رواية المنشاويهة .... أباطرة العشق ..... عشاق الزمان ... بقلمي إيمان إدريس

الفصل الثالث عشر

روايه_المنشاوية
#بقلمي_ايمان_ادريس
#أباطره_العشق
#عشاق_الزمان
#الجزء_الاول
#الفصل_الثالث عشر

ابتسم أدم لرؤيتها هادئه بعض الشئ فاستكمل حديثه بتوتر : انتي دلوقت بقيتي مراتي والمفروض انك تيجي معايا لو حابه تفضلي هنا مع والدك اسبوع تريحي اعصابك و بعدين اجي اخدك انا معنديش مانع
صمت أدم منتظراً ردها ولكنها لم تجيب و عم الصمت ثم قطعت ميراج صمتها قائله : انا عايزه اقعد مع بابا الفتره ثم سقطت دموعها لتكمل بحرقه ومحتاجه اشبع من بيتنا ومن ريحه امي اللي ماتت بسببي
تأثر أدم لحديثها فقال محاولا بث الامان لها : كل اللي انتي عايزاه هعملهولك بس اهم حاجه عندي راحتك وانك تكوني مبسوطه واتأكدي اني مش هضغط عليكي ف اي حاجه انتي ملكيش رغبه فيها ولو في اي حاجه كلميني ثم أخرج هاتفه وأعطاه لها قائلا : خلي دا معاكي وانا هكلمك اطمن عليكي ولو حصل اي حاجه كلميني علطول ووقت ما تكوني جاهزه بلغيني وهاجي اخدك في الوقت اللي تحبيه واتأكدي ان طول مانا جمبك محدش هيقدر يمس شعره منك يا ميراج ولا يأذيكي بشئ
نظرت له ميراج نظره كره قائله بحرقه وألم : والمفروض اني اصدقك بقاا وأحبك و اقولك لا استني انا هاجي معاك عادي كدا الكلام دا تروح تضحك بيه علي واحده من الأشكال اللي بتسهر معاها كل يوم انت عندي واحد ولا تسوي ولا هصدق أن اللي حصل مكنتش مرتبله وعامل فيها البرئ انا لا يمكن افضل علي ذمتك لحظه واحد بعد ولادتي لابنك اللي ف بطني لكن انت لا هتشوفني ولا هعيش معاك في بيت لوحدنا مستحيل اثق ف واحد زيك كلكوا أشكال زباله فاكرين بنات الناس لعبه ف ايديكوا وتشتروا فيهم زي مانتوا عايزين بالفلوس بس انا مش زي حد يا أدم يا منشاوي ومستحيل اسمح اني اكون مرات واحد حقير زيك ومش عايزه اشوف وشك تاني من دلوقت لحد مولد ثم انهارت بالبكاء حتي فقدت أعصابها وبدأت بالصراخ دلف عامر ومراد وعز ليروا ماذا جري وغادر أدم المنزل بل الغربيه بأكملها فكل كلمه قالتها كانت تُغرس بقلبه كالخنجر أستقل سيارته فكان يقود بسرعه جنونيه كام يتعرض لحادث أكثر من مره واخيرا اصطدم حدث اصطدام ادي لإصابة رأسه وفقد وعيه تجمع كل من بالشارع ونقلوه إلي المشفي
----------------------
اتصلت حبيبه بأسر لتخبره بأن الغذاء جاهز وعليه أنه يأتي
حبيبه : الو يا اسور انت فين
أسر بنوم : ايوا يا بيبو خير في حاجه انتوا كويسين
حبيبه : ايوا الحمد لله بس بكلمك علشان تيجي نتغدا
أسر بملل : حاضر يا بيبو مع اني مش طايق اخوكي الزفت دا بس هاجي علشان خاطرك ثم صمت قليلا ...... حبيبه هي نغم عندك ؟
حبيبه بتهرب : لا هي خرجت من امبارح
أسر : خرجت راحت فين
حبيبه : راحت عند جدو ونور
أسر بإستغراب : نغم عند صالح المنشاوي طب ازاي
حبيبه بتغيير مجري الحديث : أسر بطل رغي ويلا علشان ناكل انا هقع من الجوع أنجز يلا
