غسـق اللـيل

BART 30

-: أسلمت بشفايفج
باعي أسلمت اعترف انا بوجود الله مو ملحد جنت احجي هيج بس لأن ما عندي حياة
واعرف اخرتي وين بس من لتقيت بيج احس توني اجيت للدنيا

كلامج امس صحاني على هواي اشياء باعي ثمرتي سنديني ساعديني ارجع للطريق الصح
وعد رجال اذا رجعت انسان طبيعي وما بيه شي اطلكج تمام..

- تطلكني؟؟

-: ايي اي وداعت شهيد كربلاء اطلكج وخليج تعيشين حياتج بحريه
بس ساعديني ارجع شايار وخلص من الشبح انتِ الوحيده التكدرين..

- بس بس اني ماكدر شلون شسوي؟؟

-: تكدرين انتِ عدج مفتاح حياتي ومفتاح موتي عروستي بداعت كل غالي عليج
وافقي..

عصرت راسي افكر بقيت فتره لحد ما اخذت قراري كمت فتحت الباب
وخر ضهره يباوع بعيوني عيونه بيهن دموع وجهه احمر..

هزيت راسي وحجيت

- موافقه شهر واحد بس شهر اذا ما رجعت شايار وتبقى على اسلوبك وضربك
وداعت أمامي اكتل روحي وخلص من كلشي تمام؟؟؟

ابتسم هاز راسه ستقام من مكانه حضني وحجه

-: احبج والله احبج
وراح ابقى احبج للموت ثمرتي انتِ شي غريب صار بحياتي
ماعرف شلون احجيلج عن مشاعري بس الشي الأعرفه هوه ما جنت مخطط

ولا حتى مفكر بيوم من الأيام احب هيج انتِ ماخذه كل تفكيري وانا بشغل افكر بيج
وأنتِ يمي افكر بيج تخيلي وأنتِ يمي اشتاكلج مادري ليش الله كتب هيج يصير ويانه بس انا متأكد اكو حكمه من هذا الموضوع..

هزيت راسي بأي ماكدر احجي ولا حتى ارد على كلامه وخر مني مسح دموعه
اول مره اشوفه بهل طريقه حزين ضعيف يتأسف ويحجي كلام عمري كله ما فكرت
يجي يوم وسمعه منه.

-: كافي نوم تعاي اشربي دواج شوفي شلون وجهج شاحب وحتى صوتج
مشخط تعاي اسويلج شراب يرجع صوتج طبيعي...

هزيت راسي لزم ايدي نزلنه الدرج دخل للمطبح سحب كرسي كعدني وحجه

-: باعي راح اسويلج شراب للبلاعيم نسيت اسمه بس مو مهم اهم شي يخلي
صوتج طبيعي وبلاعيمج ما يوجعنج ماشي انتِ بس رتاحي..

- اوك

ابتسم راح للكاونتر ماعرف شنو طلع اعشاب مدري شنو بقيت صافنه
يا تره الكلام الحجيته انا كده راح اكدر اعالجه اكيد لا.