خَلَقَ جَمَالِ,لَتَخْتَصِرُهَ عَيْنَاكَ .
_________________________________
2023\3\19 الاحد
9:51 مساءا
_اليوم جان كلش صعب بدايته من امتحان رياضيات
امتحنه اول درس هي كملت امتحان قبلي وانا طلعت وراها بشويه
من طلعت شفتها وي شلتها بس هلمره جانت غريبه شوي صافنه وبالها مو يمهن وجانت مرتجيه على حايط
طول اليوم هي مااهتمت الي ولا بادرت بحرف واحد
بعدين رحت يم صف سادس علمي اسلم عليهن
ومن رجعت للصف لكيتها تبجي وبحضن نور
بالبدايه استغربت شوي واخذت وقت علمود استوعب
رحلت لرحلتي وشفتها تبجي جان ودي اكوم واحضنها حضن قوي انسيها كل بجيتها
وانا كلش عصبت لان شفت بنات يمها لان غرتتت بشكللل
ودي اكعد وياها وامسح دموعها
مزاجي بذاك وقت تخرب بشكل
صارت كل تفكيري وماشلت عيني عنها
مع اني جنت اروح لكل بنيه تزعل او تبجي
بس هي مارحتلها وضلت بس اباوع الها احب اكابر باقل شي
وضلت تبجي ونور حاضنتها واسمعها تواسي بيها وبعدين اجت البنت( خلي نسميها استبرق) يلي مكرشه على ساره
وبدت تواسي بيها وحضنتها وضلت تحجي وياها
وصارت تحط ايدها على شعر سارتي
هنا اشتعلت بشكلل بس سكتت وكضيت نفسي حاولت اكون عاديه
وبعدين نور واستبرق سحلن ساره وراحن يغسلها
وساره ضلت حاطه ايدها على وجهها وتبجي
وبعدين راحن غسلن ورجعن ساره ضلت طول اليوم متضايقه
وانا بس افكر بيها افكر شلون افرحها وشنو اطيها وباخر درس شفتها تضحك ومبتسمه وي نور
هنا كلش فرحت بداخلي وحسيت بانجاز مو طبيعي وجان ودي اكوم وابوسها من كثر ماضحكتها تجننن
صارت حله وطلعنا وانا بالحله جنت واكفه كدامها وجنت اسولف وي صديقاتي يلي من غير صفوف
وهنا صدك حسيتها جانت تباوعلي ومن اباوعلها تشيل عينها
وشفتها تحضن بنت وماكدرت استحمل
ماتدري شكد احبها واهتم لها وافكر بيها انا حرفيا مهووسه بكل تفاصيلها
اعتبرها نجمتي هي مختلفه عنهن اسلوبها غريب والكل يوقع بحبها ساره جايبه راس كل بنات
وصوتها جميلل وبيه بحه تجننننن خو من تضحككك تصير تجننن
انا حرفيا اعشقها اموت بيها مستعدة اضحي بكل شي علمودها
بس بنفس وقت انا اكابر كلش ومااحب ابادر وانا مشاعري الها موطبيعيه
من تسولف وياي اسوي نفسي عاديه وحتى ماابتسم بس انا بلحقيقه اذوبب حرفيا
ساره انطتني شعور محد يكدر ينطيني ياه هي املي وحيد
احبها وودي احطها بكلبي واضمها من ناس يلي يحبونها
