"ماقلت لك ياقلبي لا تحب حاجه ماهي لك"

البارت 2

.
.
.

الجد تركي : نايف ياوليدي وينهم العيال تاخرو
نايف : والله مدري يابوي
خلص كلامه على دخولهم
خالد حب راس جده وجدته وجلس : هاه يابه أمورنا تمام عشان سفرة بكره ؟
الهنوف : لا مهي تمام
امجد الي حضنها من ورا : افاا وش ناقص خيتي ؟؟
الهنوف : لا ابد سلامتك بس رايحين السوق ومخليني
سلطان : نعن ابو حيك انتي ماتشبعين لبس وسوق واغراض ؟
ذيب : صدق لو عندي نص الملابس الي عندها رح نلبس انا واهل الرياض كلهم معاي ولا بعد يمدي نرسل للمدن المجاوره

مها : شعليكم منها انتم يع تغثون ترا
نواف : شف الحين يطلع عرق المحامين الي فيهم
ريم : نواف تكفى والي يسلمك قبل تسولف ارسلي لي على وتساب عشان اخذ حبوب للصداع قبل اسمع سوالفك اقسم بالله صدعتنا انا خابر الي يغني وصوتو خايس يزعجنا بس انت الله يسعدك لو تتنفس تزعجنا
نواف : افاا ياقلبي لو ادري اني بزعجك كنت بسوالف لك حتى وانا نايم
صقر بهمس لهم : طيب السؤال مب هنا السؤال هي كيف رح تشوفك وأنت نايم؟ صارحني ناوي على شي 😉
ريم : يخسي ويعقب
نواف بهمس لصقر : تقول تخسي وتعقب وهي نهايتها حضني 😉
صقر الي ابتسامته وصلت اذانه : انفجر ضحك
ابو خالد : وجع يوجعك إن شاء الله ضحكة رقاصه ذي ؟
العيال نفجرو ضحك

خالد : هههههههههههههههه يضحك والله الوالد هبدك ياصقوري
صقر : يمون الخال يمون
ليان : اخخ والله انهبد هههههههههههههههه
صقر ناظر ليان : اضحكي اضحكي وضحك معاها
عزيز : شرايك تثقل شوي تراك مفشلنا
امل بهمس لخلود : مسوي طالع منها ولد العم
خلود ضحكت ضحكه بصوت عالي
ابو خالد الي فصخ نعاله : انقلعو نامو يلا يلا
ابو سعود الي كاتم ضحكته : ياخوي شفيك عليهم

العيال نحاشو كل واحد دخل جناحه وراح غرفته

الساعه 10:1
عزيز يرسل لنواف : ورع وينك نمت ؟
نواف : لا صاحي
عزيز : طيب باخذ ذيب وطالع فوق على سطح جيب سعود واطلع لي
نواف : خالد وينه؟
عزيز : مدري دخلت غرفتة مهو موجود
نواف : طيب بشوف صقر وامجد اذا صاحين
عزيز : ذيب يقول صقر صاحي قال بياخذ سلطان ويطلعون قبلنا
نواف : امجد مارد علي معقوله نايم؟
عزيز : شوف نايف ولا هايف
نواف : رد نايف يقول امجد مب هنا وهو بياخذ هايف ويطلع فوق
عزيز : تم بس نطلع نشوف وينهم خالد وامجد
نواف : تم بس ورع بشويش لا تورطنا معاه عمي عبدالرحمن اقسم بالله يهبدنا كلنا
عزيز : إن شاء الله خير إن شاء الله خير

عند صقر وسلطان
صقر : سلطان بشويش عشان لا اهبدك
سلطان : طيب طيب بس امش
فتحو باب السطح ودخلو
شهق صقر بقوه
وسلطان رجع يركض تحت من غير مايشوف وش شاف اخوه
وضرب بنايف وهايف
نايف : ورع شفيك؟
سلطان وهو يلهث : صفر صنم فوق شي طلع شسمه جن يمه صقرروو
هايف : اعوذ بالله دخل فيه شي ذا؟
خلاص كلامه على وصول سعود ونواف
سعود : ياتبن انت وياه اقصرو حسكم تبون تصحون عمامي وجدي يعني؟
نواف وهو ياشر على سلطان الي جلس على درج مافيه حيل يوقف : شفيه الغالي بشروني ولاده ؟
عزيز من وراهم : مين بيولد نصحي لكم وعد ؟
سعود : تراك ازعجتنا بذي الوعد
عزيز : ياويلي صدق شفيكم؟
صقر وهو ينادي من فوق : اطلعو انت وياه اطلعو وشيلو اخوي الرخمه معاكم
نايف : خلاص روحو انتم انا اجيبه
هايف : اساعدك ؟
نايف غمز له : مايحتاج
طلعو
نايف همس لسطان اعوذ بالله مين العجوز الي تحت ؟
فز سلطان وهو يركض لفوق عند باب السطح دف العيال وركض فجاه الا هو داخل بحضن خالد
خالد : وجع إن شاء الله شفيك ؟