غلطة عمري(ليبية_منقولة)

الحلقة 25

الحلقه الخامسه و العشرون...(25)
مرعيه صبت تستقبل فيهم بعد شافت سليمه
انصدمة 😳وقعدت امصبيه
سليمه خشت رجاء وبناتها في حالة صدمه😳
سليمه مستوها ومصبيه اتبحت فيهم😳
رجاء ابصوت يرعش" سليييييييييييمه....😳
سليمه😳
البنات كلهن بحتاً في امهن
وقعدو جي عشر دقايق هما ايبحتو في بعضهم
والبنات ماهن عارفات حاجه
عتاب" ماما شن في انتم تعرفو بعضكم
سليمه ساكته🤐
جمانه" ماما كنكم شن في نحن مش فاهمين حاجه
سليمه عدت شور رجاء وطبس وقعدت اتحب على ايدها وكرعيها
البنات😳
سليمه وهي تبكي😭😭" سامحيني يا امي ارجوكي سمحيني ع يالي درته كله و على اجوازتي من غير رضاكم لكن يا امي كنت انحب اكرم وما عمري
تخيلت انحب ولا انعيش مع غيره لكن جديات معني عشت مع راجل يالي انحبه لكن قعد مكانكم فاضي وقهرني وجوز عليا بدون علمي وخش عليا ابنته وبكل برود و وقاحه قالي بنتي لكن ربي كان عالم ابنيتي الصافيه اطلعت ابنيته بنت حلال وتحملتني مع معاملتي الزفته الها اصبرت عليا و لما مرضت صبت جنبي اروجكي يا امي سامحيني
رجاء كانت تبكي وتضبط في سليمه وهي مش امصدقه
😭😭😭
رجاء وهي تبكي" الله ايسامحك يا مينه من اول ماعديتي ونا في حاله مايعلم بيها الا الكبير وباتك حتى هو ياما صارله امسيكين
سليمه وهي تبكي😭" ازعما ايسامحني يا امي
رجاء وهي تبكي😭" امسامحك من يوم ماطلعتي من الحوش مع اكرم وديما يدعيلك وقالي ماكنتش نبي نمعنها لكن اكرم راجل على قد حاله وسليمه متعودها ع خير ومش ح تحمل تقعد امعاه باتك يا سلومه
كاين خايف عليك يابنيت كبدي
كلهم كانو مصدومين ومش امصديق
معقوله معقوله بعد العمر هضا كله سليمه تلقى هلها
معقوله فرج يطلع ولد خالت عتاب معقوله عليك دنيا ادور و ردت سليمه اجتمعت بيهم ( ان الله على كل شي قدير👌👌)
اقعداً رحمه و سالمه و مرعيه يضبطاً فيها ويبكن ومش امصدقات والبنات مزلاً مصدومات لأن ابجد موقف واعر بعد اسنين وبنين تلقى هلها وقعمزو كلهم مع بعضهم وقعدو يحكو كيف صارت القصه
وشن صار بعد سليمه اجوزت وعدت مرعيه رنت على سليمان خوها و باتها وشباب العيله وقالتلهم تعالو عندي ضروري
........
عند عيت انتصار
جنها صباح ومروه و ايمان كلمت ايناس
وقالتلها تعالي
مروه" امي عتاب وين غريبه مانزلتش🤔
انتصار" اهل فرج حبين ايتعرفو على هلها عزموهم اليوم
مروه" اها بعدك امرايفه عليها
صباح" حتى انا امرايفه عليها ليا زمان عليها
انتصار" توا جيات ايمان وايناس بيتات عندي
مروه بستغراب" عليش🤔
انتصار" باتك مش بايت هنا اليوم قاللي انجوك قلتلهن تعالاً
.......
عند عيت عتاب
جا هاشم جدهم و سليمان ولدهم والشباب
هاشم خش و رفع اعيونه شاف سليمه معش عرف
ايصبي ع كرعيه وطاح فالوطى سليمه جاته وقعدت اتحب فيه على ايديه وكرعيه
سليمان😳
سليمه" سامحني يا باتي سامحني على كل حاجه درتها وعاندكم فيها ابجد اسفه واللهي حياتي بعدكم ضايعه
هاشم يبكي😭 ومش امصدق ان يوم من الأيام ح يرد ايشوف سليمه
الشاب كانو مصدمين من الوضع يالي ساير😳
سليمان صبى سليمه وضبطها وقعد يبكي😭 من جد جده
مرعيه تمسح في ادموعها" خشو جوا خشو
وخش هاشم وسليمان وباقي الشباب فرج خش
ومافطنش ان هنيده قاعده هنيده حقاته اقعدت اتبحت فيه
مرعيه" طبعاً انتم مش عرفين شن صاير الموضوع كله ان.........
