خطوة تغير

Part 1

تنهدت بحزن وقالت:_ ودي طبعا كارثة.. الفون واخد عقول بنات كتير وخاصة السن ده بيعمل معاهم كم مشاكل رهيب

صمتت قليلا وعادت اليها ابتسامتها وقالت:
_ علشان كدة أنا الفترة اللي فاتت دي انشغلت في بناء نادي بمساعدة زوجي "سيف" وهو اكتر حدطبعا دعمني في الفكرة دي.. يكون مخصص للفتيات في السن ده، وطبعا في قوانين زي إن البنت ممنوع تدخل معاها الفون ده أولا، ثانيا ممنوع كمان وجود الأمهات ووالدات البنات معاهم جوا النادي

إرتفعت الكثير من الاصوات هامسة ومعترضة وقالت إحدي الامهات الجالسة في القاعة:_ ليه يادكتورة؟؟

إبتسمت جنة وقالت:_ هقولك ليه.. في بنات كتير في سن 17 و 18 سنة لحد الأن بتعتمد في وجود والدتها في كل خطوة بتخطيها واي قرار في حياتها امها هي اللي تقرره وكتير تقولك مبعرفش اخرج من البيت غير و أمي معايا  وده طبعا خطأ كبير  لان بيلغي شخصيتها تماما وبكدة هي مش هتعتمد علي نفسها في أي قرار بتاخده ومش هتعتمد علي نفسها في أي شئ وهيبقي عندها شخصية مهزوزة ان مكنتش معدومة اصلا علشان كده ممنوع وجود الام

قالت إحدي السيدات الجالسة بإعتراض:_ بس وجود الام مهم جدا في حياة عيالنا ازاي عايزانا منبقاش موجودين؟!

قالت جنة بتوضيح:_ مين قالك اني بلغي وجودكم او مش عايزاكم تبقوا موجودين في حياة اولادكم؟  انا برضو أم ومتواجدة في حياة أولادي بس مش بسيطر عليها.. بمعني أحنا دورنا في حياتهم بداية من ولادتهم لحد سن معين كدة معاهم خطوة بخطوة ماشي لكن في بداية سن المراهقة ده او أقل كمان من كده لازم يعتمدو علي نفسهم يخرجوا لوحدهم مفيش ماما هتخرج معاكي دي تاخد قرار بنفسها انا مش هقرر عنها ومش هلغي شخصيتها لكن هبقا في ضهرها و Support  ليها هي اللي تخطط لمستقبلها مش انا اللي اخططلها احنا وجودنا في حياتهم بيكون زي الأستيكة نمسح اخطائهم نعدلها لكن هما اللي يخططوا..

ثم قالت سيدة أخري بتسأل: طيب النادي ده نظامه ايه واسمه ايه؟؟

جنة بإبتسامة:_ أسمه نادي " خطوة تغير "بحيث ان البنات بعد ما تتدرب وتتعلم اللي هنعلمهلهم حياتهم هتكون مختلفة فكرهم هيتغير وهيبقي تفكرهم للقادم دايما وده هدفه إنشاء جيل مختلف وناجح لان مراهقة ونفسية البنت مهمة كده لحياتها ونجاحها وشغلها

أما بالنسبة نظامه ايه دي فهو كالأتي:  النادي من فترة العصرية للمغرب يعني من الساعة 3 الي 6
في فريق بيتكون من أطباء اخصائي نفسي ودول هيبقوا مخصصين لمعرفين مراهقة كل بنت عن ايه وإرشادها للتعامل بطريقة سليمة في حياتها ولاي بنت حابة تتكلم عن شئ نفسي برضو هما في المساعدة لدها
وكمان في بنات هيبقوا متخصصين في الأذياء والشئ بالشئ يذكر بما إني بصمم ذي إسلامي للبنات يكون Fashion ونفس الوقت لبس مناسب للبنت جهزت كولكشن ملابس للبنات المراهقة وده برضو هيتعرض في النادي وهنعلمهم ازاي يعرف ينسقوا الملابس بطريقة سليمة وهنكون مراعين جدا ان البنت يكون لبسها محتشم طبعا
وكمان هيبقي في قسم مخصص للمواهب، مهم جدا جدا ان البنت تعرف موهبتها وتنميها خاصة ان الزمن ده النجاح فيه بيكون بالمواهب وبفضل الله خصصنا قسم كامل في النادي مخصص للمواهب زي مثلا موهبة الرسم، التأليف، التطريز، الخياطة والصناعة، الطبخ، الكتابة وهكذا كل بنت هتختار ميولها أيه ونساعدها خطوة بخطوة وانا هبقي مشرفة ومتواجدة بجانب كل بنت وبإذن الله هكون قد المسؤلية.

جميع القاعة وقفت وبالتصفيق الحار والشديد للدكتورة بعد ما أنهت حديثها والجميع إلتف حوالها لإلتقاط الصور.

" في داخل سيارة فاخمة "

جنة بسعادة:
_ مبسوطة جدا ياسيف بالخطوة دي وبعون الله هتكون خطوة ناجحة

سيف وهو يقود السيارة وهو مرتدي نظارته ومرتدي قميص أبيض مفتوح الازرار العلوية ليظهر جزء من صدره العريض ويقول بهدوئه:_ حبيبي انا فخور بيكي جدا وواثق انك هتنجحي وانها علي قد ما هي مسؤلية كبيرة علي قد ما واثق انك قدها 

نظرت له جنة بنظرات عشق بعيونها العسلية وقالت وهي واضعة يدها فوق يده:_ انا بحبك اوي لانك دايما بتقف في ضهري ودايما بتشجعني وبتحفزني بكلامك.. دايما بننجح سوا وهننجح سوا ♡

"في مساء اليوم" 

كانت جنة تجلس في غرفتها الكبيرة والواسعة في قصر عائلة الجارحي وعلي فراشها كتبت بوست علي جروبها " الحجز في النادي  ان شاءلله هيكون من بكرا يوم الاحد لحد يوم الاثنين والنادي هيفتح بداية يوم الأربعاء هيكون تلات واربع وخميس من كل اسبوع "

ثم اغلقت هاتفها وهي تبتسم بسعادة ثم وقفت لتأخذ من طبق الفواكه امامها وهي ترتدي إحدي البيجامات اللطيفة وخرج زوجها سيف من المرحاض وذهب بجانبها وهو يرتدي بنطال قطني وتيشرت ابيض ويقول:_ هتاخدي حد من بنات العيلة هنا في النادي معاكي

جنة وهي تأكل التفاح:_ طبعا.. اولهم ياسمين بنتي وهاخد بنات ادهم اخويا هو وسليم

سيف بتعجب:_ ادهم بناته كبار مش مراهقين وسليم بنته بسنت كبيرة برضو انتي ممكن تاخدي ريماس بنته الصغيرة ماشي

جنة:_ لا البنات كلهم هيكون معايا اصلا بسنت صدعتني بقالها اسبوع تقولي ياعمتو هبقي معاكي في النادي هي حابة تساعد البنات، حتي بنات ادهم ليليان ولوجين إنما شهد بما إنها ثانوية عامة يعني هي محتاجة كل الدعم هي وريماس بنت سليم لازم يشتركوا في النادي

سيف بتعب:_ امممم.. عظيم ربنا يقويكي علي المهمة دي

جنة:_هتنام ياحبيبي؟!

سيف:_ايوة لان بقالي يومين مطبق في المقر كان عندي شغل كتير وهموت وانام.. تصبحي على خير

جنة بحب:_ وانت من الاهل الخير ياروحي.

#خطوة تغيير