بعت نفسي

البارت 89

البارت 89

طلع بره الجنينة

يدخن مكانش متصور يشوف كامليا منهارة كده صعبت عليه
أدهم في موقف لا يحسد عليه
بين مليكه اللي رافضة ترجع ليه وبين كامليا

اتصل بي مليكه

**مليكه إلو الولاد كويسين ؟؟

**أدهم آه كوسين متخافيش عليهم

**مليكه الحمد لله

**أدهم طلعنا اليوم جبت ليهم ألعاب و هدوم بس بجد عيب عليكي تقوليلهم ماتخدوش كثير أنا أبوهم يا مليكة
تعبوني علي ما اخدو الحاجة

**مليكه أنا والله ماقولت ليهم حاجه عليك بس هما اتعودو مايخدوش حاجه من حد هما نايمين ولا صاحيين ؟

**أدهم أظن لسه صاحين حاطلع عندهم خليكي معايا

وطلع يجري

فتح غرفة خالد مش موجود راح عند خلود

**أدهم أكيد عند ملك
فتح الغرفة شافهم بيضحكو وكانت ملك طايرا من الفرح ودادا قاعدة بعيد

**ملك بابي شكرا اوي اوي انك جبت أخواتي هنا أنا مبسوطة

**دادا مشاء الله ملك فرحانه، وماتعبتش بصراحة ولادك الله أكبر عليهم متربين كويس هما بجد ولادك؟؟

**أدهم آه يا دادا ولادي من مراتي اولانيه

**دادا ماكنتش أعرف

**أدهم ماما على التليفون

**خلود مامي وحشتيني

**مليكه وانت كمان يا روحي أنا مش عارفة
أتحرك في البيت دي اول مرة تبعدو عني،
وابتدت تعيط
دادا طلعت كان أدهم عاما مكبر الصوت

**خالد ماما ماتعيطيش من فضلك
احنا كويسين عارفة يا ماما لما كنت بسألك لو بابا موجود في حياتنا كنا حانكون عايشين ازاي ؟

كنت بتقولي لينا كنا حانعيش كويسين اوي وانت كنت حاترتاحي من الشغل وقولتلنا أن الأب مافيش حاجه في الدنيا بتعوضو أنا يا ماما حسيت بكلامك أنا مبسوط اوي إن بابا حي و برتاح في حضنو وحسيت قد إيه عايز يعمل كل حاجه علشانا ماما هنا القصر كبير تعالي عيشي معانا

ماتخليش فرحتي أنا وأختي ناقصه نلاقي بابا ونسيب ماما
هنا مليكه كانت بتعيط كلام خالد كان قوي جدا جدا
أدهم اخد منو تليفون

**أدهم مش كده يا مليكة أهدي زي ما هو فرحان أنا كمان بس فعلا الفرحة ناقصة من غيرك

وأنا وعدتك مش حاطغط عليكي بس مش عايز ولادي يحسو بي نقص إن أمهم مش معاهم

**مليكه أنا مش عارفة أنام وهما بعيد عني ومش عارفة أعمل إيه

أنا كنت عايشه كويس كل ما بتضهر في حياتي تشقلبها حرام عليك