الشباب صبو اقعدو ايسلمو على سليمه والبنات بس الوحيد يالي مزال منصدم هو فرج
هاشم" سليمه كلمي اكرم وكان عندك عويل
سليمه" عندي الكبير سليمان ويالي اصغر منه هاشم والصغير زبير
معتز ابصدمه😳" ماتقوليش هاشم و زبير افلان
سليمه" اها
معتز😳
هاشم" كيف تعرفهم🤔
معتز" تي اصحابي راس يا عليك زمان اصحابي فالهنايه يطلعو اعيال خالتي🙂
وعدت سليمه كلمت اكرم و العويل وجو و تأسف
اكرم من هاشم وقعدو كلهم ايهدرزو وفرج فطن لي هنيده معش حول اعيونه من عليها وهنيده اقريب اتموت من الحشم
عتاب اتوشوش لي سارة" كنه جوك مش تمام
سارة" متعاركه انا ومنتصر
عتاب" عليش
سارة" يومتها ماما تبي تمشي للسوق
قتله نبي نمشي امعاها قالي لا اشويه قتله
مش ح نعدي وعديت امعاها والقينها فالسوق
وشافني ودارلي نهارات
عتاب" هيييييييي😱😱حتى انتِ شن طلعك
سارة اسكتت🤐
هاشم جدهم" مرعيه انصبي العشا
مرعيه" هيا توا نايضه ننصب فيه
سارة" لالا خليك يا خويله نحن عليش قاعدين تو انصبو
مرعيه" نجك ليا حبيبتي
وصباً البنات للمطبخ
جمانه" عليك صدفه واللهي اول حاجه شفاتك خالتي
في باريس وبعدها طلع ناصر صاحب فرج راجلك وفالنهايه طلعتي بنت خالتنا
منى" يعني انتم ماكنتوش تعرفو ان عندكم خاله والجو هضا
زمرد" لالا الكل كان عارف بالقصه واكيده مهمت صار
اخويله كانت تبي اترد بس مش متوقع ان انتلاقو هكي
عتاب" وين باقي البنات
هبة" طبعاً اسماء اختي متجوزه وعندها ابنيه اسمها فاطمه و فريحه حتى هي متجوزه وعندها اوليدين حمادي و اوس على اساس جيات بس مش عارف كنهن ماجاً
سارة" شن تبو اديرو العشا
ياسمين" مش عارف ديرو مكرونه كان هضا
نور" هييييي كيف تبي جدي يمسح بينا الوطى انتِ
جمانه" خلينا انديرو رز بالتقليه و محشي ومسير
البنات" باهي تمام
وبداً البنات ايديراً فالعشا وهنيده مش امعاهن بكل
عقلها مع فرج و برضو فرج كان ايفكر فيها ومش قادر يقعد في مكانه كملو العشاء وبداً ايوتاً فالسفر ويحطاً فالسلاطه والمسير طبعاً الرجاله اطلعو برا فالمربوعه وقعدت رجاء وبانتها فالصاله
زمرد" هيا شيلاً يا بنات
هنيده خضت سفره وشالتها قابلها فرج خاش
فرج😍
هنيده😍
فرج" هاتي انشيل عليك
هنيده مدتها لاه وصوت دقات قلبها اقريب يسمعهن فرج من قوتهن وخشت جوا تجري
كملو حط العشاء ورن فرج علي ناصر وحكاله يالي صار
وناصر انصدم صدمه قويه وقاله تعال تعشى
تعشو وقعدو ايهدرزو للفجر طبعاً مرعيه و سالمه راجلتهن متوفيين و رحمه راجلها امسافر
اذن الفجر ودنيا مزالت حاسيه و الفرح مالي الحوش
عتاب حست روحها تعبانه وكبدها زاعمه رنت على ناصر
ناصر ابصوت واطي" ايوا حبيبي❤
عتاب" هيا حبيبي حاسه روحي تعبانه❤😖
ناصر" باهي هيا وتي روحك
عتاب صبت تلبس
مرعيه" بيبو خليك باتي
عتاب" واللهي يا خويله تعبانه بكل نبي انروح نرقد
وطلعت عتاب سلمت
خلاتها والبنات وخشت سلمت على خالها وجدها وباتها وخوتها وسلمت ع شباب من بعيد وطلعت هي وناصر
وعدو للحوش
........
