رواية # الهجرس
#الكاتبة راوء هادي # قراءة ممتعة للجميع
وقبل كل شيء ، اترك تعليقًا وإعجابًا
بين الفقرات.
متت ألف موته من شفت....... رسالة تهديده صارت حسبه تأخذني وحسبه تردني بعد تفكير طويل التقطت صورة شاشة للمحادثة وراها حظرته
الليل كله منمته بس افكر شراح يصير بي ؟ وشراح يسوي ويخرب العرس غير اموت اذا خرب عرسي وزواجي لجنت
منتظرته من ايام طفولتي .
قررت اكول الفرقد عن كلشي .....سواه بي بالماضي وشلون بالعيد الاضحى تعرضلي بنص الشارع وراد يخطفني خل اكوله بنفسي احسن مايروح يسمع
من غيري ويسويلي مصيبة من مصيبة .
بقيت كاعدة للفجر اذن صليت وراها اتصلت بفرقد مارد عدت الاتصال مرتين يله رد ...
_الوو هلا سلي
_هلا بيك شلونك
_زين وانتي
_موزينة
_اخذتي قلبي صاير وياج ؟
_دلشاد دازلي رسالة تهديد
_دلشاد الولد لجان يريدج ؟
_اي هو
_شكاتب هالناقص ؟
_ كاتب اني اعلمج ام الضباط إذا ماخربت عرسج
فلا اطلع دلشاد
_ايااا ناقص ابن الناقص على هالسواية انا اعلمه إذا ماشكيته نصين فلا اطلع فرقد بسيطة بطن
عيني فريخ البط
_هو مو هنا بالمانيا مسافر
_مايجي للعراق قابل
_مادري خايفة فرقد يسوي شي ويخرب العرس
_الساني زفر لتخليني افشر وتوني كمت من سجادة الصلاة شراح يسوي قابل ؟ مثلا شيسوي يتواصل وياي ويحجي حجي زايد من عنده لو يروح ينشر صور
الج ويكتب كلام من عنده انتي مو بي في حيث يلعب نفسي يابة هذني السوالف كل يوم يمرن علية
فماتمشي وياي انا اعرفج
انتي منو وشنو واثق بيج بعد شكو تخافين وتشيلين هم
_هاا
_وجعااا جم مرة كلتلج صيري سباعية ولا تصيرين جبانة ياهو ليجي يخوف بيج
_مو هو يخوف
_هو شنو يخوف بي كرشة رجلي اسمن من خصره وعلي الزمه الج واملص اركبته مثل مااملص ركبة العصفور
واشمره للچلاب خل تأكل بي
_ماريد هيج اريدك تصدك بي
_انتي غبية ثولة بس فهميني صاري ساعة شحجي
_ايي
_وجعييي
_فرقد اريد اكلك شجان يسوي بي
_تحرش بيج بعيد الاضحى وراد يخطفج وكتي لاهلج وراحوا هداده عليهم ومالكوهم مو هذا
لتريدين تكولينه
أنت تقرأ
الهجرس { مكتملة }
Randomقصة واقعية "تدور احداث القصة حول شاب لم يعش طفولة كـ بقية الأطفال بعمره عاش طفولة مبنية على الحقد والكره من أقرب الناس إليه " منذ كان طفل صغير نبتت في داخله القساوة والحقد والكراهية والخباثة أصبح يكره الجميع الا هي أصبحت ملاذه الوحيد في وسط هذا العا...
