[Zawgyi]
ကားဂိတ်တစ်နေရာတွင်ဖြစ်သည်။
မနက်၈နာရီထိုးဖို့ရာ တစ်ဆယ့်ငါးမိနစ်သာလိုတော့တာကြောင့်ကားစပါယ်ယာ၏ ကားပေါ်တတ်ကြရန်ဆော်သြနေသည့်အသံက ဆူညံစွာထွက်ပေါ်လာ၏။
ဆောင်းရာသီ၏နံနက်ခင်းပိုင်းသည် ထင်သလောက်ကြီးအေးမနေဘူးဟုထင်သည်။စိတ်ခံစားချက်ကောင်းနေတာကြောင့်လည်းဖြစ်မည်။ကျောပိုးအိတ်ကအစွန်းထွက်နေတဲ့ကြိုးစကို လက်နှစ်ဖက်နဲ့ ခပ်တင်းတင်းကိုင်ထားပြီး ကားဘေးမှာရပ်နေတဲ့ လူတွေစီအကြည့်ဝေ့ပြီးရှာနေမိသည်။
ခြေလှမ်းတွေကလဲတတ်ကြွနေပြီး တိမ်တွေပေါ်မှာလျှောက်နေရသလိုကိုဟုထင်မိနေသည်။ပျားပန်းခတ်တမျှ လှုတ်ရှားနေကြတဲ့လူတွေအထဲမှာမှ လက်လှမ်းပြနေသည့်အကို့ဆီသို့တန်းတန်းမက်မက်ပြေးသွားလိုက်တော့၏။
"ရောက်နေတာ ကြာပြီလား အကို.."
ဖလန်ထည်အကျိင်္ီအပြာကွက်လက်ရှည်နှင့်ဂျင်းဘောင်းဘီရှည်တစ်ထည်သာဝတ်ဆင်ထားသည့် အဲ့ဒီလူက ငါ့ကိုတွေ့တော့ ပြုံးပြပြီး လက်ကိုလာဆွဲသည်။ခပ်ကြီးကြီးလက်ဖဝါးကြမ်းကြီးတွေထဲမှာ သေးသွယ်နေတဲ့ငါ့လက်ကလေးက စုန်းစုန်းမြုတ်သွားတာကို ကြည့်ပြီးဟိကနဲရီလိုက်မိတယ်။
"မကြာသေးဘူး အရူးမလေးရဲ့.."
အကိုရဲ့ ကျန်တဲ့လက်တစ်ဖက်က ငါ့ခေါင်းပေါ်ဖွဖွကလေးရောက်လာတယ်၊ ပြီးတော့ ဖြေးဖြေးလေးပုတ်ပေးပြီး ဆံပင်တွေကို အနည်းငယ် ပွရှုတ်အောင်လုပ်ပစ်လိုက်တယ်။
"အာ...ဆံပင်တွေပွကုန်ပြီ"
ငါနှုတ်ခမ်းဆူသွားတာတောင်အကိုက အပြုံးမပျက်သေးဘူး။ဟုတ်သားပဲ ငါအခု အကို့နောက်ကို ခိုးရာလိုက်တော့မှာလေ။
"မင်းသမီးလေးက အကို့နောက်ကိုလိုက်ပြီးပင်ပမ်းမှာကိုမကြောက်ဘူးလား..."
အကို့မျက်နှာ ခပ်နွမ်းနွမ်းရယ်၊ ငါ့ကိုအားနာနေပုံရသည်။ငါ့လက်တွေကိုဆုတ်ကိုင်ထားတဲ့အကို့လက်ဖဝါးတွေကတော့ အခုချိန်ထိနွေးနေတုန်းပဲ။ငါတို့တွဲထားတဲ့လက်တွေကိုအကိုမြင်အောင်မြှောက်ပြလိုက်တယ်။
"ဟင့်အင်း...ငါမကြောက်ပါဘူး၊ အခု မင်းသမီးလေးက နေ ဘုရင်မဖြစ်တော့မှာလို့ ခံစားနေရတယ် ."