عتاب حست روحها تعبانه بكل
خشت دوشت وطلعت اسمعت فونها ايرن
استغربت لأن الساعه 5 الصبح من يالي ايرن
بحتت لقاته رقم خارجي عرفاتها اماني طول ردة
عتاب" ايوا❤
اماني" بيبو حبيبي كيف حالك❤
عتاب" امونه ياعمري الحمدالله انتِ شن دايره يا روحي
اماني" امرايفتلكم كلكم
عتاب" ونحن اكثر
اماني" كيف حال ماما والبنات و بابا و العيال وعيت جدو
عتاب" اكويسين توا كيف روحت منهم
اماني" الساعه كم عندكم توا
عتاب" 5 الفجر
اماني" هيييييي اسفه ع ازعاج نحسابه 12 ال11 الصبح
عتاب" لا عادي ياعمري
اماني بستغراب" كيف عليش قاعده لعند توا عند ماما
عتاب" ييييييي قصه طويله
اماني" احكيها ليا
عتاب" انتِ فالأول قوليلي شن جو نزار امعاك وبنته شن دايره فيك
اماني" نزار ايهبل ومافيش كيفه وبنته عسوله وتوا اتقولي يا ماما😍😍
عتاب" نجك ليا امتى امروحه
اماني" بكره بيش اتجي اتباتي غادي بعدك امرايفه عليكم
عتاب ابفرحه" صاح بكره امروحه ح تلقيني قدامك
اماني" احكيلي
عتاب" يا حنه.....
اماني😳
عتاب تضحك😂" عارفتك منصدمه كيف ما صارلنا
اماني" واااااااااا عليك دنيا فعلاً دواره
عتاب" بس ايهبلو يا اماني خلاتي عسل وخالو وحني و جدو ايهبلو ولا البنات جوهن خيال ابجد القينه نصفنا المفقود
اماني" سهفتيني خاطري انشوفهم خلاص توا عدي ارقدي ومره ثانيه اسفه ع ازعاج
عتاب" اسكتي يا بارده لا ازعاج لا شي هيا باي انتلاقو
اماني" بيباي وسكرت🤗
عتاب افقدت ناصر اقعدت ادور فيه خشت للدار لقاته
امقعمز ع سرير وراقد وهو امقعمز
عتاب" هيييييييي حبيبي كنك راقد هكي
عتاب وجعها ناصر كيف راقد وفعلاً كان باين عليه الأرهاق عتاب جت اركبت ع سرير وقعمزة جنب ناصر
عتاب ابصوت واطي" حبيبي ارقد اكويس
ناصر فطن ان في حد يحكيله بس كان ميت نعس😴
فرد جسمه وقبل ما ايحط راسه عتاب مسكاته وحطاته على صدرها وضماته شورها وقعدت تلعب بي لحيته
عتاب ابصوت واطي بكل" سامحني انا امتعبتك امعايا
ومشحورتك واسفه يا قلبي بس تعرف حاجه على قد من تعب فيك على قد ما انحبك ونموت في حبك يا ناصر وحباته على خده وتغطةوغطاته امعاها ورقدت
❤❤❤
........
