နှလုံးသားနီးနီး...စည်းပါးပါး(Love And Pride)[Completed]

Part(18)

ဒါကြောင့် မလိုက်ချင်ခဲ့တာ။ သူနေတဲ့နေရာရောက်လာရင် သူမစိတ်တွေမခိုင်မှာဆိုးလို့ မလိုက်ချင်ခဲ့တာ။ သူ့အကြောင်းသိရလေ သူက သူမနဲ့အလှမ်းဝေးတဲ့သူဆိုတာ ပိုသိလာရလေဖြစ်သည်။ နီးကပ်လာပြီလို့ထင်ခဲ့ပေမဲ့ အလှမ်းဝေးနေဆဲသူမို့ သူမအပိုင်လို့ မသတ်မှတ်ရဲတဲ့သူ။

"လိုက်ဖက်တယ်မလား"

ကန်ဒီက အနားရောက်လာကာပြောသည်။

"အင်း "

"သူ့နာမည်က လွန်းမြတ်တဲ့...စက်ဝန်းရဲ့ပထမဆုံးရည်းစားပဲ ဒီမှာနေတဲ့တစ်လျှောက် ပထမဆုံးနဲ့အကြာဆုံးတွဲခဲ့တဲ့မိန်းကလေးပဲ ကျောင်းတက်နေတုန်းကလည်း သူတို့အတွဲက တက္ကသိုလ်ရဲ့ရေပန်းအစားဆုံးအတွဲထဲမှာပါတယ် ဘယ်သူခွဲခွဲမခွဲဘူးလို့ထင်လောက်တဲ့အထိချစ်ကြတဲ့အတွဲ"

"ဝမ်းနည်းစရာပဲ သူတို့က အခု လမ်းခွဲပြီးသွားပြီ"

"ဟုတ်တယ် မြန်မာပြည်မှာ ရှာစရာရှိတယ်ဆိုတဲ့အကြောင်းပြချက်နဲ့ လမ်းခွဲခဲ့ကြတာ...ဒါပေမဲ့ ဘယ်နှနှစ်မှမကြာဘူး မင်းနဲ့လက်ထပ်လိုက်တဲ့သတင်းကြားရတယ် အဲ့တာက ငါတို့အတွက် စပရိုက်အကြီးစားပေါ့...ငါတို့မြင်ရတဲ့စက်ဝန်းပုံစံက ဒီလိုအလောတကြီးကောက်ယူမဲ့ပုံစံမျိုးမှမဟုတ်တာ"

"ဘာလို့ကျွန်မကို ဒါတွေလာ‌ပြောပြနေတာလဲ"

"သတိပေးတာ! အဲ့ဒီလွန်းမြတ်က စက်ဝန်းကိုအရမ်းချစ်တာ အခုလို အနားကပ်လာတာ ပြန်လိုချင်လို့ဖြစ်နိုင်တယ် မဟုတ်ဘူး သေချာတယ်... ဒါကြောင့် မင်းကို စက်ဝန်းကိုဆွဲထားဖို့ပြောတာ...တစ်ကယ်ချစ်တယ်ဆိုရင် မချစ်ရင်တော့ မပြောလိုပါဘူး"

"ကန်ဒီက လွန်းမြတ်သူငယ်ချင်းမဟုတ်ဘူးလား ဘာလို့ကျွန်မဘက်ပါနေတာလဲ"

"မင်းဘက်ကမဟုတ်ဘူး စက်ဝန်းဘက်က...စက်ဝန်းကိုတော့ သူတစ်ကယ်ချစ်တဲ့သူတဲ့ထပ်မကွဲစေချင်ဘူး သူက မင်းကို တစ်ကယ်ချစ်ပုံပဲ အရင်တုန်းက ရှာစရာရှိပါတယ်ဆိုတဲ့အကြောင်းပြချက်လေးနဲ့ ချစ်သူကိုတောင်ပြတ်သားခဲ့တဲ့စက်ဝန်းက မင်းကိုလက်ထပ်ခဲ့တာကြည့်လေ"

အနှစ်ဘာမှမပြောဘဲ အဝေးက သူ့ကိုသာ ကြည့်နေမိသည်။

ဒီတစ်ခါတော့ သူကလည်း အနှစ်ကိုစိုက်ကြည့်နေသည်။