أسر بشرود : اوك يا حبيبه جاي أهو
اغلق أسر هاتفه ثم عاود الاتصال بنور ليعرف ما سبب وجود نغم عند صالح المنشاوي
أسر : الو السلام عليكم
نور : عليكم السلام ازيك يا بشمهندس
أسر بإستغراب لامنادتها له ببشمهندس : الحمد لله يا نور انتي اخبارك اي
نور : انا كويسه اي الاخبار يارب الفيلا تكون عجبتك
أسر : عجبتني جدا كنت عارف انك هترتبيها علي ذوقك شكرا يا نور
نور : تسلم
أسر بلهفه : نور هي نغم بتعمل اي عندك
نور بهروب من حديثه : هااااه هتكون بتعمل اي اااه جات تقضي معايا اليوم و بعدين عمي رأفت قالها تفضل معانا كام يوم كدا
أسر بعصبيه : انتوا فين دلوقت
نور محاوله التهرب منه : أسر لو سمحت بلاش تصرف جنوني
أسر بنفاذ صبر : نوووور لو سمحتي قولي انتوا فين
نور برد سريع : احنا في المول بنشتري حاجات
أسر : طيب لو سمحتي يا نور متتحركوش من هناك حاولي تعطلي نغم بأي شكل ماشي
نور بصوت منخفض : حاضر
أسر : سلام
نور : سلام
اغلق أسر الهاتف ووضعه علي السرير ودلف يرتدي ملابسه بسرعه ثم هبط إلي اسفل فوجد فارس يجلس بالاسفل يرتشف القهوه وينتظره
فارس بلامبالاه : علي فين يا أسر
أسر وهو يجز علي أسنانه : عايز اي يا فارس مش عاوايدك يعني
فارس ببرود تام : اظن انك هنا علشان سبب باعتك ليه صالح بيه المنشاوي مش علشان تخرج تستمتع بوقتك في باريس
اقترب أسر منه وهو يحاول التحكم بأعصابه : واظن برضو ان حضرتك مش مشرف علياا وعلي تحركاتي فالافضل انك متتدخلش في اللي ميخصكش وخليك في شغلك ومتشغلش بالك بيا ولا بسبب وجودي
ضحك فارس بصوت عالي مستهزياً بكلامه : ولا وكبرت يا أسر يا منشاوي وبقاا ليك أنياب وبقيت بتعرف تخوف لا كان لازم تدخل شرطه أو حربية كنت هتعمل شغل عالي هناك بس يلا ملحوقه ثم اقترب منه ليعدل له قميصه قائلا بصوت منخفض : صالح المنشاوي عارف قدراتك كويس ف بعتك جارد لياا انا واخواتي و بما انك شغال جارد عندي يبقا كل تحركاتك يكون عندي علم بيها مفهوم
نظر له أسر نظره استقزاز واخفض يده من عليه ثم قال : نصيحه مني ليك بما اني جارد يعني ابعد عن خلقتي يا فارس علشان مخسركش وللابد وبلاش تدخلني في دايره مش ديرتي من اساسه و انت وصالح المنشاوي برا حساباتي واللي بينكوا انا مليش فيه سبب وجودي هنا مش علشان صالح المنشاوي طلب مني كدا لا سبب وجودي انت عارفه كويس هو نغم وحبيبه وانت لو حبيت غير كدا ف انت ملكش عندي اش حاجه يا أسر وبعد اذنك بقا علشان عندي ميعاد
ثم تركه وغادر دون أن يسمع رده
-----------------------
كان يجلس بقاعة الاجتماعات يناقش بعض المشاريع مع موظفيه ليرمي الملفات أرضاً وضرب المكتب بقبضت يده قائلا بصوت كالرعد : انا لو بشغل معايا شويه بهايم مش هاخد شغل بالشكل دا انا عايز اعرف انتوا بتعملوا اي اي لزمتكوا هنا لا وكمان شويه موظفين من الHR طالبين زياده في المرتبات مرتباتهم اللي مفيش شركه ف مصر كلها بتديه لاعلي موظف عندهم
