حطام الحياة

part 1

عباس: دفرت الباب وفتت وشفت اختي بهل منضر واكعه والدم تارس وجهه شطت من العصبيه بعد ماشفت كدامي جريته ودك بوكسيات على وجهه ورمت وجهه وهوه يدفع بيه بس ميكدرلي اني اطول منه واضخم وهوه جواي اختي ادك وتلطم اجتي تفاككنه جان اجاهه بوكسي منه واني نزلت علي بالزايد وهو انغمى علي جواي عطت بيهه بأعلى صوتي حته تروح تبدل لبست واخذتهه هيه وجهالهه لبيتنه

.............................................
((بعد مرورر ساعه))

كامل: صحيت واحس وجهي متخدر منكد الضرب اني الك يعباس تمد ايدك عليه بنص بيتي بسيطه اذا مااشردكم بليله ضلمه اتصلت على الولد......

كامل: اكلك حضر الولد وراح نهد على عباس افتهمت

.......: يا عباس ولك بسلا اخو مرتك

كامل: اي قابل شعدنه غيره

......: تحجي صدك انت

كامل: من اكلك حضر الولد لا تضل تلغي زايد حضرهم وانجب

........: تأمر ساعه ويمك همه

((في مكانن اخررر))

بدريه: يمه يمه ولك ليش هيج سويت مو تدري بيهم مخابيل وانتِ شبيج يلمسودنه شلون دكين على اخوج مو تدرين برجلج شيطان

عباس: يمه عاد كافي شيسوي قابل هلجبان وشتريديني اسكت من اسمع اختي يمد ايده عليه وانتِ انسام عفيه عليج وزين سويتي اتصلتي عليه

إنسام: امي موتني كتل شسوي غير تخبلت حرت عليمن اتصل اتصلت على اخويه يا يمه تريدينه يموتني

عباس: حته ادفنه خاف هسه سكتتله هلكلب يموتج مو تايهتله عندج اب واخوان يسدون عين الشمس

بدريه: يمه بنيتي يكسر ايده ان اشاء الله شلون مورم وجهه

عباس: ابوي سجاد رضا وينهم

بدريه: ابوك بالمعمل سجاد يم اخوك جاسم عدهم شغيله ورضا بالفرن يشتغل

عباس: وكتهم يفرغون البيت.... شويه واندك الباب بقوه واني طفرت

بدريه: يمه لا تفتح الباب يمه تعال ولك تعال

عباس: ركضت فتحت الباب واول مافتحته شفت واحد شايل سلاح وبعدني محاجي وجان يضربني وبعد محسيت بشي

بدريه: ولككككككك وليددددددددددي ولك يمههههههههههههههه اكعد لا تروح ولك ياشمعه عيني ولك ياضواهه ولك ياروحي اكعد كتلك لا تفتح الباب الله لاينطيككككككككم ياااااااااااااايمه يا عبااااااااااس ولك عبااااااااااااااس ولج نسيم خابري ابوج وخوانج يجووووون يشوفون اخوج ولك لا تروح مني ولك حبيب كلبي (اصيح واحاطه راسه بحضني ضاربي بطنه)

نور مرت عباس: جنت كاعده فوك بيتي فوك عازله سمعت طلقه وعياط بالكراج باوعت من الدرج جان اشوف حبيبي وروحي بالكاع واني نزلت اركض وبناتي سجى ودينا ونرجس وراي واختهم دعاء الجبيره بقت فوك منزلت نزلت ودكيت ولطمت ملخت خدودي واصيح..... ولك عمرررررررررررري ولك عباس ولك ابو جهالي

إنسام: ركضت خابرت ابويه وسولفتله وهوه تخبل وسده بوجهي المعمل مالته براس الفرع قريب علينه ركضت واحس كوله بسببي لو ميته اني ولا يروح اخويه ضحيت غبائي واختياري الطايح حظه وطبعا بدو يضربون طلق عل بيتنه واحنه نتراكض منا ومناك وامي ولا هدت عباس نور خابرت ابوهه ابوهه لواء وسولفتله هوه كال هسه جاي ابويه مااجه ياستار وين راح احنه تخبلنه لا من نكدر نطب البيت كوله كزاز وضلينه مدنكين ونصارخ

محمد: سديته من إنسام وركضت للبيت واني دا اركض وشفتهم كومه متجمعين عل بيتنه ويرمون طلق وعيوني صارت براسي ركضت وعطت بيهم اندار واحد عليه وضربني طلقه واتصوبت برجلي اريد اتحرك بعد ماكدرت شلت تلفوني وخابرت عل سجاد وبالكوه احجي

سجاد: ياااابه جاي اني

جاسم: ها ولك سجاد شبيك

سجاد: هدو على بيتنه امشي مو وكته ابوي متصاوب بالطريق امشيييييييي يلااااااااااااا

جاسم: شنوووووووووو امشششششي

سجاد: بسرعه طلعنه وصعدنه بالسياره وسويت الطريق خطوتين على السرعه بنص الفرع مالتنه شفت ابوي متمدد بدمه ركض علي وشلته وديته المستشفى القريب علينه جاسم اخوي الجبير راح يركض على بيتنه

جاسم: وصلت للبيت مشفت احد وشفت دم بالكاع واني تخبلت اتصلت على إنسام

إنسام: جاسم اجه ابو نور وطلعنه وذوله الجلاب من شافو الجنود انهزمو شالو عباس للمستشفى وتصلت نور على ابوه كال الحمدلله عايش بس حاليا بغرفه العمليات واني وامي بيت اختي جهان ونور وجهالهه بيت اهلهه

جاسم: بيا مستشفى عباس

إنسام: بستشفى.... القريبه علينه

جاسم: رايح اني
.....................
كامل؛ ها بشر شصار

.........: افرح

كامل؛: هسه غير يحجي

........: كتلنالك عباس وابوه شتريد بعد

كامل؛: شنو شتحجي انت شنو قتلتو ولك بسلا صدك ماتتت ولك احجي اذا ماتو ادفنكم واحد واحد فهمتوووووووو

..........: عباس يمكن مات الطلقه اجتي بطنه وابوه ماعرف وين اجتي الطلقه دنيا ليل مشفنه

كامل: من الله لاينطيكم ولا يهنيكم ارجعوووووو ارجعووووووو

..........: سدا بوجهي ردت ارجع وكتلهم ارجعو كافي بس اجتي فكره حلوه انتضرت من بعيد شفت الشرطه اطلع بالنسوان واني فرحت محد بقه بالبيت افوت اسرقه واحركه واطلع

.....................................................

بقلمي انا....(دعاء السراي)

حسابي انستا.. Nmnmr2027