غلطة عمري(ليبية_منقولة)

الحلقة 9

#غلطة عمري
الحلقه التاسعه...(9)
ريماس ابصوت يرعش" نااااااااااااااااصر😓
ناصر انفجع وبرم عليها وهو في حالة ذهول😳
ناصر ابصوت يرعش" ريييييييماس😳
ريماس معش اعرفت تحكي🤐
ناصر مزال منصدم من يالي قاعد ايشوف فيه
ناصر" ريماس كيف متأكده انتِ العروس
ريماس نزلت راسها" اها😔
ناصر ابصوت عالي ويخبط على الدومان" كيف كيف ياخضك غيري وين عهدنا يا ريماس وين ايام اتقوليلي مستحيل ننزف الغيرك ردي عليا يا ريماس ريمااااااااااااااس ردي عليا المفروض زفتي انا وياك
لاكن خنتي عهدنا وبعتيني وحط ايديه على وجه🤦‍♂️
ناصر فونه رن📱🎶🎶
ناصر ابصوت مغموم" ايوا أحمد
أحمد" تي وينك يا راجل
ناصر" هيا جايك
ونزل ناصر من السيارة وسكر الباب بالقوه ومزال مش امصدق يلي قاعد ايشوف فيه
ناصر" هيا يا أحمد
أحمد" كنك راقيلك
ناصر" شي غير هيا بس
أحمد" انعدي انجيب العروس بس
ناصر" حقيتها الركبت للسيارة
أحمد" تي شن طلعها
وعدى شور السيارة وركب
أحمد" ريماس شن طلعك من القعه
ريماس كانت تبكي😢 تحت الكاب" غير كرعيا وجعني قلت انجي نركب
ناصر ركب للسيارة و ولعها وقعد يمشي بسرعه جنونية
أحمد يحكي مع ريماس وناصر حاس قلبه ايتقطع من جوه ماتوقعش ايجي يوم ريماس تقعد الغيرة معقوله بعد كل هل حب تنزف الغيره ولا هو يالي شايلهم ابسيارته
أحمد" ناصر ولعلنا اغنيه
ناصر زر المسجل اطلعت اغنية يالقديم خضوك
ناصر مابش ايغير وعلا عليها

واعره وقويه💔
وين عرفتك مانك ليا💔
يا مانك ليا💔
لابيديك ولابيديا💔
ولابيديا تقسم للغير ايزفوك💔
يالقديم خضوك اخسارة💔
يالقديم خضوك💔
يالقديم خووووووضك💔
يالقديم خوضك💔
سمعنا يالقديم خوضك💔
وجعتنا لاكن مبروك💔
يالقديم خضوك💔

وقعد يجري بالسيارة نين وصلو للشاليه ونزل أحمد وريماس وعدى ناصر ودنيا كانت سوده ف عيونه ظلمت عليه معش شاف شي قدامه

(عٍندِما لُِا تعٍطُيڪ الُِحٍياهـ ما تتمناهـ تصبَحٍ حٍياتڪ جٍحٍيم ..💔😴 سحٍقٌا لُِها من حٍياه💀 وآلُبْعٍض ﺎذِآ ۆَجٍدِ مِنْ يَسعٍدِهِہُ ﺎلُيَۆمِ
نْسيَء مِنْ ضحٍى لُهِہُ بَْ ﺎلُآمِس)
....
