....
(الديره) مهدي: الخياط معيي ياخذ قياساتنا انا ونايف يايبه تفاهم معه عجزنا فيه!...ابو مهدي: طيب طيب انا اوريه ذا الهندي... نايف: شفيكم انتم عادي نطلب ثوب اونلاين وخلصنا ندور أي موقع يوصل للديره... ابو مهدي: اييي ياولد الجوالات عشان يوصل ثوب ماسك في كرشتك مايدخل حتى ...مهدي: ههههههههه اتفق مع ابوي اذا كنت تبي تطلب عاد على قولتك وقف هاللقيمات والسمبوسه ههههههههههه....نايف: تضحك تضحك انت ووجهك شايف كرشتك الي مترين قدام اص بس...ابو نايف: خلاص ياولد انت وياه مشينا للخياط اخلصو قايلكم انا قايلكمممم من بدا رمضان وانا كاني أحرج واقول روحو فصلو روحو فصلو بس كني أكلم جدران ...ابو مهدي: محد حولك يابو نايف تعبنا فيهم صدقني الخراب ولدك ولا ولدي كل سنه يفصل بدري مدري وشبلاه ..مهدي: احم احمم... نايف: صك حلقك لاقوم اهبدك تراك غاثتي بعدين ياعم ترا ولدك ذا الخبل هو الي قايل لي نروح نهاية الشهر ترا تنزل اقمشه جديده وزينه...ابو مهدي: ومنهو الي لاعب عليك ياذا الخبل!!..نايف: منزمان هو خبل مو شي جديد ياعم...مهدي: استغفر الله العظيم استغفر الله...نايف: أسلم...مهدي: أسلمم!!! ياتراب مين الي يصلي فيكم التراويح! ما اشوفك دايم معنا صاف...ابو نايف: هو صددق؟... نايف: هاه لا وين يبه تصدق ذا!...ابو نايف: طيب وين وصلنا بالصلاه!؟...نايف: يبه شفيييك!...ابو نايف: ادخل ادخل خنخلص واوريك شغلك....الهندي: مافي مافييي يعني جيب بابا انا راح وافق مافيه قفل طلبات انا خلاص انتهى.... ابو مهدي: اخس واعقب ياوجه بن فهره!!... تنافض الهندي من سمع صوته كان يحسب ان العيال جايبين معهم ابو نايف مادرا ان معهم ابو مهدي: بس بابا عندي واجد واجد طلبات ما يقدر...ابو مهدي:ترا كلها ثوبين خذ مقاساتهم يلا يلا....
