အုန်းလက်မဏ္ဍပ်လေးသို့ ရောက်ခါနီး၌ ကလေးလေးတွေက နှိုင်းဆီသို့ ရေဖလားကိုယ်ဆီနှင့် အပြေးလာကြပါတော့သည် ။
" မမနှိုင်း လာပြီဟေ့ ။ "
အော်ဟစ်ကြပြီး နှိုင်းကိုရေတွေပက်ကြပါတော့သည် ။ နှိုင်းကလည်း လူငယ်ဖြစ်သည့်အလျောက် ပျော်နေပါတော့သည် ။ ရေလောင်းပြီး ကလေးလေးတွေဟာ အုန်းလက်မဏ္ဍပ်ဆီသို့ ပြန်ဝင်သွားကြပေမယ့် ကလေးလေး ၂ယောက်ကတော့ နှိုင်းအနားမှာ ရှိနေဆဲပါ ။
" မမ ။ တီတီလေးဆီ လာတာလား ။ "
" အေး ဟုတ်တယ် ။ မရှိဘူးလား ။ "
" ရှိတယ် ရှိတယ် ။ အဲ့ကြောင့်ထင်တယ် ။ တီတီလေးက ဒီနေ့ဥပုသ်သွားမစောင့်ဘူး ။ "
" ဟုတ်လား ။ "
" အဲ့ပိတောက်ပန်းတွေက တီတီလေးအတွက်လားဟင် ။ "
" အင်း ဟုတ်တယ် ။ "
မမနွေသင်္ကြန်ရဲ့ တူလေး တူမလေး တွေရဲ့ မေးခွန်းတွေကို နှိုင်းမယ် စိတ်ရှည်စွာဖြေနေရပါသေးသည် ။
ကိုယ့်တူလေး ၊ တူမလေးတွေ ဖြစ်လာမှာဆိုတော့လည်း စိတ်ရှည်ရမယ် မဟုတ်လား ။
အတွေးတွေနဲ့အတူတူ ပြုံးမိရင်း ခြံဝန်းထဲသို့ ဝင်သွားပါတော့သည် ။ ခြံဝန်းထဲသို့ ရောက်သည်နှင့် မမသင်္ကြန်ဟာ ရင်ဖုံးအင်္ကျီဝမ်းဆက်အဖြူရောင်လေးနှင့် သစ်သားခုံလေးပေါ်မှာ ထိုင်ရင်း စားပွဲအရှေ့၌ ကော်ဖီလေးတစ်ခွက်ချကာ စာအုပ်လေးဖတ်နေတော့သည် ။
နှိုင်းမှာ သဘောကျစွာကြည့်ရင်း ပိုလို့ပြုံးမိသွားသည် ။ ပိတောက်ပန်းတွေကိုရင်ဝယ်ပိုက်ထားရင်း မမသင်္ကြန်အနားသို့ အပြေးလေးသွားပြီး ထိုင်လိုက်ပါတော့သည် ။
" မမ ။ "
" အို့ ။ ဘယ်လိုဖြစ်လို့ အတင်းကပ်နေတာလဲ ။ မင်းကရေစိုလာတာနော် ။ တို့ကိုပါ စိုကုန်ပြီ ။ ဟိုဘက်တိုးထိုင် ။ "
" ဟော ကပ်စီးနည်းနေသေးတယ် အပျိုကြီးကလည်း ။ "
" ဘာ ။ ဘာ အပျိုကြီး ။ "
" မှားလို့ မှားလို့ ။ အပျိုလေး ။ အဟက်ဟက် "
" မင်း ။ "
YOU ARE READING
ဒီနှစ်သင်္ကြန် အချစ်တွေ့ပြီ
Short StoryMini story Water festival morA_nyein Own creation
3 (Unicode)
Start from the beginning
