"ဟုတ်လား။ ကိုယ်ကဖြင့် ဖြေရမယ်ထင်လို့ စိတ်ပြင်ဆင်နေတာကို"
Taehyungကို ခရိုင်မင်းဆိုသူက အနည်းငယ် ရှက်ကိုးရှက်ကန်းဖြစ်စေသည်။ မျက်နှာချင်းမဆိုင်ရဲအောင်ပင် စကားလုံးများ၊ အကြည့်များက ထိုးနှက်လျက်။ တစ်ဘက်ကို လှည့်ကြည့်တော့ လုပ်ဖော်ကိုင်ဖက်အစ်မက ဤအခြေအနေကို အနည်းငယ်အံ့ဩထူးဆန်းနေသယောင်ယောင်။
"ဟို..ဒါဆို ကျွန်မကို ခွင့်ပြုပါဦးနော်။ Mr.Kim ခရိုင်မင်းကို ကောင်းကောင်းဧည့်ဝတ်ကျေလိုက်ပါဦးနော်"
"အစ်မ.. အစ်မ.."
သူခေါ်တာကိုပင် လှည့်မကြည့်တော့၊ ထွက်သွားလိုက်တာများတစ်ချိုးတည်း။ Taehyungမှာ ခရိုင်မင်းရှေ့တင် ဝီစကီခွက်တစ်ခွက်ကိုကိုင်ပြီး ဘာလုပ်လို့ဘာကိုင်ရမှန်းမသိ။
သူတကယ်ပဲနေရခက်ပြီး စိတ်အိုက်လှပါသည်။ သူကိုယ်တိုင်လည်း ကိုယ့်အားကိုယ်ကိုးပြီး အမှီအခိုကင်းသော ယောကျ်ားရင့်မာတစ်ယောက်ဖြစ်သည့်တိုင် ခရိုင်မင်းရှေ့ရပ်နေရသည်ကပင် သူ့ဒူးဆစ်ကို အားပျော့သွားစေသည်။ အရှိန်အဝါတစ်ခုအောက်မှာ အုပ်မိုးခံထားရသူမှန်း သိသိသာသာ။"ထိုင်ပါဦး။ စကားပြောစရာတွေ အများကြီးကျန်သေးတာဆိုတော့ မတ်တပ်ရပ်နေရင် ညောင်းလိမ့်မယ်"
"ဪ.. ဟုတ်ကဲ့"
ခရိုင်မင်းမှာ သူ့ကို ဘာပြောစရာစကား ရှိနေလို့များလဲ။ သူတကယ်ပဲနားမလည်နိုင်ပါ။ အခုမှတွေ့ကြသူများဖြစ်သည့်အပြင် လုပ်ငန်းသဘောတရားအရလည်း တိုက်ရိုက်ဆက်စပ်နေခြင်းမျိုးမရှိ။ ဒါတောင် ပြောစရာတွေက များသတဲ့လား။
အတွေးနဲ့တင် လူက ပူထူလာတာကြောင့် လက်ထဲက ဝီစကီကို တစ်ကျိုက်တည်း မော့သောက်လိုက်သည်။"ကိုယ်ဝီစကီငဲ့ပေးမယ်"
"မဟုတ်တာ။ ကျွန်တော်အများကြီးမသောက်နိုင်ပါဘူး"
"ဟုတ်ရဲ့လား။ တစ်ကျိုက်တည်းသောက်ပစ်တော့ ဝီစကီကြိုက်တယ်လို့ မောင်ကထင်နေတာ"
"ဗျာ"
အခု သူမူးနေပြီလား။ တစ်ခွက်တည်းနဲ့ မူးသွားလို့များ ကြားမိကြားရာတွေ ကြားနေမိတာများလား။ စာပို့နေကျလူကို စိတ်စွဲပြီးများ ကြားချင်ရာကြားနေရတယ်လို့။ သည်ညတော့ သူ့စိတ်သူထိန်းထားမှ ဖြစ်တော့မည်။ ခရိုင်မင်းအနားနေရတာ ဖိအားက များပါဘိသနဲ့.. သည်ပုံအတိုင်းဆို အမှားလုပ်မိချေတော့မည်။
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
Part 4
Start from the beginning