"ဪ ကိုသူရိယ ကိုကြီးဆီလာလည်တာလား"
သူမက ထိုသူကိုတော့ ပြုံးရွှင်စွာနှုတ်ဆက်သည်။
"ဟုတ်တယ် ကိုယ် အလုပ်ကိစ္စလာရင်းနဲ့ အနှစ်ကိုတွေ့လို့ လာနှုတ်ဆက်တာ"
"ဟုတ်ကဲ့ ထိုင်သွားဦးလေ"
"မထိုင်တော့ဘူး ကိုယ့်ဧည့်သည်တွေရှေ့မှာစောင့်နေကြတာ အနှစ်ကိုနှုတ်မဆက်ရင် စိတ်ဆိုးမှာဆိုးလို့ သွားတော့မယ်နော်"
"ဟုတ်ကဲ့ "
ကိုသူရိယထွက်သွားတော့ မွန်လေးနဲ့ထင်ရှားရဲ့အကြည့်ကာ သူမဆီကို တစိုက်မတ်မတ်ကျရောက်လာ၏။
"မိတ်ဆွေ ကိုကြီးရဲ့သူငယ်ချင်း! "
"ဪ ဟုတ်လား မမေးမိဘူးနော် "
"ဟင်းဟင်း "
နှစ်ယောက်သားက စနေပေမဲ့ ကင်းကတော့ သူမကို ရုပ်တည်ကြီးနဲ့ကြည့်နေပါသည်။ သို့သော်ခဏသာ။ အကြည့်ပြန်လွှဲသွားသည်။
ဒီလိုနဲ့ ကိုကြီးရဲ့ဆိုင်မှာ သူမတို့ ညနေခင်းအချိန်ကိုကုန်ဆုံးခဲ့ပါသည်။
အပြန်ကျ လူရှုပ်နေ၍ တစ်ယောက်နဲ့တစ်ယောက်တိုက်မိနိုင်တာမျိုးရှိ၍ စက်ဝန်းသည် အနှစ်ရဲ့နောက်မှာ ထပ်ကြပ်မကွာရှိနေ၏။ သူမကတော့ လှည့်မကြည့်တာမို့ သိမှာမဟုတ်ပေ။
✿............✿...........✿
ထင်ရှားတင်လိုက်သည့် ဓာတ်ပုံတွေသာမက ရန်ဖြစ်နေတဲ့ပုံပါပါတာကြောင့် စက်ဝန်းနဲ့အနှစ်ကို အင်တာနက်ပေါ်မှာ ရှစ်(ship)နေကြသည်။ လိုက်ဖက်ညီသည့်ကြောင်နှင့်ကြွက်အတွဲ။ #စက်ဝန်းအနှစ်။
Comments...
""ကိုကြီးအကြည့်တွေက အသက်ဝင်နေလိုက်တာ...""
""မမရဲ့အကြည့်တွေကရန်လိုသလိုပဲ ကိုကြီးကိုပြန်ချစ်လိုက်ပါနော်""
""မောင်လေးရဲ့အကြည့်တွေအရ သေချာတယ် ကောင်မလေးကိုကြိုက်နေတာ ""
""ကောင်မလေးဆီက အငြင်းခံရရင် မမဆီလာခဲ့မောင်လေး""
""အရင်ကတည်းက မမရဲ့အကောင့်ကိုသိရမှာ လှရက်သားနဲ့ ဘာလို့ပုန်းနေတာလဲ""
ВИ ЧИТАЄТЕ
နှလုံးသားနီးနီး...စည်းပါးပါး(Love And Pride)[Completed]
Романтикаစက်ဝန်းအလွန်+အနှစ်သာရ အနှစ်အတွက်တော့ ကိုကိုက အရာအားလုံးရဲ့ပထမ... Start date - Dec 25.2022 End date - May 25.2023
Part(7)
Почніть із самого початку