တတိယလူအဖြစ်ကူးပြောင်းခြင်း

Arc 3.6

တကယ်တော့ အများစုသည် သည်လူသစ်က သမ္မတရူ အနားနေရပြီး သမ္မတရူ၏ ကားထဲမှာတောင် ထိုင်နေနိုင်တာကြောင့် မနာလိုဖြစ်ကြတာဖြစ်ပြီး၊ အနည်းဆုံး ဒုသမ္မတပိကတော့ အရမ်းတော်သော ကုစားသူ တစ်ယောက်ဖြစ်ပြီး သမ္မတရူရဲ့ ကျန်းမာရေးကို ကောင်းကောင်း ဂရုစိုက်ပေးနိုင်သည်။ အသုံးမဝင်သော လင်းခိုင်နှင့် မတူပေ။

လင်းခိုင်သည် သူ့ကို ဆဲဆိုနေသည့်လူတွေကို ရယ်နေသည်။ သူ သိပ်ဂရုမစိုက်ပေမယ့် သူတို့က ရူလန်ကို ဘုရားသခင်လိုမျိုး ကိုးကွယ်နေတာက သူ့ကို ရယ်မောစေသည်။

"ခင်များ အရမ်းနာမည်ကြီးတာပဲ။ သန်မာတယ်၊ ချောမောတယ်၊ ချမ်းသာတယ်၊ ဒါပေမယ့် ခင်များဘဝမှာ အချစ်ရေးနဲ့ ပတ်သက်ပြီး တစ်ယောက်ယောက်ရှိပုံ မထင်ရဘူး။ သည် ကျေးဇူးတင်စရာမကောင်းတဲ့ အလုပ်ကို ခင်များက တော်တော်ဖက်တွယ်နေတာပဲ" လင်းခိုင်သည် ယူယွီကို ထပ်မံဝေဖန်လိုက်သည်။ သူသည် သမ္မတရူရဲ့ မေးစေ့ကို ကိုင်ပြီး ပြောလိုက်သည်။ "ခင်များရဲ့ ဒုသမ္မတ ပိဟယ်နဲ့ ကြိုက်နေတာလား"

"ပေါက်ကရ!"

[ ငါလည်း ကြိုက်ချင်တော့ပေါ့ လင်းခိုင်ရေ။ ပိကို နမ်းလည်း နမ်းချင်တာပေါ့ ။ ဒါပေမယ့် ဒီခန္တာကိုယ်က အသက်သုံးဆယ် ဘုန်းကြီးတစ်ပါးရဲ့ ခန္ဓာကိုယ်ဖြစ်နေတော့ အဓိပ္ပာယ်ကို မရှိဘူး ]

[ ပျူပါ : မင်းလည်း မင်းကမ္ဘာမှာ ဆယ့်ကိုးနှစ်ရှိနေပြီ။ နောက်ထပ် ဆယ့်တစ်နှစ်သာဆို မင်းလည်း ဘုန်းကြီးဖြစ်တော့မှာပဲ ]

[ဟေး! ငါ့ကမ္ဘာမှာ အသက်သုံးဆယ်မတိုင်ခင် သေချာပေါက် ငါ့ရဲ့ လူပျိုဘဝကို ဆုံးရှုံးစေရမယ်! ]

[ပျူပါ : ဘယ်သူနဲ့လဲ?]

[ဟန်__ဟန်ယဲ့နဲ့...]

[ ပျူပါ : Pfffft...]

"Ah? ခင်များ ဒုသမ္မတနဲ့ ကြိုက်မနေဘူးလား။ ဆိုးလိုက်တာ၊ အဲ့ဒါနဲ့ ခင်များကို ခြိမ်းခြောက်လို့ ရတာကို~" လင်းခိုင်သည် သက်ပြင်းချလိုက်ပြီး ခေါင်းကုတ်ကာ အရင်လိုမျိုး ခြေထောက်ကို ယာဉ်မောင်းပခုံးပေါ် တင်လိုက်သည်။ ထို့နောက် မျက်လုံးမှိတ်ပြီး အိပ်ပျော်သွားပုံရသည်။