كامن البنات نظفن البيت بس اني وغرير بقينا
كاعدين لان غرير حامل ومتكدر واني ماعرف ٱسوي
شي لان ڪُل بالي يم ذياب
ضلينا منتظرين شخص يجي ويكوللنا شنو وضعه
بس ماكو لحد ما تأخر الوقت واجو عمامي وجدو
وغياث بس الباقين بقو يمه
اشرلي بابا آروحـح يمه رحت كعدت يمه
حظني وباسني براسي وكال
... لا تخافين بابا ذياب زين وان شاء الله باجر يطلع
هزيت راسي وسكتت شوي وصعدت لغرفتي
وقميصة بأيدي ﭑبـد ماعفته حظنته ونمت لان
جنت تعبانه ڪـلش من البارحة منايمه ..
كعدت ثاني يوم من الصبح بنشاط اليوم يطلع
ذيابي من المستشفئ حسب ما كال بابا دخلت
سبحت وبدلت ونزلت لكيت الاغلب كاعدين
صبحت عليهم وسئلت غرير
ـ ما سمعتي ليمته يطلعو من المستشفئ
غرير ... كالو قبل الغداء وبعد ما ادري
ـ خير ان شاء الله
ضليت اباوع لساعة واذني يم الباب افتر ويه
البنات بس بالي ابد مو يمهن لحد ماسئلني
تيجان ... وتين شبيج متوترة
ـ مادري ولله مادري
تيجان ... يمعودة هـسهہ شوي ويجون شبيج
ـ ولج ڪلبـي طك من الانتظار ليمته يجون
خلال حديثنا وسمعناهم صاحو اجو
حسيت ڪلبـي فز باوعنا من شباك نزل وذبحو
كدامه ذبيحة فديه لسلامته ..
ركضنا وكفنا بلصالة مقابيل الباب منكدر نطلع
لان اكو زلم غرب لحد مادخل وصگر وباقر ساندينه
والباقي دخلو وراه
مجرد ماشفت وجهه شلون صاير والكدمات الزرك
المشوههه ملامحة نزلو دموعي خليت ايدي ؏ حلكي
اكتم شهكاتي بس دموعي ينزلون بهدوء تخيلت لو بعد
ماشوف هلطول ولا اصبح بهلوجهه بكلشي راضية المهم هو بخير ..
تقربت امه وبيبي حظننه ويبچن باسهن وسكتهن
وانوب سلمن عليه البنات وعماتي بقيت بس اني
صارو يباوعولي من انتبهولي ابچي
صاح عمو ابو الاكبر
... شبيج ياعمو شوفي كلشي مابيھہ
بابا ... روحِـʊ̤ سلمي عليه بابا
ماتحركت ضليت بس اباوعله وابچي اجت عيني
بعينه ماعرفت افسر نظرته زعل ، شوق ، حب
جدو ... بويه ذياب صيحلها انتَ ماتسمع منه
باوع لجدو ورجع باوعلي سحب ايده من صگر
ومدها الي وحرك اصابعه بمعنئ تعالي تقربت
بخطوات بطيئه والشهكة متروح مني لحد ماوصلت لأيدة لزمتها جرني لحظنه صار وجهي بصدره
چلبت بملابسه واني اشهك
ـ ذ ذ يـ...ـاب ولله ولله بـ..ـعد ما ااا اسـ.. ٱسوي شـ..ـي
يزعلـ..ـك وو كلشي تريده سـ...ـوي بس المهم انتَ بـ..ـخير
YOU ARE READING
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
part52
Start from the beginning
