WHEN A BEKI FALLS IN-LOVE (Published Under PSICOM)

73

"Ano ka ba, mahal na mahal rin kita. Masama talaga ang pakiramdam mo ano? O may nangyari na hindi mo sinasabi sa akin?"

"Wa-wala namang nagyari, Sintas. I guess you're right, masama ang pakiramdam ko."

"Rest muna, Sinta ha."

*************************************

Kanina pa tumutunog ang cellphone ni Elvin, naiwan kasi ng asawa niya sa center table. Ayaw naman niyang makialam sa gamit nito kahit pa nga mag-asawa sila.  Personal niyang inihahanda ang tanghalian nila.

"Inday, pakitingin saglit kung sino ang tumatawag, baka importante." Utos niya kay inday na busy sa pakikipaglaro sa kambal.

"Yis, Mam!"

"Mam! Mam! Si Mam Biki ang nag ku-cul!" Parang may emergency na sigaw nito.

Tumaas ang kanang kilay ni Kathryn. Bakit tatawag ang demonyitang babaeng yun sa asawa niya.

"Ibigay mo nga sa akin."

Dali-daling ibinigay ni Inday ang cellphone kay Kathryn.

"Hello?"

"Kathryn! Hi! Si Elvin?"

"Nagpapahinga, bakit? May importante ka bang sasabihin? I'll just take note of it."

"I want your husband eh." Tumawa ito na nagpainit ng ulo niya. "I mean, I want to tell it to Elvin personally. Pero sige, baka kasi you are dying to know it, just tell him to see me personally, we will talk about business. ASAP, Kathryn, ayoko ng pinaghihintay ako."

"Victoria, you..." May sasabihin pa sana siya pero wala na ang kausap niya. "Bastos!"

"Mam, uki lang kayo?" Tanong ni Inday sa kanya.

"Hinde! Alam mo, Inday, naiinis na talaga ako sa Victoria na yan! Ang laki ng pagkagusto kay Elvin, nararamdaman ko talaga! At nararamdaman kong may pinaplano yan eh. Na fe-feel kong may gagawing hindi maganda."

"Rilaks lang, Mam. Chell lang! Magtewala kayo kay Ser, mahal na mahal kayo ni Ser. Idol ko nga ang lab tim nyo. Piro alam mo, Mam. Kapag nanggolo si Mam Biki, kakampe mo ako, Mam. Tutulongan kita sa pagbonot ng lahat ng buhok niya."

"Naiinis talaga ako, Inday! May pa ASAP-ASAP pa siyang nalalaman!"

"What happened, Sintas?" Inaantok pa na tanong ni Elvin.

"Victoria called."

Biglang kinabahan si Elvin. Nabura naman yata niya ang text messages nito sa kanya kanina. "A-anong sabi?"

"She doesn't like to tell it to me! Gusto niya raw sa iyo sasabihin personally, it's about business. Mukhang walang tiwala sa akin ha. At ito pa, Sinta, ASAP raw." Naiinis na sabi niya kay Elvin.

"Just don't mind her, Sintas. Nakapagluto ka na ba? Parang gusto kong ako ang magluluto ngayon. Nilapitan muna niya ang kanyang kambal na pagapang-gapang habang nilalaro ni inday. "Kumusta babies?"

Agad na lumapit ang dalawa sa kanya. "Gusto niyong mamasyal mamaya sa park? Nami-miss kayo ng Daddy."

"Sigi Ser! Gosto ko sa park, Ser!"

"Heh! Ang kambal ang tinatanong ko, hindi ikaw."

"Si Ser naman, ildist doter nyo na ako, di ba? Di ba, Mam?"

"Mag-aaway na naman kayong dalawa. Iwan mo na kay Inday ang kambal Sinta, magluluto tayo."

"What's for lunch, Sintas?"

"What do you want?"

