عشك الغضب

٤

جمانه : اباوع عله اختي شلون مقهوره وعيونهة مدمعه بس تكابر حته متبجي اني اعرف كل الي مرت بي وعاذرتهة عله الي سوو بيهة اني لي هسه اذكر جنه كلما نسافر للعراق هيه ضل بيت جدهة اهل امهة بالمانيه ما اذكر فد يوم احد سألنه عليهة او ذكرهة بكلمه بس نوبات جدتي ام صكر تسألني عنهة هسه فجأه يريدون يشوفوهة غريبه

ملكوت:ثاني يوم كعدت صبح سبحت وبدلت اني صحيح سافره بس لبسي مستر نزلت لكيتهم كاعدين صبحت عليهم تريكنه ورحنه للمطار

الشيخ:يالله يولد اخوكم عله وصول كومو جيبو ذبايح

الولد :امرك يشيخ

غضب :شنو عمي علي رح يجي

شيخ :اي يبوي خابرني البارحا وكال حيجي هوه وعيلته

الجده :شنو وهاي المصكوعه اكيد محتجي والله اريد اشوفنهة

الجد :لا حتجي هوه كلي حيجي هوه وبنواته

غضب:قصدج منو يشيخه

الجده:يول مليكه بت الالمانيه

ام صكر : يا حتجي (وعوجت حلكهة معاجبهة )

الجده :وشبيج تعوجين بحلكج اخاف معاجبج يزركه

ام صكر :لا عاجبني ليش حته ميعجبني بس اني اكول هيه عايشه بلخارج واكيد اطباعة مثل امهة واني اخاف عله البنوات لا تفسدهن

الجده:خايبه ليش ما تاكليلج تبن انتي شفتيهة للفرخه بعد ما جتي وحديتي سنونج عليه وبعدين خايفه عل بنوات منهة وج اني خايفه عليهة من بناتج وحدتهن تكول جنهة دبه غاز اني اخاف من تجي ياكلنه ويشربنهة

ام صكر :يا عمه هسه بناتي ياكلنه الله وكيلج هسه تطلع جلحا ملحا

الجده:😏 شوف منو اليحجي هاي ونتي زركه شحال لو بيضه مثل هل نساوين جا سويتي

الكل كام يضحك عله مناكرتهن الجده محد يلحكهة بلسان

غضب : ملكوت جده اسمهة ملكوت اي ذكرتهة ام دميعه

الجده : اي جانت لابده يمك ٢٤ ساعه

اسراء:اي جده وشلون شكلهة هايه(بغيره)

الجده :والله هيه المصكوعه اذكر حليوه شعره احمر غجري وحنطيه عله بياض وعيونه امكن خضر

غضب :لا جده عيونه زرك مثل لون البحر

مهاب : يا بويه هسه تطلع اله بشده صراحه صار عندي فضول اشوفهة

غضب :ليش ما تنجب يول عود ما وصيك قرب يمة وشوف

مهاب :شنو غرت تره مرتك موجوده لا اليوم متفوتك للغرفه

غضب :تره والله اكوم اجنزك يول ليش اني ما اعرف سوالفك تصجم بنات ناس

مهاب : والله يا ابو سليمان جاي تضلمني اني ماكو أفقر مني

غضب :اي هاي حطهة بصف صباح الخير اني بعد حذرتك بعد بكيفك

مهاب :خلص عمي ما نجي يمهة

بين هل جمعة العائليه اكو ناس فرحت وناس ضاجت بجيتهة خصوصا اسراء يلي ضلت تفكر انو ممكن يعجب بيهة غضب هوه لحد الان مذكرهة وخصوصا انو هيه متخلف وهذه سبب الهة الخوف انو يجي يوم ويزوج عليهة

يتبع