حـــمامة الشـــهم..🕊️
حــب وعــذاب.....🤍
ffaa22_
...:بعدني أشتاك وأدعيلك
بعدني لهسه اغنيلك
بعدني من كعد لوحدي
مڪان بصفي أخليلك
_______________✓_______________
بـــــتول....✓
جنت خايفة ومتوترة بية فرحة وبية حزن اباوع عليه يهز برجله ويباوع بالجامه يفرك براسة متوتر ومعصب اخاف احاجية ويفشلني الي يسوق مطلع اغاني عراقيه تركص وكلساع يبارك ل بافل وهوه يرد عليه بكلمة وحدة
زفرت بخفة ورجعت راسي ليورة هاذا الزواج موترني من واني صغيرة احب بافل حتى قبل لا يعورني جنت احبه واحب العب وياه
ومن كبرت وعيت اني مخطوبة البافل فرحت احب كل تفاصيله ضحكته شخصيته جماله حنيته ويا اهله
حبيت كل صغيرة وجبيرة بي بس للآسف حبي جان من طرف واحد بعمره ما باوع الوجهي او حجى وياي دائما على كد السلام والسؤال
من اشوفه متجاهلني اروح اباوع على روحي ولشوف الندبة واضل ابجي والوم بروحي اني بشعه من ورة هاي الي بخدي كلها تكلي انتي حلوة ومتهم الي بوجهج بس
مرات من يجي خطابه اول ما يشوفون وجهي يشردون امثل اني ما اهتميت بس اني انقهر مو عليهم
انقهر واكول اكيد سبب عدم حب بافل الي هو ندبتي
فزيت على صوت الولد يكول _
_..وصلنة يلعرسان شرفو
نزل بافل قبلي وفتح الي الباب باوعتله عاقد حواجبه وضايج ساعدني وطلع البدلة وياي طبينه الفندق بدون حجي
حتى ايدي ما لزمها ما حجيت تحملت واكول _ يتغير _
حجى ويا ادارة الفندق ورحنى الغرفتنة اول ما دخل دخلت وراه بتوتر وارتباك كلبي يرجف ويدي
شفته كعد على الجرباية مغمض حيل سديت الباب وكفت بل دون حجي منزلة راسي خجلانه
سمعت صوته اخيرا يكول ببرود
_ تعاي !
رفعت راسي اله بسرعه وبلعت ريكي تقدمت بهدوء وكعدت منزلة راسي بصفة كال برود
_ارفعي راسج لازم نحجي !!
قلبي رجف ورفعت راسي اله زفر بقوة وكال
_ شكو شيء براسج مراح يصير !
رمشت واستغربت من كلامه كلت بخفوت _
_م م فهمت ؟
ضحك ضحكة وهو يعض شفته
_ باوعيلي زين وشوفي عيوني اكو ذرة حب بيهن تجاهج ؟
حسيت بغصة وردت ابجي عيوني مباشرتأ غورقن بس ما حجيت
_ كمل كلامه السم الي بعمره مراح انساه _
YOU ARE READING
حمامة الشهم ( مكتملة )
Randomقصة حقيقية بقلمي انا _ فاطمة 🤍 مشهد اول...... ضلام والبيت هادئ بشكل يخوف لحد الان ما مرتاحه لهاذا البيت جيت علي اليوم والناس البي غرييبين وبسرعه دا اخلص واطلع ... تقدمت على الباب دا افتحه وجان اشهك بسرعه من الايد الي صارت على بطني وحلگي محاوطني بقو...