عتاب روحت وخشت مع اهويده لي دارها لأن الوقت متأخر ومنى اكيده راقده
عتاب خشت وقعمزة على السرير وطلقت سراح ادموعها يالي معش اقدرت تمسكهن😭😭
اهويده خشت وشافت عتاب جتها تجري🏃‍♀️🏃‍♀️
اهويده" عتاب كنك بسم الله واللهي خوفتيني عليك😟😟
عتاب تبكي😢" خضا غيري يا اهويده خضا غيري
اهويده" من هضا
عتاب ادموعها كيف المطر وتبكي بالعبره" أحمد أحمد
اهويده" بيبو بشويه فهميني وين حقيته أحمد وكيف خضى غيرك
بشويه على روحك
عتاب تبكي" العريس يا اهويده العريس هو نفسه أحمد حبيبي هو نفسه يالي عشمني وعيشني في وهم هو نفسه يالي يوم من الأيام كان ايقولي انحبك
هو نفسه يالي اقريب انقتلت على سباه هو نفسه يالي كنت اخرى كلمه بيني وبيه كل يوم كلمة انحبك ونهارت ابكاء ابصوت عالي😭😭😭😭
اهويده ابخوف" خلاص حبيبتي خلاص اهدي بس
خليه ايعدي انعنه ما رد هو يالي اخسرك
عتاب تبكي وساكته
اهويده" بيبو ماتقعديش ساكته احكي فضي قلبك
مش اكويس الكمد
وقعدت عتاب تبكي وتفضفض لي اهويده
وهي اتهدي فيها وبعد ساعه من البكاء و مشكى
عتاب" عطيني توته
اهويده" اهو افتحي الدولاب وخوضي يالي تعجبك
وصبت عتاب خضت توته وخشت للحمام(حشاكم)
وخشت تحت الدوش و ولعت الميه وقعد تسبح وتبكي تحت الميه تذكر كيف حقاتى حبها على راسها ولبسها الدبله👰💍 وذكرت كيف كان يحكيلها كيف يبي يخضاها من القاعه وان ح يهرب بيها ومعش يبي ايرد بيها وان يبيها الروحه بس وقعدت تسبح وتذكر
.......
عند ناصر برم برم فالبلاد وعدى شور مزرعتهم ونزل وخش للجنان المرزعه
وقعد ايكسر فالكراسي وطولات وكان فيه قاراريش قعد يعزق فيهن وكسرهن وطين ملى ادبشه
ناصر وهو ايعط" خوضك صح عديتِ الغيري حرام عليك يادنيا حراااااااااااااااااااام عليك
خضيتي فرحت عمري خضيتيها وزفتيها قدامي حراااااام واللهي حرام كسرتيني يا ريماس
وقعد ايعيط ابصوت عالي ويبرم فالمزرعه كسرتيني ريمااااااااااااااااااااااااس كسرتيني💔💔💔
وكسرتي قلبي كسرتيه كسرة شينه ليش انا ليش
(حسه قطعلي قلبي😢💔)
وانهار وطاح فالوطى وحس قلبه ايدق ابسرعه و مر عليه شريط 8 اسنين مع ريماس في دقايق وصبى عدى شور السيارة
وطلع هدياها و صورها و دبشها وكل حاجه كانت اتعلق بريماس و ولع النار وعزق كل حاجه فيها🔥🔥 وقعمز وقعد ايبحت فيها ويذكر في ريماس وضحكتها وصوتها بعد تزعل واعيونها بعد اتشوفه وحس لي اول مره ان خسر حب حياته
.....
عتاب اطلعت من الحمام رنت على منى
منى" ايوا بيبو روحتو
عتاب" اها واعيه نبي نركب
منى" اها تعالي نستنى فيك اساسا
عتاب" تم
وحطت فون اهويده وطلعت شفتها اهويده جتها
اهويده" عتاب كنك وين ماشيه
عتاب" راكبه فوق
اهويده" خليك انهدرزو مع بعضنا
عتاب" واللهي تعبانه وراسي يوجع فيا ومنى تستنى فيا
اهويده" ابراحتك
عتاب" انتلاقو بكره
اهويده" تصبحي على خير
عتاب" وانتِ ابخير
وعدت عتاب اركبت ودقت افتحت منى وخشن للمربوعه
منى" تعالي احكيلي على الفرح
عتاب ابتسمت ابتسامة وجع وقهر😞" وشن يبي ايكون الفرح وأحمد العريس
منى بستغراب" كيف
عتاب انزلو ادموعها" حمادي طلع العريس وصحبت اهويده تقعد بنت خالته
منى انصدمة" احكيلي كيف و حقك هو
عتاب تنهدة" خش أحمد للقاعه و.......