ثاني يوم تحديداً الساعه 12
ناض ناصر لقى روحه راقد على صدر عتاب حبها على فم....💋💋
وصبى خش ايدوش
عتاب افطنت ان ناصر صبى ناضت وغسلت وجها
ودارت فطور وحددت جلابيته وقعدت اتوتي في دبشها
ناصر طلع من الحمام(حشاكم)" صباح الخير حبيبي
عتاب" صباح النور يا روحي
ناصر" اووووووو غريبه دايره فطور
عتاب" اوووووو😫 نبو نبدو اندورو في المشاكل تو ما كل صبح انديرلك في فطرو
ناصر يضحك😂" انبصر امعاك تعالي افطري امعايا
عتاب جت تبي اتقعمز ع كرسي ناصر مسكها من يدها و قعمزها ع كتره وقعد ايوكل فيها وياكل
ناصر ايبحت في عتاب" توا انتِ ماتبيش تطولي😍
عتاب😒
ناصر😂
ناصر" لا ابجد مرات انحس فيك ابنيتي مش مراتي😎
عتاب صبت من على كتره" واللهي انوريك وجت تبي اتعد ناصر مسكها
ناصر" غير وسعي بالك انركب عليك يا زعاله😘
عتاب" بطل حناطه😏
ناصر يضحك😂 رد قعمزها ع كتره
ناصر" بس جد كنك اقصيره🙄
عتاب" نااااااااصرررررر😠
ناصر ميت ضحك😂😂" خلاص خلاص
وفطرو وكملو صبت عتاب لمت السفره وبرمت ع حوش وطيبت غداء لي ناصر وغلافته بالقزير
عتاب" حبيبي اليوم بايته عند هلي
ناصر" لا حبيبي الا البيات عدي انشالله تقعدي لعند الصبح لاكن البيات فوتيه انا معش نقدر نرقد بلاك ولا نقعد بلاك
عتاب ابزعله😔" حبيبي بطل سماطه اماني امورحه وجايه الهلي اول زياره وماما عازمه خوالي واكيده بيتين خليني اليوم بس
ناصر سكت🤐
عتاب جت وضبطت ارقبته من لاورا وجت عند وذنه
عتاب تهمس" هيا حبي وراسي واللهي معاد نطلب حاجه بعدها
ناصر" باهي عدي وتي حاجتك
عتاب حباته على لحيته ابفرحه" انحبك واللهي انحبك
وخشت للدار تجري❤❤
ناصر" واللهي انا يالي انحبك❤❤
والبسة عتاب ولبس ناصر
عتاب" حبيبي مش ح تجي ع غداء صح
ناصر" اها انتِ عارفه اليوم لمتنا عند طارق
عتاب" خلاص انا طلعتلك بيتزا و بوريك وشوية موالح
وسخنتهن لكي وغلفتهن بالقزير
ناصر" اهم حاجه الشربه
عتاب" اها درتها لكي انت سخنها بس
ناصر" باهي هيا
ونزلت عتاب وناصر لوطى لقو انتصار وايمان و ايناس
امقعمزات فالصاله خشو سلمو عليهم وحكو لي انتصار شن صار
انتصار" يعني متغديه غادي
عتاب" وبايته
انتصار" اخسارة قبل نبي انهدرز امعاك
عتاب" بكره ان شاء الله اعميمه قالتلك ماما
بيش اتجي فالعشيه اتهدرزي غير اترن عليك
مش امحصلتك
انتصار" خلاص تمام تو انخلي جمال ايجيبني
ناصر انت متغدي غادي
عتاب" لالا ماشي لي اصحابه وانا درتله غاده قاعد فوق هو ايجي ايسخن وياكل بس
انتصار" سلملي كنتي يالي تفهم وماتطلع من حوشها الا وهي تامه امورها وامور راجلها
ايمان و ايناس😒
ناصر" بالك ساد تي هيا عيب عليك
عتاب" هيا اعميمه باي مع سلامه ي بنات🤗
وعدت اطلعت وعدت هي وناصر لي هلها
.....
ايناس" ازي هل حقيره التافها ماحبيتها بكل😒
ايمان" ان شاء الله من بعد اليوم معش ح تخشله الحوش هضا
ايناس بستغراب" كيف🤨
ايمان اضحكت ضحكت خبث😏" تو اتحقي
ايناس" شن صار في يالي قلتيلي عليه
ايمان" اليوم ح تنفذ الخطه وكلها كم ساعه وتقعدي حرم ناصر افلان
ايناس😍😍
.......