احد الموظفين بخوف : يا بشمهندس أدهم احنا طلبنا من حضرتك وقت زياده علشان نسلم حضرتك الشغل المطلوب
أدهم بعصبيه مرعبه : واخدتوا شهر كامل زياده عايز اعرف أي الزفت اللي انتوا عملتوه دا دي اول مره تحصل في تاريخ المنشاوي للمعمار قدامكوا اسبوع واحد بس وتكون العماير جاهزه للتسليم
محسن مدير مكتب أدهم : بس يا بشمهندس
أدهم بغضب شديد : مفيش بس اسبوع واستلم الشغل وكل اللي شغالين علي المشروع دا مخصوملهم 4شهور  اتفضلوا الاجتماع خلص 
خرج الجميع وبقي أدهم وحده يراجع بعض الأوراق ليأتيه مكالمه من أحد الأشخاص
أدهم : الو السلام عليكم
الشخص : عليكم السلام حضرتك أدهم المنشاوي
أدهم بثبات : ايوا انا مين انت ؟
الشخص : انا اسمي حامد شغال في المنشاوي للإستثمار في اسكندريه ووصلت لرقم حضرتك من ال HR علشان ابلغ حضرتك أن أدم بيه عمل حادثه علي طريق الغربيه وهو حاليا في المستشفي بس هو الحمد لله بخير
أدهم بفزع : أدم !! اي جاب أدم ف الغربيه ؟
حامد : معرفش بس انا لقيته عمل حادثه علي أول الطريق ونقلناه علي المستشفي
أدهم : مستشفي اي ؟
حامد : مستشفي ...........
أدهم بقلق علي أخيه : تمام مسافه الطريق وهكون عندكم
قلق أدهم بشأن أخيه ولكن يدور برأسه سبب وجود أدم بالغربيه وربط به سبب إختفاء مراد وعز فعلم انهم علي علم بما حدث ولكن لم يخبروه
اتجه إلي سيارته فأسرع السائق بفتح باب السياره ليمنعه أدهم : لا انا اللي هسوق روح انت
ثم ركب سيارته وانطلق بسرعه جنونيه ليري ماذا حدث لأخيه وما سبب و ذهابه إلي هناك
----------------------
وصل أسر إلي المول ثم قام بالاتصال بنور لمعرفه اين يتواجدون
‏نور : السلام عليكم
‏أسر بفضول : عليكم السلام انتوا فين يا نور
‏نور بصوت منخفض : احنا في الكافيه
‏أسر : تمام
‏ذهب أسر إلي الكافيه المتواجدين به كان يقترب بخطوات بطيئه حتي رأها فتراقص قلبه لرؤيتها بعد تلك السنوات ظل يقترب حتي رأته نور فأبتلعت ريقها لأنها لم تخبر نغم بقدومه لاحظت نغم توترها فألتفتت لتري ما الذي تنظر إليه فصدمت لرؤيته صدمت لوجوده ولمعرفته بمكانها عاودت النظر إلي نور بغضب جامح : انتي يا نوووور
‏نور بصوت منخفض : سامحيني بليييز
‏رمقتها نغم بنظره ناريه جعلتها تشعر بالخجل مما فعلته
‏نهضت نغم وأخذت حقيبتها لترحل فأمسك أسر بيدها ثم قال دون النظر إليها : مره دي لا يا نغم المره دي مش هسيبك تمشي و مش هتهربي مني تاني انتي هتقعدي وتسمعيني
‏نغم بألم من قبضته علي يدها : معدش في بينا كلام يتقال ولا هقعد ولا هسمع اظن أن مفيش مبررات للي حصل يا بشمهندس ثم أكملت ببرود : وفر كلامك للي بيحبوا يسمعوا كلامك لكن نغم تؤ بطلت يضحك عليها بكلامك دا يا بشمهندس
‏زاد أسر من ضغطه علي يدها : هتقعدي يا نغم وبلاش تخليني أفقد اعصابي اكتر من كدا
‏ارتعبت نغم منه فأنصاعت له وجلست لتسمع ما سيقوله