منى حطت ايدها على وجها وقعدت تمسح فيه🤦‍♀️
عتاب وهي تبكي😭" مش قهر يا منى قهر ولا لا وحق الله قلبي ح يتقطع
خلاص نار هنا شاعله هن وشيرت على قلبها
معش قادرة نستوعب ينعن بو اليوم يالي مشيت فيه للشركه واليوم يالي شفت طارق فيه ولو مرتزعه فالحوش راه ماصارش يالي صار راه انا يالي زفني أحمد انا وقعد تبكي ابصوت عالي😭😭
منى اتهدي فيه" خلاص يا عتاب خلاص وسعي بالك وهضا امر الله
عتاب وهي تبكي" محد حاس بيا واللهي ما واحد حاس بيا
منى" واللهي حاسه بيك
عتاب" اسكتي يا منى ماتزيديهاش عليا ما في حد حاس بي يالي قاعد ايصير
فيا محد حاس بالنار يالي والعه فيا وحارقه قلبي محد حاس لما اتعودي على حد ويقولك انحبك وفجأة اتحقيه زاف غيرك محد حاس بي قلبي يالي مكسور
وشن ومن يبي يجبره ويداويه من بس
منى وجعتها عتاب وقعدت تبكي" خلاص حبيبتي واللهي فيها خيره
ربي مدار شي الا هو خيره لكي يا قلبي لو أحمد نصيبك ح دور الدنيا ويردلك ولو مش نصيبك معناها ربي مش كاتبه لكي وماهوش خير لكي ياعمري خلي في بالك كل حاجه من ربي فيها حكمه ممكن أحمد مايصلحش بيك ولا حياتك امعاه مش ح تكون حلوى
كيف ما انتِ متمنيتيها ممكن ربي داسلك النصيب الأحسن والأفضل ماتندريش احمدي ربك يا عتاب انك ابصحتك وهلك امعاك وخواتك خوتك وقاعده في حوش وتاكلي وتشربي واحمدي الله على الصحه يالي عطاها لكي واللهي من قبل لما مرضت عمت محمد بالورم(عفانا وعفاكم الله)
وشفته كيف تعذبت حمدت الله على الصحه كرهة كل حاجه يعني الأنسان بعد يفقد صحته يقعد هكي الراجل ايجي بداله ألف راجلويالي جابه ايجيب غيره مش نهاية الدنيا انا عارفه انك اتحبيه ومش ساهله اتشوفي حبيب عمرك ياخض غيرك لاكن نحكيلك
عشان مصلحتك انتِ هنا تبكي وتعذبي وهو راقد مع مراته ف عسل ومش امدورك نصيحه مني انسيه و ابدي حياة جديده عدي اعتذري من بابا وردي للجامعه واشتغلي وغيري جوك وتعرفي على ناس اجدد على فكره خلي في بالك ان مش امعدل عليك ويطلع ويخش مع مراته وانتِ كل ليله تحرقي في روحك وتحاسبي في روحك ألف مره انسي و اعزقي وراك صح صعبه بس اضغطي على روحك وخلي في بالك ان كما تودين تدان والدنيا دواره انتِ مظلومه وهو
ماعطاكش فرصه بيش اتبرريلا نصيحتي لكِ #نصيحه ✨ ؛
كولي اللي يعجبك ، 🍴💘
البسي اللي يعجبك ، ديري المقتنعه بيه ،
أضحكي ماتبخليش في أبتسامتك👌🏻🌸
حسيتي بيوم بخنقه أبكي مافي حد مايبكيش !