عتاب اوصلت عند هلها
انزلت لقت خوالها قعدين خشت هي وناصر
لقو الشباب امقعمزين فالجنان عتاب خشت جوا
وناصر قعمز امعاهم
عتاب" هاااااااااااااااااااااااااي🤗🤗
كلهم" مرحبتين
عتاب اقعدت اتسلم وجت قعمزت
عتاب" شن قلتو لي جدو
منى" رن عليه بابا وحكاله شن صار وقاله ان
اليوم مش جيين للمزرعه لأن خوالي متغديين عندنا
عتاب" اها بس شفت منتصر برا
منى" اها بايت مع هاشم من امس
عتاب" جودي وموني وين
منى" نمارق برا مع زبير و جهاد عند جمانه
عتاب" جمانه جمانه
جمانه اطلعت من الدار" نعم
عتاب" جبيلي جودي اشويه
جمانه جت وعطاتها الها
عتاب" جودي حبيبي ويا خالتو وقعدت اتحب فيه
😍😍❤❤😘😘
هنيده جت وخضاته منها
هنيده" تعال يا خالتو وخضاته وعدت بيه للدار مع جمانه كان الجو فوق الخيال عندهم خلاتها وحنها وامها داراً الغداء والبنات هدرزه وجو ايهبل جو الشباب
وخالها و باتها روحو من الجامع وحطو الغداء
وتغدو وطلعو كلهم لي قطعة سليمان خالهم
بس منتصر قعد مابش يمشي لأن كان يبي يحكي مع سارة عتاب افطنت طول القعده سارة جوها مش تمام
عتاب" سارة تعالي نبيك جوا
سارة" هيا جايتك نعم
عتاب" خشي
سارة" نعم رعشتيني😟
عتاب" كنه جوك مش تمام🤔
سارة اقعدت تبكي😭
عتاب ابخوف😟" عليش تبكي كنك حبيبتي
سارة" منتصر لا ايكلم فيا و لا امعدل عليا وانتِ حقيتيه امبدري يحكي مع البنات ومش امدورني و هو عارفني منحبش يحكي مع غيري وعارفته هضا كلا مكره فيا
عتاب" خلاص بلا ابكاء منتصر مستحيل ايحب غيرك
و انتِ عارفه الدوه مع بنات عمي دايرها بلعاني فيك
سارة" باهي شن اندير اول مره ايجافيني هكي
عتاب" حاولتي اترني عليه
سارة" لالا
عتاب" انتِ غلطانه مفروض اترني وتعتذري لاكن هو ايكابر وانتِ اتكابري
سارة" شنو الحل
عتاب" عديله توا قاعد برا فالمربوعه و اعتذري منه
سارة اسكتت🤐
عتاب" سارة ما تسكتيش الصراحه انتِ غلطانه ولازم تعتذري
سارة" هضا رايك
عتاب" اها هضى رايي انتِ يالي غلطانه انتِ يالي تعتذري
سارة" هيا تو انعديلا وعدت اطلعت وهي اتقدم شور المربوعه اسمعت منتصر يحكي بالفون صبت وقعدت تسمع فيه
منتصر"
.......
عند انتصار تغدو
وخشت اتوتي في دبشها عشان تمشي لي اهل عتاب
ايناس" ها شن الخطه
ايمان" اول حاجه الخطه تبي قوة قلب وتحملي عواقبها
ايناس" مستعده اندير أي حاجه عشان ناصر
ايمان" انا ح نقولك شن انديرو وانتِ شوفي هل ايناسبك ولا لا
انتصار اطلعت
انتصار" بنات انا ماشيه وانتاً الحوش حوشكن
الله ايربحكن بعد اشويه ح يجي عمر وباته اشرفاً
ع خدامات كيف ايحطاً الغداء
ايمان" حاضر يا خالتي عدي وانتِ مطمنه
انتصار" هيا مع سلامه🤗
وطلعت انتصار
ايمان" والخطه توا اقعدت احسن
ايناس" باهي قوليلي
ايمان"
........
عند عتاب
منتصر" ههههههههه😅 صاح حتى انا لاحظتها فيك تسكير الراس باهي به تو انوريك واللهي حتى انا باهي خلاص نبي نطلع بعدين نحكو باي اسمعي قبل ما اتسكري انحبك سلام
سارة انصدمة😳 من كلام منتصر وعيونها وحدهن اقعداً ايزلاً ف دموع وخشت تجري قبل ما ايشوفها منتصر ولحقتها عتاب
عتاب" ها شن صار امعاك
سارة وهي تبكي😭😭" سمعته يا عتاب سمعته ايقوللها انحبك
عتاب" تي من هذي
سارة" مش عارف سمعته يحكي مع وحده ويضحك وقاللها انحبك حي عليا منتصر عدى من بين ايديا
عتاب" اسكتي بلا اهبال ليش ما واجهتيه ولا خلاص استسلمتي اتخليه ايعدي الغيرك بالرخيص هكي
سارة" عتاب ماعمري توقعت نسمع منتصر ايقول الغيري انحبك
عتاب" صبي امسحي وجك وبعدين نحكو فالموضوع ونلقو حل وطلعاً ايهدرزاً مع البنات
.........
ايمان" اسمعيني يالي ح يخلي ناصر يجوزك هو واحد مافيش غيره
ايناس" من
ايمان" جد ناصر
ايناس" وشن ح يخلي جد ناصر ايخليه يجوزني🤔
ايمان" العار😏
ايناس😳
ايمان" اها العار اول حاجه.........