‏نور بإحراج : طيب انا هروح اشوف كام حاجه كدا عقبال متخلصوا كلام
‏اشار لها أسر برأسه ورحلت
‏نظر لنغم الجلسه أمامه واضعه رأسها بالأرض وتأبي إطلاق سراح دموعها
‏أسر بألم شديد بقلبه : وحشتيني
‏نغم لا رد
‏أسر : انا قدامك اعملي كل اللي انتي عايزاه بس الاول تسمعيني
‏رفع أسر رأسها فأصبحت مقابله له : اسمعيني يا نغم المره دي بس وبعد كدا خدي القرار اللي يريحك
‏اشاحت نغم بوجهها عنه لتقول ببرود : سمعاك
‏بدأ أسر بالحديث وقلبه يطعن بخنجر بارد
‏أسر : نغم انتي فهمتي كل اللي حصل دا غلط انا مكنتش اعرف حاجه عن اللي حصل دا صدقيني كل اللي كان بيطلبه مني صالح المنشاوي كنت بنفذه وانتي عارفه اللي بيخالف الأوامر كان بيجراله اي وانا لما جيت حكيتلك حكيتلك علشان انتي حبيبتي واكتر حد بحتاج اتكلم معاه صدقيني انا عمري ما بعد اخويا عن مراته وعايزك تشيلي كل الأفكار الهبله دي من دماغك انا مستحيل احب غيرك يا نغم انا لحد دلوقت معرفش اي مصلحه صالح المنشاوي أنه يفرق نور وسليم بس كل اللي اعرفه انه كان بيربي سليم علشان اتحداه زمان وكمان كان رافض وجود نور ف حياتنا علشان هي مش من مستوانا وسليم اتحداه بجوازه منها من ورانا صدقيني انا لاخر لحظه مكنتش اعرف أن سليم ونور المقصودين باللي حصل ثم أمسك بيدها ليكمل بحزن : نغم ارجوكي متكونيش انتي والدنيا علياا انا محتاج وجودك في حياتي محتاجك تقويني زي زمان انا بجد من غيرك حاسس اني مش عارف اكمل حياتي سليم ساب مصر وجه علي ايطاليا من فضلك يا نغم اديلي فرصه تانيه اثبتلك اني مظلوم في اللي حصل
‏تساقطت دموعها كالسيول اتجاهد بالحديث من بين شهقاتها : مقدرتش اكدب فارس لما قالي انك بتحب نور وانت اللي عملت كل دا علشان تبعدها عن سليم حسيت أني بحلم حاولت اكدبه بس فارس عمره ما كدب علياا ازدادت شهقاته لتكمل ببطئ : قولي يا أسر أن كل دا محصلش وانك مش بتحب غيري
‏ضغط أسر علي يدها حتي يبث لها صدق كلامه : صدقيني انا محبتش ولا هحب غيرك نغم انتي من يوم ما سبتيني وجيتي علي باريس وانا عايش ومش عايش حسيت ان حياتي وقفت من يوم ما مشيتي
‏نغم بتصديق : مصدقاك بس سليم هيعمل اي لو عرف أن نور عايشه وان أغلبنا عارف ومخبيين عليه
‏تنهد أسر ليقول بضعف : مش عارف انا وسليم خلاص خسرنا بعض مبقاش بينا امل أننا نرجع زي زمان وكل دا بسبب صالح المنشاوي نفسي اعرف هو ليه بيعمل كدا ليه مش عايز يسبلنا الاختيار
‏نغم : كل حاجه هتتعرف فالوقت اللي هو محدده و بمزاجه وكلنا عارفين دا بس اللي يهمنا دلوقت هو سليم
‏اسر بأمل : ربنا يسترها ومخسرش اللي باقي بينا
‏وضعت نغم يدها علي يده لتقول بطيبه : متقلقش إن شاء الله خير هنلاقي حل
‏التفت لها أسر قائلا بفرحه : ايه انتي قولتي هنلاقي افهم من كدا انك سامحتيني
‏ابتسمت نغم ثم هزت رأسها بمعني نعم
‏أسر بفرحه شديده : يلهويي وحشني الورد الاحمر دا اوووي
‏ضحكت نغم بصوت عالي