حسيتي بيوم تبي تعيطي من الفرح ؟
عيطي وكأن محد يسمعك ، 👼🏼'
فكري بنفسك اول حاجه محد يدوم لأحد أنولدتي وحدك و ح تموتي وحدك وح تتحاسبي وحدك💗🕌'
الي يفهمك غلط مشكلته ، الي يسأل عليك
إمتا مايبي جاوبي إمتا ماتبي إنتِ
خلي همك الوحيد نفسك وبس ، 💛✨
غلطانه بحياتك واجد ؟ الغلط هو سبب حتى
تكوني احسن وتتعلمي من اخطائك كل يوم هو فرصه جديده💆🏼، كل يوم تقدري إديري بي شي يفرحك ويريحك ، مش ضروري تبرري لي حد شي !
فاهمك غلط لو يحبك كان فهمك صح 🌿
مش ضروري تجبري حد يحكي معاك !
الي يبي يحكي معاك مافي شي يمنعه ،
الي يكرهك اضحكي في وجهه عشان
ما تقعديش كيفه مش يقولو الدنيا يوم لكِ ويوم عليك؟
لا خليها كلها لكِ وفي يدك مش يقولو الضحك بلا سبب من قله الادب ؟ لا انتِ اضحكي بلا سبب الضحك يريح 😆💘 ، مش يقولو بالعجله الندامه وب التأني السلامه ؟ لا الي تبي إديريه توا نوضي ديريه ماتستنيش وتضيع عليك الفرصه 🙍🏼'
خلي حياتك حلوه ابيدك وماتخليش شي يعكر مزاجك كوني وفيه للكل الكل ح يوفيلك كوني طيبة قلب محد ح يكرهك ماتغيريش نفسك ع خاطر حد ،
الي يحبك يحبك كيف ما انتِ❤اهم شي ؛
ماتخليش يوم يمر عليك و تضيعيه بدون ماتفرحي او تتقدمي خطوه في حياتك بيه ، 🚶🏼🖐🏻
ثاني شي خلي رضى ربك
اول شي بخطواتك ، 😍💘 . ✍خلاص خلي الله حسيبك وحطي املك فيه وهو خير وكيل
عتاب تسمع في منى وحسة ان كل كلمه اتقول فيها صح وكل حرف تنطق فيه في محله اضبطة منى وقعدت تبكي ومنى مضبطتها اقريب نص ساعه
فشت عبرتها وصبت اغسلت وجها وتوضت وصلت اربع ركعات وخشت على منى
منى" ها شن تو احسن
عتاب ابصوت دوبه طالع" اها الحمدالله خلاص بكره نبي انروح
منى" كنك اضايقتي
عتاب" لا والله غير رايفت على ماما وبابا والبنات وعيال و نبي انكلم بابا على الجامعه
منى" ايوا هك نبيك خلاص بكره الصبح تغدي وتو ايشيلك محمد بعد الغداء
عتاب" باهي تمام
منى" تعالي ارقدي في حضني
عتاب ابتسمت وجت خشت في حضن منى وغمضت اعيونها
منى اقعدت تمسحلها على شعرها وضمتها في حضنها حست بيها بكت اشويه بعدها ارقدت وحتى منى غفت جنبها
.......
عند ناصر قعد يذكر وحاس الدنيا ضايقه بيه
خش دوش وطلع على الكنبه برا وقعد ايبحت في انجوم السماء نين غفى ورقد
....
