"နိုးပြီလား Po"
"ဟုတ် အကို ခုနကမှပါ ညက Poအကို့ကို စိတ်အနှောင့်အယှက်ဖြစ်အောင် လုပ်မိတာများရှိသေးလားဟင် ဟိုလေ နည်းနည်းမူးနေတာပဲမှတ်မိပြီး နောက်ပိုင်း မမှတ်မိတော့လို့"
မချိသွားဖြဲ အားနာပါးနာနဲ့ မေးတော့ အကိုက သူ့မူပိုင် အပြုံးကြီးနဲ့ပြန်ဖြေလာသည်။
"ညက ပုံတွေ တကယ်လှပါတယ်... အကို ရေချိုးခန်းထဲအရင်ဝင်နှင့်မယ် Poအတွက် ဘေးနားကစားပွဲပေါ်မှာ ပျားရည်ခွက်လေး ပြင်ပေးထားတယ် ခေါင်းတော့ နည်းနည်းကိုက်နေမှာမို့ သောက်လိုက်ဦး"
မထင်ထားတဲ့ ဂရုစိုက်မှုလေးရတော့ ကျွန်တော်ပျော်လိုက်တာ။ ပျားရည်ခွက်မြင်ရုံနဲ့ မသောက်ခင်က ချိူနှင့်နေပြီ။ ဒီခံစားချက်ကိုပဲ အချစ်လို့ ခေါ်သလား။ ဆက်တွေးမိရင် ကြည်နူးစရာတွေပျောက်ကုန်မှာစိုးလို့ အိပ်ရာကနေထထိုင်ပြီး ပျားရည်ခွက်ကောက်ကိုင် အဖုံးလေးဖွင့်လို့သောက်လိုက်တော့ ချိုမြလို့။ သောက်ပြီးတော့ ညက ပုံတွေက တကယ်လှပါတယ်ဆိုတဲ့ သူ့စကားပြန်ကြားယောင်ပြီး ကင်မရာလိုက်ရှာလို့ ရိုက်ထားတယ်ဆိုတဲ့ပုံတွေ ပြန်ကြည့်တော့မှ လူက လေထဲမြောက်တက်သွားသလိုပဲ ခံစားလိုက်ရပါတော့သည်။
"Apo Nattawin ရေ မင်းရဲ့ ပေါတောတောပုံတွေ အကုန်ပေါ်ကုန်ပြီ သွားပါပြီ အား!!!!"
မူးမူးနဲ့ ပေးထားသမျှ poseပေါင်းစုံဟာ ဟိုအရင်က ပါးနဲ့မားကို ချွဲနေကျ ဆော့နေကျ ပုံစံတွေမို့ ကိုယ့်မှာ အေးစက်နေတဲ့ ရာသီဥတုမှာတောင် တကိုယ်လုံးပူလောင်နေသလို မျက်နှာကလည်း ဘယ်နားထားလို့ထားရမယ်မသိနဲ့။
"သဘောကျမိတဲ့လူရှေ့မှာမှ မင်းရဲ့ ခုလိုပုံစံကို ပြရသလားလို့"
"Po ရေ ...ရေချိုးခန်းဝင်ချင်ဝင်လို့ရပြီနော် ရေချိုးရင်အမြန်ချိုး အကို ရေနွေးပါ တလက်စတည်း စပ်ပေးထားခဲ့တယ်..ရေချိုးပြီးရင် မနက်စာအဆာပြေစားပြီး ဘူတာရုံကို တန်းပြေးရမှာမို့"
ကိုယ့်မှာ ပုံတွေဖျက်ပစ်မယ်စိတ်ကူးလိုက် ဒါ အကိုရိုက်ပေးထားတာလို့တွေးပြီး ကြည်နူးလိုက်ဖြစ်နေတုန်း သူ့အသံကြားတော့မှ မျက်နှာတွေ ပြန်ပူလာတော့သည်။ ရေနွေးပါစပ်ပေးထားသေးတယ်လို့ပြောတော့လည်း ရင်တွေပါခုန်လာသလိုပဲ။ ဒီလူကြီးနဲ့မှ ကျွန်တော်လည်း ခံစားချက်ပေါင်းစုံနဲ့ စကားလုံးတွေပါ ပျောက်ရှနေရတာပဲ။ သူကတော့ bathrobe ကြီးနဲ့ ခေါင်းကဆံပင်ရေစက်လက်နဲ့ တစွန်းတစပေါ်နေတဲ့ ရင်အုပ်ဖြူဖြူနဲ့ ကျွန်တော်တော့ အမြန်ရေချိုးခန်းဝင်မှပါပဲ။ ကြာရင် ကျွန်တော့်ခံစားချက်တွေ လူမိကုန်လိမ့်မယ်။
Chapter -5
Start from the beginning