"Egg, Sintas." Natatawang sabi niya. Kanina pagkagising, bago siya lumabas ng pinto ng kuwarto nila, sinabi niya sa sarili niya na hindi siya magpapaapekto sa mga nangyari. Hindi siya magpapatalo kay Victoria o kay JB. Hindi sila ang sisira sa magandang pamilyang pinaghirapan niyang itayo.

*******************************************************

Masayang bumalik mula sa pamamasyal ang buong pamilya. Karga ni Elvin si Kael habang si Kathryn naman kay Erynn, si Inday sa mga gamit nila. Papasok na sana sila ng biglang may dumating na kotse. Kilalang-kilala iyon ni Elvin, kotse ni Victoria.

"What a happy family!" Agad na sabi nito pagkakita sa kanila.

"Victoria?"

"Elvin naman, I kept on calling your phone, hindi mo naman sinasagot." Alam niyang nagpipigil lang ng inis ang babae, kahit pa nga nakangiti ito.

Si Kathryn ang nagsalita. "Pag kasi kasama na ako ng asawa ko, he can't think of anything else. Gaano ba kaimportante ang sasabihin mo at hindi mo na mahintay ang Lunes?"

"Kathryn, so important. You want me to share it to your wife, Elvin?" Nakangising sabi nito. "Our new project, alam mo na?"

"Sandali lang 'to, Sintas. Pumasok na kayo sa loob." Ibinigay niya kay Inday si Kael.

"Hindi mo man lang ba ako papapasukin, Elvin?"

"No need Victoria. Tell me, what do you want?" Nagpipigil na tanong ni Elvin. Kung pwede lang na i-flush sa public toilet bowl ang babaeng ito, ginawa na niya at nang hindi na niya makita kahit kailan.

"Nothing important, gusto ko sanang i-send na lang sa phone mo, kaya lang, naisip ko, baka si Kathryn ang may hawak at makita niya, nakakaawa naman, masho-shock."

"Just go straight to the point, Victoria!"

"Okay, fine. Here, watch, Elvin, Baby." Ibinigay ni Victoria ang cellphone niya kay Elvin.

Nanlaki ang mga mata ni Elvin. Siya at si JB ang nasa video? "No, this can't be!"

"Nakakainis nga eh, nai-save ko pala yan? Alam mo, I'm thinking of sending it to Kathryn or to her Mom and Dad. Parang exciting ang magiging reactions nila? What do you think?"

"Don't you dare!"

"Dare me, Elvin! You think I can't? I can show it to Kathryn kahit ngayon mismo!"

Mahigpit na hinawakan ni elvin ang kanang braso niya. "Ouch! Ano ba!"

"Huwag na huwag mong gawin yan, Victoria! Wala akong ginawa sa iyo! Sa inyo ni JB."

"Meron eh, gusto kita pero sobrang pakipot mo."

Sasagot pa sana si Elvin pero lumabas na si Kathryn. "Sinta, matagal pa ba yan? Tulungan mo akong magpaligo sa kambal."

"Aalis na si Victoria, Sintas. Nasabi na niya ang gusto niyang sabihin."

"See you on the night of my birthday, Elvin. Just one night, then call it quits. Naglalaway lang talaga ako sa 'yo." Malanding bulong nito.

"Tigilan mo ako, Victoria." Mariing bulong niya. Alam niyang nag oobserba si Kathryn.

"Ang sweet talaga ng asawa mo, Kathryn. Aalis na ako. See you tomorrow, Elvin. My line is open for my unfinished business proposal." Maarteng sabi nito.

****************************************

Nag-iipon ako ng pera...pambili ng kakausap sa akin :D Feel ko na ilang kembot na lang! Pag na miss nyo si Elvin, dalawin nyo na lang ang bago kong story na 'Dear Mr. Operator', another fiction, huwag seryosohin, drama, SPG, horror, fantasy kasi ang genre nun. Tinks! Pero nag-iipon talaga ako ng pera pambili ng kausap...haaay!