مصحه ألم

بارت الرابع

نور الزبيدي
مصحه ألم

تبدأ الأوهام حين نهرب من واقعنا
ب وهم جميل يسعد قلبنا🤍

فتحت عيوني باوعت غرفه بيضه لونه باهت وتعبان
بارده والحياطين كلش تعبانه
واكو سرير ثاني يمي وشباك صغير مشبج
حاولة استوعب اني وين انفتح الباب ودخل دكتور
وياه مساعده بديه صنيه

تقدمو عليه واني شردت على الجربايه وحصرت نفسي
على الحايط غمضت عيوني حيل
وكال

- لا تخافين فتحي عيونج شوفني شنو جبت الج

فتحت عيوني بخوف وقدم الي الصنيه

- عرفت تحبين هيج اكل

درت وجهي عنه وكال
- نيران راح اعوف الاكل هنا

طلعو من الغرفه وكمت اريد اطلع منا
ردت افتح الباب بس مقفول
باوعت على الشباك مسيج بس الضوه يدخل منه
بقيت ادك بالباب حتى يفتحو دخلت وحده
رادت تضربني ابره جريتها منها دفعته بالكاع
وطلعت من الغرفه بقت اركض بين الممرات
ما اندل طريق الطلعه

اركض واتلفت لا واحد يلزمني ما اريد
ابر ولا حبوب اريد ارجع للبيت
انضرب راسي بشخص وكعت بالكاع

نزل لمستواي وكال
- وين تشردين

اجت البنيه وكالت
- شردت من ايدي لا تخليه تطلع

بعصبيه
- ما اريد ابر ولا حبوب طلعوني منا اني مو خبله

- محد كال عليج خبله كومي وياي

كمشني من ايدي حاولت افلته منه وكال
- لا تحاولين اخاف تشردين مني

- ما اشرد بس طلعني منا

- مو هسه

صار يمشني وياه وكفنه يم غرفه بيه رجال
يسوي حركات بهلوانيه يسولف ويضحك وكال
' عنده اضطراب الحركه

باوعت اله بتسأل وكال
- ما يكدر يتحكم بحركاته وصار اله سنتين هنا

مشه وكفني يم غرفه ثانيه بيه بنيه شابه شكله طبيعي
ما عبالك مريضه وكال
- تعاني من اضطراب تبدد الشخصيه
تعرضت للاعتداء وعنف وصارت هيج،
وتحس عايشه بحلم وقته بطيء

مشينه وكفنه يم بنيه ثانيه وكال
- عدها اضطراب ثنائي القطب
تعرضت للاهمال من قبل الاهل
تتخيل أحداث ومشاهد وتعتبرهم صايرين الها
بس أوهام

نيران انت بالنسبه الهم احسن
كل هذول المرضه نسبه شفائهم تعتمد عليهم
حتى انتِ اذا تقارنين نفسج بيهم تشوفين نفسج
احسن وما تحتاجين تبقين هنا لثانيه

وابو الصدمه مو مثل هذول بفتره علاج قليله
تتحسنين بس لازم تساعدين نفسج

هزيت راسي وكال
- لازم تاكلين كل اكلاتج وتشربين العلاج