مساء الخير♡.
اصبحت اتخيله في كل يوم وفي كل حديث واغنيه
♡♡
رند: بيوم من الايام كاعدين بالحديقة نسولف كرم بس صافن كلت بكلبي سالمين هذا شبي
غياث: يابة ليش ما تعيشون هنا ارجع لديرتك وهلك
محمود: ان شالله يابة مفكر بهل شي
زهرة: وليدي ارجع شو حتى بيت وموجود حتى مأثث
محمود: ان شالله يمه افكر بهل موضوع الله كريم
رند: اني صافنه شنو نعيش هنا وهيثم.و اعجابي الة يعني هلشي حيكون عابر بحياتنه احنه الاثنين ضليت صافنهه
كرم: احمم مدام الكل حاضر عندي طلب يمك عمي محمود
محمود: كول وليدي
كرم: اني اليوم كدام الموجودين كلهم اطلب ايد كريمتك رند على سنه الله ورسوله
رند: صفنتت شنو شديحجي هذا سالمين
محمود: والله يا وليدي انت كامل والكمال لله بس تعرف رند صغيرة شلون انطيهة الك بهل عمر
كرم: عمي حتى لو بس حجز بس، كول هية الك
محمود: ان شالله خير وليدي صدك عصبت شنو حجز سلعه كدامه وكاعد ويحجز كمت دخلت للبيت جوة دخلت للمطبخ دخل وراي كرم كعد كدامي كلتلة
رند: شنو حجز سلعه كدامك اني
كرم: مو قصدي
رند: ماريدك اني
كرم: اتكوليلي اي شي هسة فكري شكد متكدرين
رند: لا افكر ولا ابد كلمن بطريق والافضل اسحب نفسك من هل موضوع كلة
كرم ( بعيون مدمعه): بية قصور وهيج رافضة وجودي بحياتج؟
رند: شوف كرم مو قصة بيك قصور انته شاب كامل والكمال لله بس اني بعدني صغيرة والحياة كدامي ماريد من هسة اربط نفسي بشخص افهمني
كرم: تمام اعتبري هل موضوع انتهى
خلة ومشى بس بقت بنفسي اعرف ليش عيونه مدمعه هيج لازم اكو شي معقولة يحبني يعني
اوو كاافي الموضوع انتهى وخلاص
اجن البنات
بنين: بويااا وجان العقدة يخطب ومنو ست رند
رند: انتهى هل موضوع ترا
بنين: شنو انتهى سالمين مصار ساعه من حجو
رند: حجينه اني وكرم وخلص انتهى هل موضوع
حوراء: امانه كرم خوش ولد بس اخته وامه حياية
بهل أثناء دخلت بتول
بتول: احسج مقابلة على اخوية شبي عيني شو زينه الشباب
رند: حبيبتي لتدخلين بينه من تدخل في ما لا يعنيه لقى ما لا يرضيه معليج تمامم
بتول: صدك متستحقين اخوية انتي اخذلة رفل ست البنات
رند: دمشي من يمي كافي شكد لغيتي
راحت بتول كلت للبنات
رند: منو رفل
نور: بنت خالتهم ذابحتنه بيها حجت رفل وكالت رفل
رند: خيولون همه ورفل اوي اذن المغرب امشن نصلي
صعدنه نصلي كملنه نزلنه جوة كعدنه بالصالة
رند: ملل
حوراء: كلش والله وين نروح بعد وكت للعشة
بنين: باجر اول يوم رمضان
رند: الله شكد حلو رمضان
حوراء: اخخ على هل حر شراح يصبرني للمغرب
بنين: ليش هو انتي صايمه مثل الاوادم شو بس نوم يابة حوراء كعدي اوو عوفوني اني صايمه تعبانهه عبالك بس انتي صايمه
حوراء: كبر اكلتيني وشربتيني
بنين: المهم كومن نسوي حلويات
رند: مااعرف اسوي اي شي عدا حلا مرة سويته من اليوتيوب