‏وضع أسر يده علي قلبه قائلا : اااه قلبي الصغير لا يتحمل علشان تبقي تصدقيني لما اقولك انك هبله وبحالات
‏رفعت نغم حاجبها بإستنكار
‏ضحك أسر بشده : ههههههههههههههههه اهوووو شوفتي قلبتي عصبيه ف ثواني ازاي
‏لكمته نغم بخفه قائله : بطل رخامه يا أسر بقا
‏أسر : خلاص يا سيد متزعلش
‏غضبت نغم جدااا : أسررررر مفيش فايده فيك برضو
‏أسر وهو يضحك بشده :ههههههههههههههههههه خلاص يا سيد بقا متزعلش نفسك الله
‏لكمته نغم بكتفه لتقول : ولله العظيم همشي بقولك اهو
‏أسر محاولا كبت ضحكاته : خلاص خلاص سكت اهو ليصمت قليلا ثم : هههههههههههه خد بالك يا سيد انت مكبر الموضوع اووووي
‏نهضت نغم وتركته وكادت بالرحيل ولكنه أسرع ووقف أمامها وقال بغمزه : طب ولله العظيم وحشتيني ووحشتني عصبيتك دي
‏ابتسمت نغم بكسوف
‏فقال بصوت يكسوه الحنين والشوق : بحبك
‏نظرت له و سرحت بعسوليه عيناه لتقول : بحبك يا أسر
‏ابتسم أسر لها ثم جاءت نور و رحلوا أوصل نور إلي قصر صالح المنشاوي ثم عاد هو ونغم إلي فيلا فارس
‏هل سيقوي رابط حب أسر ونغم ام سيحطمه أحداً ما ؟ لنري ما المجهول ؟ ‏-------------------------
‏وصل أدهم إلي المشفي ليجد مراد وعز ينتظران بالخارج دلف إليهم أدهم وملامحه لا تنم بالخير أبدا أدهم بصوت كالجحيم : أيه اللي جاب أدم هنا يا مراد
‏مراد بهدوء : أدهم ممكن تهدأ علشان نعرف نتكلم أدم كويس دا جرح سطحي مفيش حاجه
‏أدهم بصوت كالرعد : رد علي سؤالي أيه اللي جاب أدم هنا
‏مراد : أدم اتجوز ميراج
‏أدهم بخبث : بقيت بتاخد قرارات من غيري يا مراد الفتره دي ومبقاش في أي وجود لياا المفروض اني اخوه يعني اكون اول واحد عنده علم باللي بيحصل دا
‏مراد بخبث : مش قادر اصدق ان أدهم المنشاوي معندوش تقرير كامل بكل تحركات أخوه وإلا مكنتش هتكون هنا دلوقت ولا أي
‏ابتسم أدهم لأن مراد هو أقرب الأشخاص إليه وهو أعلم شخص بما يدور برأسه
‏خرج الطبيب ليطمأنهم قائلا : اطمنوا هو كويس جرح بسيط أخد 7 غرز في رأسه ويقدر يمشي لو حابين
دلف أدهم إلي أدم وخلفه مراد وشكر عز الطبيب و لحق بهم
‏أدهم بضيق : انت كويس
‏أدم بألم في رأسه : ايوا الحمد لله بس انت عرفت ازاي ؟
‏مراد بتهكم : هو في حاجه بتخفي علي أدهم المنشاوي انت مش عارف قدرات اخوك المذهله ولا اي
‏نظر له أدهم بطرف عينه قائلا متجاهلا إياه : المهم انك كويس ولينا كلام تاني أما نتطمن عليك الدكتور بلغنا انك تقدر تمشي
‏عز محاولا تهدأت الأمور بينهم : لا يا دومي انت تجمد كدا علشان البنت دي شكلها كدا هطلع عين اهلك باللي عملته فيك انهاردة
‏رمقه أدم بنظره ناريه قائلا : عارف يا عز لولا اني مش قادر اتحرك لكنت ارتكبت فيك جنايه حالا
‏عز بإستفزاز : ولا تقدر تعمل حاجه اخرك تكسب مروان في ماتش بوكس دا اخرك
‏استفز أدم فكاد بالنهوض ليقاطعه مراد قائلا بعصبيه : انتوا مش هتبطلوا شغل العيال دا اكبروا شويه اخلص اسنده علشان نمشي