سليمه" هاشم تعال نبيك
هاشم طلع من الدار" نعم
سليمه" قعمز نبيك وانت امصبي اتقول بخت
هاشم قعمز" ها قعمزنا انعم شن في
سليمه" مش شايف روحك كبرة خلاص
هاشم يضحك" عارف روحي كبرة
سليمه" بطل مسخره وركز امعايا
هاشم" ها سكتنا تفضلي
سليمه" خلاص لازم تجوز وتفتح حوش ويقعد عندك مرا وعيال
هاشم ايحك في راسه" واللهي انا ناوي لاكن مزال اشويه
سليمه" امتى يعني
هاشم" نين نلقى بنت الحلال
سليمه" بنت الحلال موجوده غير انت اطرب بس
هاشم" اووووو امدوره حتى البنت
سليمه" ولقيتها اخرى
هاشم" بنت من
سليمه" مريم بنت عمك وليد
هاشم" لالا العيله فكيني منها
سليمه" فكني من الطروح ما من قبل ساكن على نجوى بنت عمتك
هاشم" اولاً هضك نجوى مش مريم وبعدين خلاص صرفت النظر على اني ناخض من العيله
سليمه" وكنها مريم ماشالله عليها جمال وكمال و ادب واحترام ونظافه كل وحده اتمناها كنتها
هاشم" انا ما قلت شي مريم فالاخير تقعد بنت عمي وماشالله عليها لاكن موضوع العيله فوتيه
سليمه" توا انت عليش مسرع مالطيت غير فكر وبعدين رد عليا
هاشم صبى" انشالله خير وعدى طلع
اماني اطلعت من الدار" ماما كنه هاشم
سليمه" كنت ندويله على مريم بنت عمك وليد
اماني بستغراب" كنها
سليمه" نبيه يجوزها
اماني" اها مشالله عليها البنيه احليوه وكل مواصفات فيها
سليمه" هضا الكلام يالي ينقال ونبي اقنعي خوك
اماني" خلاص خليه شوري تو نحكي امعاه
سليمه" وين اختك المتخوخمه
اماني تضحك" اتنضف برا لجنان
سليمه" القنه الحوش كسد بلا عتاب
اماني" اها كانت دايره جو
سارة خشت من برا" توا امروحه
سليمه" وشن عرفك
سارة" توا حكيت مع منى من فون زبير قالتلي توا امروح بيها محمد زرتها تقعد على الغداء قالتلها لالا امرايفه على حوشنا نبي انروح
اماني" سيرو سمعتي ماما تبي تخطب لي هاشم
سارة" الله
اماني" والله
سارة" من العروس هو مختارها
اماني" لالا ماما مختارتها
سارة" من هيا
اماني" مريم بنت عمي وليد
سارة تضحك وميته من الضحك😂😂
سليمه" ها جتها حالتها كنك تضحكي انتِ لاخرى
وجا هاشم خش يبي الحمام سمع سارة تحكي صبى قعد يسمع فيها
سارة تضحك🤣🤣" سبحان الله البنت نيتها صافيه لعند هضك اليوم كانت تحكيلي عليه
سليمه" علي من
سارة" هاشم
سليمه" شن قالتلك
سارة" قالتلي ان هو عاجبها يعني معجبه و جنتل وشخصيه وقعدت اتعابي على صوت مريم خوك جنتل يا سيرو وشخصيه بكل
اماني و سليمه" هههههههههههههه😂😂
سارة" ضرب امعاها الحظ الفرخه كان انا حبيت واحد راه مات في حادث من اول يوم
سليمه" ههههههههههه🤣
اماني" هههههههه وحق الله صدقتي😂
هاشم خش ومبتسم" بالك اتحشمي😊
سارة خافت ان هاشم يقعد سمعها على قولت حبيت
