كملت وشفت تفسي ما نعسانة عاد كلت هي كعدت
كعدت خلجرها فرد جرة دخلت سبحت وخليت
مكياج خفيف الحمدلله ؏ اختراع المكياج وله بدون
وجهي ماينطلع بيه بس يله ذويب وراضي شڪِۅ بعد
لفيت شالي ونزلت لكيت نص العائلة الكريمة
كاعدين والباقي نايمين
ـ عمة تريك ذياب لو بعده
ام ذياب ... لا يمة بعده سوي ريوك الج ولذياب
وروحي تريكي وياه
ـ صار عمة
دخلت سويت ريوك ملكي بعد وتين وصعد عدها
الواهس تبدع ماخليت شي ماخليته بصينيه
ورحت فتحت باب الديوان لكيته كاعد يباوع بموبايله
ـ صباح الخير
باوعلي وابتسم
... صباحي عيونج الحلوة
ابتسمت بخجل ورحت خليت الصينية كباله وكعدت
ذياب ... هاي صـَدڪہٰ خدودج نكلبن حمر من الخجل
لو مخليه صبغ
باوعتله مستغربة
ـ صبغيش
ذياب ... مكياج هذا اليسوي الخدود حمر
ـ شوف هوَ صراحة مخليه من هذا التكول عليه
بس ترا اني هم اخجل يعني نص منا ونص منا
ضحك بس مارد كعدنا ناكل
ـ ذياب
ذياب ... ها بويـه
ـ صـَدڪہٰ غيرت اسمي ؏ واتساب لو لا ؟
ذياب ... اغيره ليشۂ؟
ـ انتِ شجنت مسميني؟
ذياب ... ابو التون
ـ اي مو اني واحد من جماعتك وكاتب ؏ رقمي هيج
اباوعله كام يضحك بصوت
... چَا شترديني شكتب عليه
ـ مو طلعت تحبني اكتب ؏ رقمي פَـبيبتـʊ̤ مرتي
ذياب ... لا شتكولين اكتب عليه ام فريخاتي
باوعتله معصبه وهوَ خربان ضحك فتح
موبايله وانطانياه دخلت للواتساب شفته كاتب
؏ رقمي " سباحت ڪلبـي " الابتسامة شكت حلكي
من قريت الاسم باوعتله وسئلته
ـ من ليمته هيج مسميني
ذياب ... ماذكر بضبط ليمته بس من زمان ولا تهتمين
لهاي سوالف تروح وتجي بس اهتمي للكلب المختارلج
اسم محد يوصلة
من سمعت كلامة الفرحه دخلت لكلبي ودعيت
ڪلبـي يديمة ويديم حُبه
ـ ﺂحـٰبڪہ ذيابي
باوعلي بنظرة تجنن وكال
... يروحلج فدوهہ ذيابج
ابتسمتله ردلي الابتسامة وكملنا ريوك وطلعت
عنه لان اجوله ناس ..
مر اليوم طبيعي لحد الليل دخلنا يم ذياب كلنا
بعد ماراحو الخطار الجانو موجودين
بيبي ... شلونك اليوم يمه ان شاء الله زين
أنت تقرأ
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
part53
ابدأ من البداية
