رجع اشتغل لضوه بالغرفـة .. باوعت ع تليفوني بصفي ع الكومدي والضوه مالته معلوك
شلون ياربي واني قبل شويه ادور عليـه شلون اجه اهنا وفوكاه ضواه معلوك
وخرت الغطه مني .. كمت ع كيفي بحيث امشي ع اطراف اصابيعي .. وصلت للباب فتحته ضليت واكفه اباوع بالممر كلشي ماكو هدوء
توجهت الغرفـة شيماء .. خليت أذني ع الباب مالته بس ماكو صوت... فتحت الباب ودخلت علكت الضوه
شفته نايمـه .. سديت الباب ورحت للمطبخشربت مي ورجعت للغرفـة .. بس الغريب مروه ماكو مالـه حس او اني شعليـه طبه مرض
باوعت الساعـه بـ ٨ المغرب بس شبسرعـه
كعدت ع الچربايـه .. داكلب بالتليفون .. دك الدلال استغربت:- الـوو
:- هلا
:- اكلج بخصوص الشغل
:- اي كول
:- لكيتلج
:- اكو مطعم يريد موظفـة
:- باليوم شكد؟
:- خمسين الف واذا ضليتي شفت اضافي يزيدوج خمسه وعشرين
:- ماشي باجر اجيك
:- تمام
سديته .. كلش زين يعني باليوم خمسه وسبعين اذا بقيت شفت اضافي هل خمسه وسبعين تعيشنـه ملوك .. بس اني كلتله المروه بعد مالي دخل بيهم فـ الخمسه وسبعين تعيشني ملكـة
........
أشهب :: كاعد اكلب بالاوراق مال هذا الكلب .. المتاجرة بالاعضاء صار شي كلش عادي
يعني اذا باع كليـة وحده يحصل بـ ٤٨ مليون عراقي .. انكول يقسمـه بينه وبين عصابته توكعلـه اقل شي ٢٠ مليون لان هوه صاحب العصابـه
معناه راح يعيش حياته كلـه بترافـه يعيش مو بس ملك لا امير ع هل حالـه
وبالاخص اذا چانت كليـة اطفال راح يكون سعرهـا اعلى يعني اغلى لان بعده جديدة
حسن : لك عيني شنو هل فندق اذا بكل مره نكعد بهيج فندق خل كل يوم ننزل واجب
عمر : لك فدشي باع السبلت باع البرد باع الاسلام
حسن : عمي كل يوم جيبونه واجب اعيش اهنا ولا اعيش يم امي
عمر : انتَ حتعجز وبعدك ممزوج
حسن : اهنا ماكدر اجادلك لان فعلاً راح اعجز
أشهب : راح يعنس والحسين
حسن : ديلا هوه انتَ اكبر مني انتَ حشيب خو
أشهب : حتلو ظهري قوي
حسن : هم صح
اندارينه ع عمر بعدما اتنهد .. جر حسره وحچه :
عمر : حاسين بالخساره ؟ اني ما حاس بيه بس يم ريم
راح اخسره واخسر حياتي وياها
YOU ARE READING
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
part 11
Start from the beginning