هاشم خش للحمام(حشاكم)
اماني" حي علي امك يا بال ما اسمعك
سليمه" سمعاها ما سمعتيش قاللها بالك اتحشمي
هاشم طلع وخش لي داره وقعد ايفكر في كلام سارة على مريم
وخطرت عليه فكره ورن على موسى
هاشم" ايوا موسى
موسى" اهلا شن الجو
هاشم" تمام وين قاعد
موسى" فالحوش هذي خشتي
هاشم" باهي تعال انكسدو فالكفي مع الشباب ونغديك على احسابي
موسى" لالا فوت الكفي وشباب وتعال في حوشنا انكسدو صوني
ونتفرجو على المبراة ونتغدو الحاجه دايره جاري
هاشم" خلاص نص ساعه ونكون عندك
موسى" نرجى فيك يا برو
هاشم" تم يا عشيري وسكر
صبى خش دوش وبدل لبس
توته سوده سمحه عليها علامة نايك على الصدر
وعلى الكتوف وجلا اشعره وبخ طره وخضى المفاتيح والفون وطلع مع خشت محمد عتاب
هاشم" اوووووووو بيبو وحمادي تفضلو خشو
عتاب اضبطة هاشم" رايفتلكم😍😍
هاشم مبتسم" لكي وحشه يا فرخه حتى اللسانك الطويل رايفت عليه😘😘
محمد" من شاف اصحابه نسى احبابه
هاشم يضحك😅" خش تفضل
محمد" لاواللهي طالع مانقدرش انسيب منى ابروحه مع السلامه🤗🤗
هاشم" مع السلامه
وطلع محمد وعتاب مزالت مضبطه هاشم
هاشم بحت فيها" بالك خلاص حولي نبي نطلع
عتاب" انلا امرايفه عليك
هاشم طبس عليها وشالها
عتاب اتعيط" وووووووووووووه هاشم نزلني
هاشم" اسكتي
وخش بيها جوا وهو شايلها
اماني" بيبوووووووووووو وجت تجري نزلها يا بارد
هاشم" انلا على قولتها خليها هك😏
عتاب" وراس هشومي نزلني
هاشم نزلها" معش اتعوديها
عتاب حطة يدها على عينها" من هذين
هاشم" رايحه رومنسيه الفرخه شن كانو ايوكلو فيك
عتاب كشخت عليه وضبطة اماني😒
هاشم طلع وهو يضحك عليها وعدى شور حوش عمه
.....
ناصر كان راقد و وعى على صوت فونه يالي ايرن
بحت لقاه باته رد
ناصر ابصوت ناعس" ايوا باتي
عمر" وين قاعد
ناصر" فالمزرعه
عمر" تعال في حوش جدك
ناصر" كنكم انشالله خير
عمر" انت غير تعال بس
ناصر" باهي اني جاي
وسكر وصبى وطلع طول شور حوش جده
....
عتاب هدرزة مع امها والبنات اشويه بعدين خشت للدار
اتبدل خشت عليها اماني
اماني" بيبو كنهن اعيونك منتفخات
عتاب" من البكاء
اماني انفجعت" وعليش تبكي
عتاب" آآآآآآآآآآآآآآآآآآه خليها ساكته
امني" عتاب احكي ماتخوفنيش
عتاب" تعالي قعمزي نحكيلك
اماني جت وقعمز مع خشت سارة حتى هي جت قعمزة
سارة" شن فو
اماني بحتت فيها" سكري فمك تو تعرفي
عتاب" امس كنت مضايقه اشويه جتني اهويده و.........
اماني و سارة من صدمه اقعدا ايبحتن في عتاب وسكتات
عتاب" انتاً يالي مش شوركن وحقاً كيف انصدمتاً
شن اتقولن عليا انا يالي انحبه وعديت شفته يوم عرسه اماني وسارة مزالاً سكتات ومش مستوعبات
.......
