تحت قبضة الأجدع

البارت التاسع

وخرت راسي
لزمني من شعري المطشر خصلة
طويل وخصلة قصير ومن وره ماكو بس من گدام لزمني بايده ثانية وجرني اني والكرسي
يحجي

الاعور:-منو معذب هـل حلو منوو

ماسيطرت
على روحي الا واني اغلط بنفعال

ضربني
راشدي كلبني اني الكرسي للكاع لزم چف أيدي وحطة جوه رجلة

چان لابس بسطال
وكُله طين خله چف يدي كُله جواه احس روحي طلعت
ضلت روحي تفرفح اضرب برجلة وهو كل ما اصيح يضغط ازيد

صحت متخبله

::-إن شاء الله تنكسر
رجلك حيوان شيل رجلك انعل والديك ااخخخ ايدددددي ااااخ

الاعور:-تعرفين
لو ما تفيديني بشغلي چان كصيت السانچ وحطيتة بيدچ بس بعد

حچاها ودنك
لزمني من شعري الباقي وركع راســي برجل الكرسي دنيا
طلعت من عيني لزمت راسي والغرفة صارت تفتر

تمددت على ظهري
اباوع لسكف دموعي ماتنزل بس تارسة عيني دكات كلبي
احس تنسمع ريكي يبس جسمي باد ومابيه حيل بعد اقاوم

سحبني واني منتهيه رجعني
على كرسي
وكعد كبالي ادم منا ومنا ينزل
جرح كصتي القديم انفتح بده ينزل دم اقوى من الضربة الضربنياها

عثمان بس مكتف اديه
ومرتكي على حايط يباوع سكت

الاعور:-شوفي عثمان شتراچ حرف غلط واحد منچ موتچ على أيدي قبل أيده فتهمتي

بلعت ريك
بخوف راسي يـفـتر شلت ايدي امسح بالدم الازك على عيني وهمس

::-الله ياخذك حيو...
عصر أيدي بقوة الدم اجمد بَيها

الاعور:-السانچ اكصة لچ لو ما بيچ ارباح چـان السانچ اشوي كدامچ كح..ه

ضحك عثمان وحجه

عثمان:-اتركها سيدي تقول
مايعجبها
فأنا اتحمل لأني احببتها فاتنة وجميلة وشرسه

الاعور:-ادفع كاش واخذها

عثمان:-سوف اخذها الليلة وغداً أتي وسلمك المبلغ كاش ف هل توافق

الاعور:-جيب فلوسك باچر واخذها

عثمان:-سيدي انا رجل
لا يطيق الانتظار ف اتمنى تفهمني والمال غداً هو بجيبك

الاعور:-عثمان إذا
صرت تلعب بذيلك راسك باچر قبل الغروب يمي فتهمت
منا الصبح الفلوس يمي ربع ناقص تعرف العقاب