وانا ياسعود طحت لي بحب مخلوق

البارت الثامن

رتبو شناطهم يستعدون حق الرحله وانتهى يوم كان متعببب وشاق بالنسبه لهم انسدحو كلهم بتعب يبون بس ينامون ...
واخيراً اليوم المنتظر يوم الرحله الى الديرة صحو الصباح يفطرون بيت عناد عشان يتحركون بعد الفطور على طول
خلصو فطور واتجهو يرتبون اغراضهم في السيارات واتفقو كل عايله يروحون مع بعض والجد عناد والجده فهده بيروحون مع بكرهم عبدالعزيز وبعد ماخلصو اتجهو كلهم للسيارات وتحركو متجهين للديره "الاحساء"
عند خالد و رِناد بعد ما ودعو اهلهم وطلعو ورتبو اغراضهم اتجهو للمطار وبعد ساعات وصلو جزر المالديف ونزلت رِناد تمشي منذهله من المنظر الي كانت تشوفه كانت تفكر نفسها بحلم واول ما وصلو المكان الي حاجزه لهم خالد انذهلت اكثر واكثر وحضنت خالد ودموع الفرح اخذت مجراها ورتبت اغراضها سريع عشان تبي تطلع وخالد قاعد يضحك عليها وماهي الا دقايق وخلصت وشابك خالد يده بيدها وطلعو يتمشون وكانت رِناد لابسه فستان صيفي بألوان فاتحه وشعرها الفتوح على ظهرها وحاطه ميكب خفيف يبرز ملامحها وكان خالد طاير فيها من جمالها الي يوجع القلب وبعد دقايق من سوالف وضحك رِناد وخالد الي هايم فيها وهو مو معها ابدا وصلو عند البحر وقامت رِناد تركض وترقص بفرح مستانسه وهي من زمانننن ماسافرت ومسكها خالد وقامو يتمشون عند البحر ويسولفون بكل حُب وبعد ساعات من العب والسوالف مشو بتعب رايحين للفندق...
عند اهل عناد بعد ست ساعات وصلو الاحساء وكان عناد يملك فيها مزرعه كبيره وكانها قصر من كبرها داخل المزرعه مجلس للرجال وصاله للحريم والصالة فيها غرف النوم والمطبخ وغيره وبرا اسطبل كبيررر وفيه مجموعه من الخيول وكانت من هوايات احفاد عناد ركوب الخيل كلهم من اولاد ومن بنات واكثر اربعه يعشقون الخيل الهنوف والريم وصالح وسعود
نزلو عايله عناد كلهم للمزرعه وانقسموا العيال ينظفون الجلسات الي برا ويرتبونها مع المجلس والحريم داخل الغرف وغيرهم وبعد ساعات من الشغل والتعب جلسو كلهم بتعب وارهاق وكان الوقت متاخر وراحو ينامون كلهم بتعب...
يوم ثاني الظهر  قامو كلهم بعد غيبوبه طويله واجتمعو على سفره الغداء اها عناد كلهم وكان ناقصهم رِناد وخالد وتغدو وراح فيهم الوقت وخذتهم السوالف والضحك على سفره الغداء وكانو مستانسين انهم جاو الديره يغيرون جو ويضيعون وقت زهقو من الرياض
عند سعود من بين السوالف اشتغل جواله معلن اتصال من رقم غريب استغرب وقام مشى عند الخيول عشان يكلم براحته واول ماوصل رفع جواله ورد : السلام من معي ؟
وتكلمت نايفه تقول : افا ماعرفت صوتي
فتح سعود  عيونه بصدمه ورد عليها بحدهه: من ويننن جبتي رقمي!!
ردت عليه وهي تتدلع بصوتها : افا ليه كل هالحده وحشتني انا ما وحشتك ومو لازم تعرف كيف جبت رقمك
رد عليها سعود وهو معصب جاهل الهنوف الي وراه تحترق من الغيره وهي كانت تحب سعود بس تكابر على نفسها وماتبي تعترف الا في الوقت المناسب : وبصفتك مين اشتاق لك استاذه نايفه ؟
قامت نايفه تتضحك بغنج ورد عليها سعود يكمل كلامه : لاعاد اشوفك تدقين على رقمي ثاني مره ولا والله فعايلك كلها اوصلها لاهلك الي ماعرفو يربونك وسكر في وجهها الخط ولف بيمشي وشاف الهنوف وقال :الهنوف من متى انتي هنا ؟
قالت : من قالت لك حبيبت القلب اشتقت لك وبعد ماقالت ذا الكلمه اخذت دموعها مجراها من الغيره
وقال :ليه تبكين في احد مضايقك !!
قالت اسأل نفسك ومشت وقالت روح اشبع مع الرخيصه ذي
وقام سعود يضحك بعد ماراحت وهو فهم ان الهنوف غارت بس تكابر سكر جواله ودخل يسولف مع عمانه وجده والعيال واتفقو بعد صلاة العصر يروحون للسوق القديم ويتعرفون على الي فيه برفقت جدهم الي وافق على طول وبدون تردد
وعند البنات اتفقو بعد يروحون مع جدتهم للسوق ويعرفون على الي فيه وكانو متحمسين مرههه
وبعد تخطيطات وترتيب مشو كلهم للسوق وفضت المزرعه
نجي للجهه الثانيه بيت حماد كان متضايق ان صديق عمره نزل للديره وطلع حرته كلها في ولده سلطان وتهاوش هوشه كبيره وبالموت فرقو بينهم
عند سلطان كان قاعد يرتب اغراضه وهو متضايق حيللل وضيقت الدنيا كلها فيه وجات حصه تهديه بعد ماخلصت ولمو اغراضهم كلها واعلن خروجه من بيت ابوه تحت دموع امه الي انهارت بعد ماشافت بمرها طالع من بيتهم متضايق ويمكن مايرجع  وراح يودي زوجته بيت اهلها مع عياله واتجهه يدورله شقه ...
وفي الجهه الثانيه عند رِناد وخالد كانت رِناد داقه على امها واهلها تسلم عليهم وخالد نفسها وكانت الفرحه والسعاده باينه في وجييهم وسكرو بعد ماهدو امهاتهم من دموع اشتياق وقام خالد عدل جلسته وقابل رِناد وقال : رِنادي عندي لك موضوع
عدلت رِناد جلستها وقالت ياعيون رِنادك اسمعك ومد يدينه لها وشابكت يدينه في يدينه وبدء يسولف لها وكانت رِناد تسمعه ومركزه معه ومرت الساعات من سوالف وضحك وقامو يتجهزون عشان يطلعون ينبسطون وهم مقررين  يقعدون اسبوع كامل في جزر المالديف وباقي ثلاث ايام يبون يحللونها ...
نرجع للديره في احد الاسواق القديمه كانو عايله عناد كلهم هناك ومنبسطين ويفرون في السوق وجاتهم فكره حلوه بيفاتحون اهلهم فيها اذا رجعو
وبعد ساعات طويله ف السوق رجعو البيت بحماس يشوفون وش شرو وهم مابقى شي في السوق ماشروه واجتمعو البنات يقيسون الي شروه والعيال يسولفون عن السوق والاشياء الي صارت وشوي وقامت الريم وقالت : الهنوف شرايك تجين معي عند الخيول
ووافقت الهنوف بدون تردد لانها تعشق الخيل وقامو ثنتينهم يستعرضون بالخيل والبنات منقسمين فريقين ناس يشجعون الهنوف وناس الريم وصراخ وضحك لين خلاص تعبو ونزلو منهم ودخلو داخل يكملون سوالف وضحك وبعد صلاه العشاء دخلو الرجال داخل واجتمعو على سفره العشاء كالعادة ...
عند ليان بعد العشاء قامت وقام وراها منصور وهم اتفقو يكلمون بعض بعد العشاء ودق عليها منصور وهو متحمس وكان مشتاق لها من زمان ما كلمها ووصلها صوته وهي تقول : ياهلا بالي له الخافق يهلي
ورد عليها منصور وهو يضحك وتو ردت روحه : اهلا بدهر قلبي ورجعناه يالله ياكثر الشوق لك ودامت سوالف بينهم وكملو ساعه وهم يسولفون وقامت ليان شافت الوقت توه بدري وكانت الساعه تسع قالت : منصوري عندي لك فكره شرايك نجتمع كلنا البنات والعيال برا في المشب ونقعد نسولف توه الوقت بدري
ورد عليها منصور : ياعيون منصور والله فكره حلوه بس صبري اشوف العيال
وردت عليه: يلا وانا بشوف البنات
واتجهو كل منهم منصور للعيال وليان عند البنات
عند البنات كانو جالسين مع عماتهم التوؤم ويسولفون بزهق واول ماقالت لهم ليان الفكره وافقو على طول
ودقت على منصور ووصلها صوته على طول وعطته الموافقه وهو كذالك
اجتمعو البنات والعيال في المشب بعد ماجهزو لهم اكل والحركات ذي
وبدو يسولفون ويضحكون وسعود كانت عينه على الهنوف وهي كذالك
وصالح كانت عينه على الريم وكانت منصدمه من نظراته لها وهو اول مره يطالعها كذا
ومن بين السوالف قال الوليد : سعود ياشاعرنا شرايك تعطينا شعر او قصيده من عندك
وابتسم سعود وقال :

