احسست فجأة بشيئاً ثقيلاً يُرمي فوقي، صرخت بفزع و انا استيقظ من نومي ليتضح ان نادية هي من أرتمت فوقي لتوقظني صباح اليوم التالي...
"اوعي يا نادية انتي مستخفية نفسك!! في حد يصحي حد كدة!!" صرخت بوجهها و انا أبعدها عني بغضب لتضحك هي قائلة "قومي يا ليلي كل دة نوم ؟؟ دي القيامة بتقوم تحت و انتي مش حاسة!"
اعتدلت في جلستي لأنظر لها بجدية قائلة بقلق "في اية قلقتيني!!"
و قبل ان تجاوبني دخلت نادين قائلة بحماس و هي تقفل باب الغرفة ورائها بسرعة "يلهوي يلهوي البيت هيتهد فوق دماغنا!!!"
"في اية يا جماعة انا مش فاهمة حاجة" قلت لهم و انا انهض واقفة وسطهم بقلق...
لتقول نادين و هي لا تزال تقف خلف الباب و ترفع اعينها للسقف بدرامية مبالغ فيها
"اغلب تحت بيتخانق و صوته جايب اخر البلد مع حد المفروض بيشتغل معاه في الأرض باين، بس متعصب اوي!! شكل مزاجه النهاردة متعكر جامد!!"
"انا بخاف منه لما بيبقي كدة بجد البيت كله بيتوتر!" ردت نادية عليها لأنظر لكلاهما بحذر، فنعم ما رأيته من اغلب يفسر كلامهم و بشدة!
ازداد صوت الضجيج المكتوم الصادر من خلف غرفتي، لم الاحظه إلا الآن بما انني استيقظت!!
أتجهت للخارج بسرعة معهم لنقف بحذر خلف سور السلم نراقب ما يجري في الأسفل كما نفعل عادة، لأجد اغلب يتوسط الدوار بجلبابه الأسود و شعره المبعثر علي وجهه الذي يتحرك كلما تكلم، كان يتحدث بغضب واضح للرجل الخمسيني الذي امامه مطأطأ الرأس...
"اسمعني زين يا حج أبراهيم، طول عمرنا! طول عمر عائلة المصري ارضها بتطرح احسن و اجود الأنواع!!! و الكل عارف! و طول عمرنا الموردين بيتهاتفوا علينا عشان عارفين سمعتنا الكويسة و محصولنا اللي مفيش احسن منه.... و انت مورد من الأربعين الثانيين اللي بنوردلهم محصولنا.... كله متفق ياخذ بالسعر الفلاني.... جي انت دلوقتي تقولي لا السعر مش عاجبني!!! و اشمعني انت يا حج ابراهيم؟ اشمعني دلوقتي مش فاهم!!!"
كان اغلب يتحدث مع الرجل بنبرة صارمة و لكنه كان يحاول جاهداً كي لا يغضب اكثر ليرد الرجل عليه و هو مازال مطأطأ رأسه قائلاً
"انا عارف يا معلم اغلب كل الكلام دة بس انا فجأة الناس اللي ببيعلهم غلو عليا الأسعار فأنا كدة هخسر!!! ونبي يا معلم اغلب انا معاك من زمان و مخلص ليك مترفضليش طلب افك بيه زنقتي، الناس اللي شغال معاهم شادين جامد و الأيام دي لو سبتهم مش هلاقي اللي يشتري مني!!!"
نظر له اغلب مطولاً لينقل نظره بين اعمامه ليتنهد بعمق قائلاً بهدوء و لكن بنبرة عميقة
أنت تقرأ
عشقاً من قنا || Love From Qina
Romance"عارف انك بتموت فيها من زمان، هي بتاعتك يا اغلب من ساعة ماجت للدنيا دي و هي ليك.. طول ما انا عايش و انا حالف لأجوزهالك" . . . . . . . . . جميع الحقوق محفوظه و لا اسمح لأحد بأن يأخذ روايتي بدون علمي.