عند ناصر
طلع من المزرعه وعدى الحوش جده نزل لاقى
باته وعمه يونس وجده امقعمزيين فالجنان
ناصر" السلام عليكم
ونيس و عمر و صديق" وعليكم السلام
ناصر جا قعمز جنب جده" شن جوك يا جدي
صديق" الحمدالله انت كيف حالك
ناصر" ماشيه الدنيا امعانا امكملتها ادور وخلاص
ونيس" كنك يا نصوره شكلها الدنيا ضراتك
ناصر تنهد تنهيده طويله" آآآآآه
ونيس حط يده على كتف ناصر" احكي كنك
ناصر" لا مافي شي وغمزلا
ونيس" باهي تمام وغمز يعني فهمت
عمر" ناصر جدك يبيك في موضوع
ناصر" نعم يا جدي
صديق" السبوع الجاي مشيين نطلبو لعمك يونس
و باتك قال انك تبي تخطب ف قلنا بالمره انعدو نطلبولك قوللنا من البنت و من هلها وين يسكنو بيش انعدو نعطو كلمة رجالة وبعدها يسألو وبعدها يمشاً الصبايا
يتفقن على كل حاجات الفرح
ناصر استك" عليش مشيين انتو قبل
خلو الصبايا يمشاً ايشوفن البنت بعديين تمشو انتو
صديق" انت عارف قانون العيله خلاص رصيت
على مرا ايعدو الرجاله طول ماعندناش جو ايعدو
الصبايا وبعدين رجاله لالالا كلمة رجالة طول
ناصر سكت وماعرفش شن ايقول لأن قال الباته
اموافق ومايقدرش ايرد في كلمة
صديق" ها يا ناصر كنك ساكت من البنت
ونيس" بالك غير رايه
صديق رقاله😡😡" كيف ايغير رايه كلام رجاله هو
مش كلام صباي
عمر" انا قتله يا ناصر اموافق قال اموافق قتله الجواب الأخير وماتردش فيه قال اموافق
صديق" ناصر رد عليا
ناصر قعد ايحك في راسه لأن عارف ان باته حذرة وهو وافق وماقدرش ايرد في كلمته وعارف جده ان ح يرقاله
صديق ابصوت عالي" اوي ناصر رد كنك مستك
ناصر" امتى تبو تمشو انتو
صديق" الخميس الجاي
ناصر" خلاص انا الثلاث انرد عليك
ونقولك ع البنت
صديق" الثلاث اتكون عندي م صبح
ناصر صبى" خلاص تم
وطلع وطلع في جرته عمه ونيس
ونيس ابصوت عالي اينادي" ناصر ناصر🗣🗣
ناصر برم" نعم
ونيس" تي تعال دهشتني في جرتك
ناصر" تعال انعدو للكفي
ونيس" هيا تعال
وعدا ناصر و ونيس للسيارة وعدو
شور الكفي
......
اكرم" سليمه الغداء واتي
سليمه" لالا مزال
اكرم" وين البنات
سليمه" قعدات جوا مع عتاب
اكرم" صاح روحت هيا
سليمه" اها قالت رآيفت عليكم
اكرم اينادي فيها" عتاااااب عتااااب
اماني" بابا ايكلم فيك
عتاب صبت وطلعت تجري" بابا رآيفت عليك😍
اكرم اضبطها" كيف حالك😘
عتاب" ابشوفتكم قعدت اكويسه الحمدالله
اكرم" الحوش كسد بلاك
عتاب تضحك😂😂" عارفه ماتقدروش اتعيشو بلايا
اكرم دفها" عليك ثقه عدي درقي وجك
عتاب عدت وهي تضحك😂
اكرم ابصوت عالي" بيش اتوتي روحك
للشركه بكره سادك نوم وطياح
عتاب" هووووووف باهي به
وعداً البنات ايكملن في الغداء
.....
اما عند ناصر وصل هو وعمه للكفي ونزلو
خشو وقعمزو
ونيس" احكيلي كنك جوك ماعجبنيش بكل ناصر تنهد وقعد ايحك في لحيته
ونيس" تي احكي يا راجل شن في
ناصر" ريماس
ونيس" كنها خلاص اقريب تقعد مراتك
ناصر ضحك ضحكت هزوه" هه مراتي😏
ونيس" ناصر ماتنرفزنيش احكي كنها ريماس
ناصر" امس زفيتها في سيارتي
ونيس" نعم
ناصر" امس......