ايناس استكت🤐
ايمان" ها شن قلتي
ايناس" بس الموضوع صعب صعب بكل يا ايمان
ايمان" مش تبي ناصر نوعدك ان فاتحتك عليه ح تكون اليوم
ايناس" خلاص اموافقه
ايمان" ابرافو عليك تعالي نبدو الخطه
........
منتصر" تي مكسح راسها البنت هذ هي الغلطانه ولاجت استسمحت ولا رنت ولا شي يعني عرفتني انحبها ف مش امدورتني ومسك فونه ورن عليها
سارة كانت امقعمزة برا اتهدرز مع البنات رن فونها ردت
سارة" ايوا
منتصر" تعالي نبيك فالمربوعه
سارة سكرت عليه وصبت عدتلا خشت للمربوعه
لقاته يرجى فيها
منتصر" خشي كنك امصبيه
سارة" كنك
منتصر" كيف كنك🤨
سارة" يعني شن تبي يعني ماذا تريد يعني شنو في يعني شو بدك يعني عايز ايه🙄
منتصر" ههههههههه😂 نجيها العسل🍯🍯
سارة" منتصر خلص واللهي ماني طايقه شوفتك
منتصر" معقوله يا مكاره لا تجي تحكي لا اترني عليك قلب قاسي فيك الزح
سارة" هههه😒 ضحكتني وانا ما عنديش نيه في الضحك بكل اتصدق منتصر خاطني
منتصر" شكله في حاجه صح لأن انتِ ما تحكي هكي الا عندك حاجه
سارة" اها في ولولا عتاب راه واللهي ماقتلك
منتصر" شنو كيف وشن دخل عتاب
سارة" هي سألتني.....
منتصر" باهي ليش ماجيتيني وحكيتي امعايا
سارة" ماهو جيت وقعدت تبكي😭
منتصر" عليش تبكي حبيبي وحط يده على وجه سارة
سارة حولت يده" حول يدك ومعش اتقول حبيبي اوكي انسى حاجه اسماها سارة
منتصر" سارة يا روحي كنك شن في
سارة" قتلك معش اتقول لا روحي وحبيبي لا غيرها لأنها اول مره انحسها تطلع منك كذبه
منتصر" سارة كنك انا واللهي انحبك❤
سارة ابصوت عالي" خلااااااااااااااااااااااااص معش اتقول انحبك خلاص هي شكلها واخذ عليها السانك
💔💔
منتصر" اسسسسسسس وطي حسك واللهي انحبك
سارة بصوت عالي وهي تبكي" سكر فمك يا كذاب سكرا
فمك هضا وحطت يدها على فم منتصر انا معش نبيك خلاص كل حاجه بيني وبينك انهيها خلاص ساد جفا وحب كذب خلاص خطاني وجت تبي اتعدي مسكها منتصر وضبطها
منتصر" كنك من امخربك عليا
سارة كرت روحها من منتصر وضربتى كف✋✋
سارة" معش تلمسني يا حقير
منتصر ابصوت عالي" سارة احكي كنك ماتقعديش هكي مش عارف شن صايرلك😡
سارة" مش لازم تعرف وعدت سيباتى وخشت ع بنات
عتاب ابصوت واطي" شن صار
سارة" ضربتى كف
عتاب" هييييييييي😱😱 طح سعدك فيش اتحسي
منتصر ابصوت عالي بكل بكل بكل" عتاااااااااااااااااااااااااااااااااااب تعالي😡😡
ايمان" بسم الله كنه منتصر
ملاك" عدي يا عتاب راه ايهد علينا
عتاب عدت تجري
منتصر" تعالي في المربوعه
عتاب ابصوت واطي" حي عليا حي😱
منتصر" خشي وسكري الباب
عتاب" نعم
منتصر" سارة كنها اتعامل فيا هكي
عتاب ساكته🤐
منتصر ابصوت عالي" عتاب احكي كنها خيرلك
عتاب" هي حكتلي ولقتلها انها هي الغلطانه
منتصر" قالتلي وقالتلي جيتك وسكتت
عتاب" جاتك وسمعاتك تحكي في الفون وقلت الوحده انحبك
منتصر انصدم😳" كيف هي الساعه كم جت
عتاب" 2 ونص
منتصر" لالالا قصدك اسمعتني
عتاب" اها
منتصر" عن...... يا طلال
عتاب بستغراب" من هضا وشن دخله
منتصر" درت اعناد انا وصاحبي طلال على اني انطيح صحبته وهو قالي مش ح تقدر فأنا جربتها وسلكت
ومبدري كنت انكلم فيها قدام طلال عشان ايصدق وهي شكلها اسمعتني في هضك الوقت
عتاب" متأكد
منتصر" وحق الكعبه عتاب انا واللهي ما انحب خاطي سارة ومستحيل انحب واللهي الله ومستعد نحلف على المصحف
عتاب" بس مش ساهله تسمعك اتقول الوحده غيرها انحبك وحتى كان كذب تعرف انا لو ناصر ايدير مدارك وحق الدين نقلب عليه الدنيا
منتصر" واللهي عارف بس انا مش قصدي ولو هي قاعده تحكي امعايا راه قلتها الها لاكن هي مش امدورتني
عتاب" امعاك الحق هي غلطانه وحتى انت غلطان توا دير حل بيش اترضيها البنت نفسيتها تعبانه منك دير حل
منتصر" شوري غير تطلعلي هي بس واللي تبيها حاضر
عتاب" طلعتها صعبه انا انحاول نحكيلها وانت رن عليها
منتصر" باهي خشي
وخشت عتاب
سارة" كنه
عتاب" قالي.....