‏عز بصوت يكاد يكون مسموع : حسبي الله ونعم الوكيل في العيله اللي ماشيه تفتري علي خلق الله دي
‏مراد : هعديها بمزاجي المره دي اخلص
‏لكم عز أدم قائلا بصوت عالي : قوم اخلص خلينا نمشي
‏تألم أدم للكمته فقال له : اه اي انت هتعيش الدور بجد دول 7 غرز قوووووم
‏نظر لهم أدهم الذي ظل يتابع تصرفاتهم في صمت كعادته ثم تركهم وغادر
‏عادوا إلي القاهره ولكن أدم ابي أن يذهب معهم إلي القصر ف ذهب هو وعز إلي شقته الخاصه  وعاد مراد وادهم إلي القصر
‏----------------------
كان يوسف يجلس مع مليكه و مرام وسيلا
‏يوسف وهو يبتلع ريقه : عارفين لو اللي مخططتينه دا جه ف الدنجوان ولا الكينج انا هسلمكوا تسليم أهالي سوري يعني
‏ضحكت مليكه بشده : ههههههههههه طول عمرك جبان يا جو مراد و أدهم عندهم شغل كتير ومش هيجوا دلوقت هتيجي ف عز أو أدم
‏مرام بضحك شديد : أنا متخيله منظر عز اووووي وهو داخل كدا ياربييي ههههههههههههههه
‏ يوسف بقلق : اممم ربنا يستر دي غلطتي اني ماشي ورا شويه عيال
‏سيلا بتوتر : بقولكوا اي متيجوا نشيل البتاع دا
‏يوسف بملل : انتي عارفه انك اكتر واحده موتراني قومي يا بت انتي م هنا ثم قذفها بالمخده
‏ضحكت مرام ومليكه علي سيلا وهي تركض من يوسف وتختبئ وراء الكنبه
‏صدموا عند سماع سيارة مراد و أدهم تتوقف
‏ركضت مرام ومليكه
‏جحظت عين يوسف لرؤية مراد و أدهم يدخلان التفت حوله فلم يجد أحد
‏يوسف بربكه : كلااااااب .... ينهار اسود أدهم
‏استنااااااااا....
‏لم يكمل يوسف كلماته ليتعثر مراد بحبل ويسكب جردل به ألوان عليهم ويقعون أرضاً
‏ابتلع يوسف ريقه بصعوبه بالغه وقف مكانه لا يدري إلي اين يركض
‏نهض أدهم ومراد ونظراتهم لا تنم بالخير أبدا أدهم بصوت مرعب : هاته
‏كاد يوسف بالجري ولكنه لن يفلت من يدي الدنجوان والكينج وخاصه هذه المره امسكه مراد من ياقه قميصه ونظر له بلذه قائلا : تصدق بالله انت جاي فوقتك اهو نطلع عليك قرف اليوم تحب ناخده علي فين يا ادهم
‏أدهم وهو يحاول تنظيف ملابسه : هاته ع الاسطبل
‏جحظت عيني يوسف بشده قائلا بصوت مرتفع : ايييييه لا بقولك اي طلما فيها الاسطبل الفكره فكره مليكه و خطه مرام وتنفيذي انا و هما وسيلا اه معلش مانا م هتهان لوحدي معلش
‏مراد وهو يضيق عيناه : عارف يا يوسف لو سمعت صوتك هعمل فيك اي
‏ابتلع يوسف ريقه بصعوبه قائلا : اي ؟
‏جذبه مراد قائلا : تعال وانا هقولك
‏ثم غمز لأدهم و خرج هو ويوسف إلي الاسطبل
‏قذفت مليكه إلي الكنبه وهي تضحك بشده وخلفها مرام و سيلا : هههههههههههه انتوا متخيلين اللي هيحصل ف يوسف دلوقت
‏مرام بفضول : هموت واعرف هيحصله اي
‏سيلا بضحك : هههههههه دا أعترف علينا من اول قلم جبان هههههههه
‏خمس دقايق ويكون كل دا متنضف وكل واحده ف أوضتها
‏قالها أدهم وهو يقف خلفهم
‏صرخوا جميعاً رعباً من وجوده :
‏اعاااااااااااااااااااااااااااا