ونيس خبط يده على راسه" حي علي امه حي تي كيف صار وكيف وافقت وعليك صدفه يطلع أحمد ولد خالتها
ناصر صوته تغير" شفت يا ونيس شفت واللهي غامه عندي مانيش عارف شن اندير
ونيس" باهي توا شن تبي اتقول الباتي وباتك
ناصر" ماهذي المشكله جدي وباتي وانا قلت اموافق
وحقيت جدي كيف رقاله لما انت قلت بالك غير رايه
ومشكله باتي وقضني تؤ عليك قصه اووووووووف
ونيس" باهي خلاص انسى امها و اخطب وحده اخرى وانسى
ناصر" تي اين ننسى ونيس انت عارف ريماس
حب حياتي ٨ اسنين مش شهر ولا شهرين
ونيس" وعلى اساس هي دوراتك ولا فكرت فال٨ اسنين
ناصر" تو انقوله مانبيش ويالي يبي ايصير ايصير
ونيس رقاله" انت فيش تحكي تي انت عارف باتي اكره ماعنده انك اترد في كلامك ناصر اسمع مني انا عارف شن ح يصير
ناصر قعد ينفخ ومش عارف شن ايدير" والحل يا عمي
ونيس" المرا اتنسيها مرا وخوض الكلام من عمك
واللهي بعد تجوز بنت ناس اتصونك وتحبك وتجيب اعيال تي وحق الله اتنسيك ريماس و قبيلة ريماس كلها
ناصر" ياعمي انا خايف نظلم بنت الناس امعايا
اخر كلام ح نقول الجدي مانبيش ونتهى وصبى وطلع
ونيس قعد اينادي فيه بس ناصر مابش ايرد عليه
ونيس" لاحول ولاقوه الا بالله شن انديرله هضا
ناصر طلع ورن على باته" ايوا باتي
عمر" الو يا ناصر كنك
ناصر" مزلت قاعد عند جدي
عمر" اها عليش
ناصر" خليك اني جاي نبيكم
عمر" باهي ابسرعه ماطولش
ناصر سكر ونيس طلع في جرت ناصر والحقه
وعرفه ماشي الحوش صديق
بعد ربع ساعه وصل ناصر الحوش جده
ونزل ونزل في جرته ونيس
......
هاشم ايرن على موسى" ايوا يالعبد☻
موسى" وصلت ياقرعه
هاشم" اها تعال افتح الباب
موسى" باهي
تم وسكر
موسى" مراااام مرااااااام
مريم جاته تجري" كنك اتصيح يا خرا
موسى" انتِ اساساً من كلمك نبي مرام
مريم" مرام ادوش كنك
موسى" عدي درقي وجك افتحي الباب
مريم ابنص عين😒" وكنك ماتفتح انت من الراجل
موسى" مريم فكيني من طولت اللسان وعدي افتحي
الراجل لاه ساعه يرجى برا
مريم" هييييييييي تبيني نفتح لي راجل😱
موسى رن فونه رد
موسى" ايوا
هاشم" تي ساعه بيش تفتح الباب
موسى" ما انا انتعامل مع خوات ايعاقه حشاك ليا ساعه انقوللها عدي افتحي امتنحه اتلاطع فيا
هاشم يضحك😂😂" من منهن
موسى" من غيرها مريم ام اللسان
هاشم اعيونه اقلوب" لادبينا مريم خليها على راحتها
موسى بستغراب" كيف😕
هاشم" قصدي هي ابروحها دبه ف تبيلك بيش
توصل للباب
موسى يضحك😂😂😂😂
هاشم" تي اسكت وفتح الباب الزح الشمس🌕 كلتني
موسى" باهي تم
وسكر عليه
موسى" عدي افتحي الباب
مريم" مانيش نين انقولي من
موسى مسك الكاس وعزقه على مريم
مريم عدت تجري وطلعت تفتح فالباب
مريم اتمتم" ازي بارد وفتحت الباب
وجت عينها في عين هاشم
هاشم ابتسم" واخيراً فتحتي🙂
مريم مصدومه😲".......

يتبع....

أودي الفرجاني##

رايكن😉
بنات معقولة مافيش تفاعل واجد تفاعلن عشان نزل حلقة فى الليل 🙂