سارة ساكته
عتاب" الله ايربحك ردي عليه حرام عليك
سارة" اهو ايرن
عتاب" هيا ردي
سارة" الو
.......
ايمان" اسمعيني خشي اغسلي شعرك والبسي
الديشمبر🧖‍♀️🧖‍♀️ هضا وتعالي وعدت ايناس دارت كيف ما قالتها ايمان وجتها
ايمان جابت الميك اب وبدت ادير لي ايناس
علامات على ارقبتها وكأن حد معتدي عليها
بعد نص ساعه كملت
ايمان" اسمعيني هضا دواء منوم ايحطو فيه
للناس يالي يبو ايديرولهم عمليات ح نحطو منه
نقاطي في اوكال ناصر وبعد ياكل ابعشر دقايق ح يغمى عليه من النوم اوكي ركزي امعايا شن ح ديري ح تقعمزي جنبه اوكي وبس تسمعيه ايجخر دريلي رنه لأن من علامات ان مفعول الدواء ح يحول يقعد ايجخر بعد ما اتكلميني ح انعدي لي خالي عمر وباته
ونقوله ان انتِ وناصر قاعدين فوق وهما اكيده ح يركبو وعلى نوضت ناصر ولما ايشوفوكم ح يحسابو ان صار حاجه بينكم وفي هذك اللحظه جده ح يرقاله و غصباً عن ناصر ح يجوزك لاه
ايناس" خلاص تمام
وعدت ايمان لي مكان المفاتيح وخضتن وركبت فوق
اقعدت ترعش وهي اتجرب فالمفاتيح نين لقت المفتاح
وخشت للشقه لقت الغداء امغطي افتحت الشربه ونقطة فيها الدواء وضحكت ضحكت خبث😏😏 ونزلت تجري🏃‍♀️🏃‍♀️
ايناس ابخوف😟" شن صار
ايمان" تمام توا خليه ايجي بس
وبعد اشويه جا ناصر وركب فوق
و جا عمر و منير وقعمزو فالمربوعه
خشت مروه حطت الغداء وخلت الخدامه اتشيله الهمه
وبعد اشويه اركبت تسلس فوق وفتحت باب الشقه بشويه وخشت لقت ناصر راقد ع كنبه و الغداء مفتوح ع طاوله طول عرفاته كلا و رقد من المنوم
انزلت لوطى تجري🏃‍♀️🏃‍♀️
ايمان وهي داهشه" عدي اركبي لأن المنوم حطيت منه
اشويه يعني مفعوله اشويه ويكمل
ايناس" خايفه😣
ايمان" كل حاجه اتهون لما تقعدي مرات ناصر
ايناس عدت تجري وركبت فوق وقعدت تستنى وتبحت في ناصر
ايناس" قريباً ح تقعد ليا انا ومش لي وحده غيري
وبعد اشويه ناصر بدا جخير ايناس خافت وطول رنت على ايمان
ايناس ابصوت واطي" ايمان ناصر بدا ايجخر
ايمان" خلاص تمام اقعدي جنبه بس
وسكرت وعدت تجري شور عمر ومنير وخشت عليهم
ايمان كانت باينه فيها الصدمه😳
عمر" كنك يا ايمان شن في🤔
ايمان ساكته🤐
منير" كنك يا بنتي🤨
ايمان" ناصر
منير" كنه😳
ايمان"
.......