ثم ركضوا سريعا إلي أعلي وقف أدهم يبتسم علي دهائهم ثم اتجه إلي الاسطبل ليري ماذا سيفعل بذاك المغفل
________________________________
في شقه أدم فتح عز الباب وهو يسند أدم ودلفوا إلي الداخل وكان أدم رأسه تؤلمه بشده ثم جلس علي الاريكه بتعب وإرهاق شديد فقال له عز : عارف ان الفتره دي صعبه عليك بس انا فخور بيك جدا ع اللي عملته وانك متخلتش عن ميراج ثم أكمل بخبث : يظهر كدا أن الوحش وقع في مصيدة الحب
أدم وهو مغلق عيناه : عززززز انا مش فايقلك
عز بمكر : الله وانت متعصب ليه وبعدين دي مراتك يعني لازم تحبها
أدم بألم : ياريت هي بس اللي تحبني
عز بجديه : لازم تستحمل اللي حصل مهما كان كنت مظلوم م هين عليها دي بنت وبالنسبه للبنت المحترمه اللي زيها فقدانها شرفها يعني خلاص فقدت كل شئ مباقيش حاجه تاني تعيشلها و انا متاكد أن مشاعرك اتحركت ليها يا أدم والبنت دي هي اللي هتغير كل حياتك صدقني
تنهد أدم بألم : ربنا يقدم اللي فيه الخير انا هقوم انام بقالي كتير منمتش
عز برخامه : طب انا جعان عندك اكل ولا انام خفيف
أدم بتأفف : الاكل ف التلاجه تصبح علي خير
عز : وانت من اهله ثم دلف إلي المطبخ وفتح الثلاجه فلم يجد بها شئ جحظت عيناه قائلا : هي دي التلاجه اللي فيها اكل يامعفن
ثم اغلقها وذهب إلي غرفته قائلا بعصبيه : انت يا زفت
أدم بملل : اممممم
عز بعصييه زائده : انا جعان هي دي التلاجه اللي فيها اكل يا معفن
أدم بلامبالاه : اطلب اكل يا عز وريحني
عز بزهق : انت بني ادم بارد تصدق بالله تستاهل اللي بيحصلك
قذفه أدم بإحدي الخداديات قائلا : اطلع برا يا عز انا مش فايقلك
قذفه عز بالمخده هو الآخر : افوقلك بس يا أدم وهتشوف هعمل فيك اي
ثم تركه وهبد باب الغرفه بشده وخرج
أدم بنوم : حيوااان
ثم ذهب في نوم عميق
-----------------------&&
في الاسطبل كان يجلس مراد واضعا قداماً فوق الأخري بكبريائه المعتاد
ويوسف يجلس أمامه علي الكرسي المقابل ولكنه مكبل الأيدي ومربط بالكرسي بشده
مراد بهدوء : تحب اعمل معاك اي ولا اقولك انا هسيبك لادم علشان مش فايقلك هو هيروقك
يوسف بتوتر : اسهتدي بالله بس كدا بص اعمل اللي انت عايزه بس بلاش أدهم دا أيده طارشه وغبي فالضرب وانا واحد صحتي علي قدي ولسه مدخلتش دنيا ياجدع
نظر له مراد بغموض قائلا : دا أدهم
يوسف بإندماج في الحديث : اه ولله يبني تحس أنه عامل زي جون سينا جون سينا دا اي دا عامل زي تربل اتش بغباءه انا مش عارف اللي هتجوزه دي هتعيش معاه ازاي
مراد بخبث : أدهم
يوسف بزهق : اه يا عم أدهم انت ليه محسسني اني بتكلم ثم اخفض صوته بتكلم ......... هوااااااا
ثم ابتلع ريقه بصعوبه ..... هواااااا
ثم أشار له مراد برأسه بمعني نعم
يوسف ممثلا البكاء : اه يا عيله مفيهاش حد جدع
لكمه أدهم لكمه اسقطته أرضا فظل يصرخ بشده
يوسف بألم : اه ياني يا عضم جسمي اللي هيتكسر ياني 