نور: هسة نعلمج يلا كومن
كمنه للمطبخ سوينه كيكه وجرك وكب كيك اخذنه الواهس كملن شكلهن يشهي صار تعبنه لما كملنه صورتهن وخليتهن ستوري كملنه كمنه نسوي عشة ونسولف طبو الولد
ياس: بويااا ريحهه الاكل ميت جوع
حوراء: ايدك راح يخلص الاكل خلي نكمل
فضل: بنين انطيني مي من يمج
بنين( بأبتسامه): يي لحضة بس اغسل ايدي
راحت انطته مي نضراتهم مو طبيعية باوعت عالولد والبنات ابتسمنه نفس الابتسامه معناهاا اكو شي بينهم كملنه العشة كعدنه ناكل كملنه غسلنه مواعين وطلعنه بالحديقة كعدنه كلنه اجه كرم وبتول هم ويانه كعدو
ياس: خلي نلعب
حوراء: شنلعب يعني
رند: جيبو بطل
كامت بنين جابت بطل
رند: نلعب صراحه وجرأة
الكل: تمام
غيث: اني افرة اول
فرة وصار على حوراء
غيث: صراحه لو جرأة
حوراء: صراحه
غيث: شنو احقر شي سويتي
حوراء: ههههههههه سويته وضميري لسة يأنبني علية
غيث: شنو
حوراء: من جنت صغيرة جانت عندي لعابة اموت عليهة بحيث امشطلهة وانومهة بصفي فا مرة تعاركت وية فضل فضل عناد بية لزمهة وكطعهة اني هم لزمت الدعابل مالاته وشمرتهن بالنهر والدعابل طلعن مالات اياد وخالهن يمه ولزمه شبعه كتل صل بس يبجي احس خطيه ههههههههه
فضل: ايا حقيرهه اكلت طن كتل من وراج
انوب فر البطل كرم صار علية
كرم: صراحه لو جرأة
رند: جرأة
كرم: اكو شخص بحياتج
رند: حاليا لا
انوب بتول فرت البطل صار على ياس
بتول: هم حبيت بحياتك
ياس: يي احب وان شالله اخطبهة ورا رمضان
كمنه نباوع لبتول اصفرت توترت مدري شصار بيهة وياس مبتسم احنه مصدومين يعني ديضوجهة لو صدك ديحجي سكتنه كملنه اللعبة ودخلنه جوة همه طلعو برة واحنه صعدنه فوك
بنين: شبيهم كرم وبتول وية الحب ملهوفين
نور: يختي ملكوفين مو ملهوفين
البنات: ههههههههه
حوراء: المهم يبنات خلي نروح للبستان
نور: يمعزاية وين بهل ليل نطلع كعدي وسكتي
حوراء: شبيج ما ندخل للبستان جوة كلش برة يم النهر نكعد يم المي
بنين: الناس تطلع العصر المغرب ست حوري تريد بليل
رند: امشي نروح اني وياج
ضلينه نتناكر تالي طلعنه كلنه رحنه يم المي كعدنه المي بارد يجنن ضليت العب بالمي كعدنه شوي ورجعنه صارت ب10 بليل اجو الولد جايبلنه حلويات كعدنه ناكل كملنه كلمن ازمت تلفونهة وكعدت فتحت الانستا نشرت ستوري عن ابن العم وكذا سويت تاكات لولد عمي وعندي صورة اخذناهة من اجينه صورة اني ووياهم همه مبينين واني بس ايدي مبينه خليتهم ستوري شافته حوراء
حوراء: شو ناشرهم عام ولج ههههههههه
رند: خلي يشتهرون ههههههههه
ضلينه كاعدين بما انو رمضان محد ينام ضلينه كاعدات للسحور كمنه سوينه سحور كعدنه نتسحر
ياس: اخخ شلون راح افارك الاكل
حوراء: يي والله عزيز كلبي هذا
فضل: تحسسوني راح تجاهدون هو كلة كم ساعه