سارة ردت عليه" ايوا
طلال" ايوا يا مرات رفيقي
سارة" من
طلال" انا طلال صاحب منتصر
سارة" شن ايدير فون منتصر عندك
طلال" اسمعي واللهي ايحبك موت واللهي انا كنت انحب وحده وقتلا جربها ليا عشان كان اطلعت تمام نبي انتقدم وهو كان امسكر راسه وقالي ما نبيش وقالي هضا كلا عشان خاطر حبيبتي وانا زريته وقتله واللهي نبي انتقدم
سارة" مافيش غير منتصر يعني
طلال" ما هوا السانه عسل ويقدر ع بنات لكن بنت وحده ما قدرش عليها وهو ديما ايقول فيها
سارة" شن ايقول
طلال" ايقول كل البنات كنت قادر عليهن وموريهن الويل ومقطر السم في اعيونهن الا هذي جتني هي يالي قطرتلي السم ولي هي انتِ
سارة" هههههههههههه😂
طلال" ايوا هكي اضحكي واللهي ايحبك وديما نحن
جماعته انركبو عليه ونقولولا حاكمه فيك امخوفتك ايقول اها وفرحان انها هي هكي
سارة" باهي وينه هو
طلال" اهو جنبي تبيه
سارة" لالا قولا تعال للحوش
طلال" هههههههههه حاضر معنى لما ايعدي انا نقعد انمص في اليم وحدي وهو زايط
سارة" ههههههههههه ازي سخيف قولا ايجي ابسرعه
منتصر" جايك يا قلبي انتِ
سارة" طوووووووووووووووووط سكرت
عتاب ابصوت واطي" لووووووووووليا مبروك
سارة" اسكتي ياكلبه
وبعد ربع ساعه
نجوى" سارة يبيك منتصر
سارة" هيا جايه وطلعت وخشت على منتصر فالمربوعه وسكرت الباب
منتصر جا شورها وضبطها❤
سارة" اتصدق اني مستحيل انعيش بدونك❤
منتصر" حتى انا يا قلبي وخضا يد سارة وحطها على مكان الكف❤
سارة" كنك🤨
منتصر" اضربيني كف اخر
سارة" ههههه كنك فيش اتحس😅
منتصر" واللهي نحكي جد اضربيني بالقوه
سارة" هههههههه😂 هبل وضربتى كف بالقووووووووووه
منتصر" اللللللللللله محلاه تعرفي لما ضربتيني حسيتها جوا قلبي وحسيت روحي انموت فيك حسيت روحي جد بدونك ما نقدر انعيش بكل وجا وحبها على رقبتها بوسه طويلللللللللللللله💋💋
سارة" نجك ليا عطيني بوسه وجت وحباته على اخدوده وعلى لحيته وهمستلا في وذنه(ا ن ح ب ك)
منتصر" وانا انمووووووت موت في حبك يا سيورة قلبي انتِ
😍😍
........
عمر" احكي كنه ناصر
ايمان" قاعد هو و ايناس فوق برواحهم
عمر و منير😳
ايمان" لازم تركبو اتشوفوهم
عمر وهو راقيله" بس مافيش مفتاح😡😡
ايمان" انا نعرف مكانه وعدت جباته وجت
عمر صبى هو و منير وجو يبو يركبو
......
ناصر وعى شاف ايناس انفجع
ناصر" ايناس كنه منضرك هكي وشن اديري هنا😳
ايناس ساكته🤐
ناصر صبى وهو راقيله ومسكها من عند ايديها من فوق
ناصر ابصوت عالي" ايناس فيش اديري هنا و شن هل منظر يالي انتِ قاعده بيه😡😡
ايناس ساكته🤐
ناصر لصقاها ع ساس وقرب منها
ناصر ابصوت عالي" تبي تحكي ولا نقتلك😡😡
وفجأة انفتح الباب وخش عمر ومنير وحقو ناصر وايناس
ناصر😳
عمر ومنير😳
.....

يتبع....

أودي الفرجاني##
بالنسبه لي الأختTasneem Elhamady
يالي اطلبت مني التركيز على ناصر و عتاب
حبيبتي انا ركزتلك اشويه فالحلقه هذي
لكن سامحيني لأن الحلقات الجايه مرتبه
ومانقدرش انزيد ولا حاجه بس وعد مني
ان الجاي ح يعجبكم كلكم و يرضي الجميع
بس نبي منكم ان كل حد ايقولي
اين ثنائي عجبتكم قصة حبهم بيش
انزيد نشتغل عليهم و نرضيكم بالحلقات😍😍

رايكن😉