حرره مراد من الحبال المكبل بها ثم ساعده علي النهوض ثم نظر لمراد وهو يحاول فتح عيناه : طول عمري بقول عليك اصيل
لكمه مراد فاصطدم بأدهم الذي نظر له بغضب شديد فأمسكه من عنقه ورفعه بيد واحده علي الحائط
يوسف بصراخ : يلهوووووي همووت كحكحكح إلحقني يا مراد ..... ااااه الله يخربيتك إلحقني هيموتني
اقترب مراد من أدهم وهو يحاول كبت ضحكاته : خلاص يا أدهم سيبه عرف غلطه خلاص
أدهم بغضب : لازم اربيه علشان يعرف يتعامل بعد كدا مع أدهم المنشاوي
يوسف وهو يحاول إلتقاط أنفاسه : وربنا مانا عايز اتعامل معاك ولا مع عيلتك كلها كحكحكحكح بس سيبني الله يخربيتك يا مراد انت سايبه يموتني
مراد بهدوء : خلاص يا أدهم في عقاب احسن من كدا
يوسف بنفاذ صبر : اخلص قول انت هتستني اما يموتني انا موافق اااااااه سيبني يبني
أدهم وهو يضيق عيناه : امممممم
مراد وهو يبتسم بخبث : يغسل العربيه
يوسف بصراخ : ااييييييه مستحيل انت اتجننت
أعطاه مراد ظهره وكاد بالرحيل قائلا : خلاص براحتك هسبهولك انا بقا يا دنجوان
يوسف بصراخ شديد : خلاص خلاااااص ااااااه هغسلها
تركه أدهم فظل يلتقط أنفاسه ويكح بصعوبه
مراد بتفكير : اممممم وعربيتي انا كمان
صرخ يوسف قائلا : لااااااا انت زودتها اوووي هي عربيه واحده بس
مراد بخبث : ارفعه تاني يا أدهم
كاد أدهم بمسكه من عنقه ولكنه أسرع بالقول : خلاااااص هغسلهم وامري الله وحسبي الله ونعم الوكيل فيكوا وفي المنشاويه كلهم انا كان مالي ومال العيله دي بس
رمقه أدهم بنظرناريه وتركه وغادر
مراد بسخريه : متبقاش تمشي ورا كلام العيال علشان البرستيج وقع خالص ثم تركه وغادر
يوسف بغيظ : برستيج هو أنتوا خليتوا فيها برستيج دا انتوا ضيعتوني خالص
ثم نهض ليعدل ملابسه ويتوعد لمليكه وسيلا و مرام بالهلاك
_________________________________
دلف إلي غرفته والقي بنفسه علي الفراش بإهمال وظل يفكر بها فأصبح يشتاق لها أكثر من السابق ثم جذب حاسوبه ليتصل بها فتح الكاميرا حتي يراها فأجابته ففرح جدا لانه سيراها ولكنه صدم عندما وجد نغم هي التي تجيبه
نغم بفرحه : مروان ازيك وحشتني اوووي
مروان ببسمه يصاحبها ألم شديد : كويس الحمد لله انتي عامله اي وحشتوني يا نغم
نغم : انا الحمد لله كويسه وكلنا كويسين ثم نظرت له بإستغراب قائله : مالك يا مروان انت كويس !؟
مروان محاولاً التهرب من حديثها : هااا اااه اه انا تمام المهم فارس و حبيبه عاملين اي
نغم بتفهم : تمام ... اي مش ناوي تيجي باريس
مروان بسخريه : بااااريس انتي عايزه فارس اخوكي يقتلني
لاحظت نغم دخول فارس فأسرعت بالكلام قائله : طب سلام دلوقت يا مروان
مروان وهو يرفع حاجبه بعدم فهم : في اي انتي ملبوسه ولا اي
نغم بتوتر : فارس جاي يخربيتك فااارس ثم اغلقت الحاسوب بسرعه ووضعته علي المكتب ثم جلست علي فراشها

#_اسفه جدا علي التآخير بس دا لظروف خاصه
وبجد محتاجه دعمكوا اووووي علشان اكمل و في حاجه حلوه اوووي قريب
‏

‏
‏