رند: ماكو احلا من شهر رمضان والجوع والعطش الي يصير بي كلة اجر النه مو صح
الكل: يي صح ✅
كملنه سحور اذن صلينه ونمنه كعدنه ب11
كمنه ننضف البيت اذن الضهر صلينه قرينه كم ورقة قرآن الي راحت تنام والي عدهة شغل راح تشتغل والي كاعدة عالتلفون للعصر كمنه بالمطبخ يم ماما ومرت عمي هنه يطبخن الطبق الرئيسي واحنه نسوي لبن مقبلات نحضر السفرة لما اذن كعدنه نفطر كملنه كمنه صلينه ورجعنه نصب كعدنه ناكل
حوراء: اخخ معدتي قبطت شراح يكومني بعدد بويااا
رند: الحمدلله والشكر انتي محد ياكل بكدج ولج كاافي
حوراء: كلش طيب الاكل مو صح ياس
ياس: يي والعباس هذا عزيز كلبنه
رند: موتو لعد
كملنه اكل كمنه نغسل مواعين كملنه حسيت روحي اختنكت رحت كعدت بالحديقة عالمرجوحه صافنه تذكرت هيثم وابتسمت مااحس غير شخص كعد يمي التفت كرم ردت اكوم كال
كرم: ليش هلكد نافرتني
رند: لا ليش بس عندي شغل كمت
كرم: كملن البنات كلشي
استحيت منه شحجي بعد رجعت كعدت
كرم: اكيد هسة تكولين ليش خطبني وليش اني بالذات من واني صغيرة اسمع عندي بنت عم ابوية اسمهة رند دوم اسمج متعلك براسي مرة لكيت صورة الج عند ابوي مال معاملة جانت يمكن ضلت عندي هل صورة سنين حبيتج اكثر من روحي من ورا صورة كدرت احصل عنوان بيتكم من جظي وجنت اشوفج وانتي راجعه من الدوام بيومهة جنت ماانام من الفرح ارجع كلبي مليان عشك حبيتج بودي روحي اسلمهة الج وما اتردد لحظه وحدة حبيتج حب روح بروح حب سكته بسكته حبيتج من طرف واحد 6 سنين كلت تكبرين واتقدملج ضليت اكون بنفسي حتى مااحصل رفض تالي فشلت بهل حب ومحصلت غير الصد ادري حتكولين شنو مناسبة هل كلام ردتج بس تعرفين ليش خطبتج وتمسكت بيج ولحد الان بس هلمرة التمسك بداخلي
رند: كال هل كلام وكام ضليت اضرب خماس بسداس اريد استوعب شنو يحبني من طرف واحد معقولة كل هل سنوات يحبني باوعت للسمه يربي شسوي اعتبرة اخوي لا اكثر ولا اقل ماكدر اتقبلة غير شي حبيب زوج كلبي مو يمه ياربي ابعدني عن طريقة كرم يستاهل غيري يستاهل الي تحبة وتصونه ياربي جرد كلبة من هل مشاعر
دخلت جوا يم البنات ومرت الايام وجو رمضان يجنن لمه بيت جدو كلش حلوة تحسس الواحد فعلا اكو صلة رحم قوية مترابطه
بيوم دكلب بالتلفون دخلت للانستا دخلت عالمحضورين شفت حساب هيثم كلت اكيد نسى هسة خلي اشيل الحضر شلته عنه وسديت التلفون
ومرت الايام وخلص رمضان مر شهر على وجودنه تقريبا اجه عيد كاعدين اول يوم العيد عالسفرة دنتغدة جان يكول ياس....
CZYTASZ
الطالبة والاسمر
Romansكنت أعلم بأن الزمان يرميني لمكان بعيد لكن لا أعلم بأن المنفى سيكون عيناكِ الوطن وانتي كلكما تشبهان بعض وانا الخائن الذي يحب الوطن لأجلكِ # الطالبة والاسمر بقلمي. نورس