ايه والله احبك ولا لي غنى عنك
ياللي غرامك في الضلوع المحاني

لكن بغيت اقولها لك واطمنك ما
معك وسط القلب مخلوق ثاني
قال شعره وعيونه كانت على الهنوف واول ماخلص صفقو كلهم والي يقول الله وماعرفتك طلعت شاعر
ابتسمت الهنوف بتوتر من نظراته وقالت يلا بكمل والتفتو لها كلهم بحماس وبدت تقول وعيونها عليه وغمزت له بخفه عشان يعرف انه المقصود :

دامك زرعت الحب في داخلي ورد
انا مابي غيرك من الناس يسقيه

مابغيتك من الفراغ ولا تمنيتك عبث
ولا ابي لك نهاية ولا ادور لك بديل

صفقو كلهم بصدمه من الهنوف وقالو عششناا والي يقول صحح لسانك ياشاعرتنا الجديده والي يقول والله وطلعتي شاعره
عند سعود الي كانت الفرحه باينه في وجهه وكان وده يقوم يصرخ باعلى صوته لان حبيبة قلبه بادلته نفس الشعور وصالح طايح يضحك عليه ويقول بهمس : والله وطلعت خفيف يارخمه
وكملو سوالف وبدو يغنون بكل حب وهم امتازو بصوتهم الحلوو ومر عليهم الوقت لين اخر اليل طلع لهم جدهم يهاوش
ودخلو نامو بعد يوم كان حلوو من جهة سعود والهنوف ...

( اهلا رجعت ببارت حلو وخفيف ❤️‍🔥❤️‍🔥 بسحب عليهم لين بعد الاختبارات النهائية برجع❤️
تعالو انستا : roow22a )