كانت تجلس " ديمه" تتناول الإفطار برفقه والدتها بـصمت لتقطع والدتها ذلك الهدوء وهي تردف بعصبيه
_" ماهو إنتِ لو سقطتي السنادي هتتجوزي إبن خالتك حمزه مفيش غيره !!! "
لتضيف بتهكم واضح وهي تشير عليها من اعلي لإسفل
_ " ماهو إنتِ مش بالطول دا وشحطه كدا وكل سنه تجيبيلي ملحقين وتلاته!!! ، والمره دي اربعه!!! ، إحنا كدا هنفتح مخبز من الكحك اللي بتجيبيه !! "
_ " ما خلاص بقا يا سِت الكل ايه السيره اللي تسد النفس دي ؟!! ، وبعدين يوم ما تعوزي تجوزيني نقي راجل علي الأقل !! ''
_ " لا وإنتِ البعيده في حاجه بتسد نفسك ، إنتِ مخلصه التلاجه!!! ، وبعدين ماله حمزه راجل وملو هدومه ومبيطلعش من بوقه العيبه إنتِ اللي مش بيعجبك العجب!!"
_ " انا نازله الشغل سلام !! "
_" هي البعيده بقت بتحس امتي ؟!!"
لـتضع " ديمه " يدها على صدرها في حركه مسرحيه لتردف والدتها بقليل من القلق
_ " مالك يا بت ؟!!"
_ " حقيقي الأهل سند!! "
لتردف عباراتها وتفر هاربه
__________________________________
_*في الميكروباص*
ركبت " ديمه" ما يسمى بـ " الميكروباص" وانتظرت حتي يمتلئ ليبدأ السائق بالتحرك ، كان الكرسي الذي يجاور " ديمه فارغ ليركب رجل لم ترتح لهيئته من الوهله الأولي ليبدأ السائق بالتحرك
ليعم الصمت ثوانٍ معدودة قبل أن يقطعه ذلك الراكب بجوار " ديمه "
_ " لو سمحتِ يا استاذه ، شعرك بس!!! "
لتمسك هاتفها وتتفحص هيئتها وهي تنظر له بإستغراب وتردف
_ " ماله شعري يا استاذ في اي ؟!!! "
ليمسح الرجل علي وجهه محاولًا ضبط انفعالاته وهو يردف بهدوء
_ " حضرتك فاتحه الشباك علي الآخر وشعرك طاير في وشي! !! "
_ " ما تلم نفسك يا استاذ!!"
_ " طب ما تلمي إنتِ شعرك اسهل! !! "
_ " وإنت مالك؟!!، دي حريه شخصيه !!"
_ " هو انا بقولك اتحجبي ؟!! ، إنتِ حره يا ستي... بس يا تقفلي الشباك يا إما تلمي شعرك "
_ " بس انا عاجبني شعري وهو طاير كده !! "
_" هو احنا بنصور اعلان شامبو؟! دانتي فاردة شعرك ببطاس وحطاله سمنة روابي، وهو طاير في وشي فشامم ريحته معفنة اووي بصراحة !!! "
لتعقد حاجبيها بغضب وهي تتحدث بإنفعال
_ " اسم الله عليك يا أكرت.. دانت المفروض تتعاقد مع شركة من بتوع سلك المواعين عشان يستخدموا شعرك في الصناعه !! ".
ليصمتوا اثنتيهم وهم يسمعوا صراخ السائق وهو يردف
_ " .الاستاذ الاكرت والاستاذه اللي فرحانه بشعرها، لو مابطلتوش خناق هنزلكوا انتوا الاتنين وادوس عليكوا.. لاحظوا ان معاكم سواق أقرع، يعني ماعندوش حاجة خالص ومش باقي ع الدنيا !! . "
__________________________________
YOU ARE READING
"ديمة وحماحيمو "✓
Humor" لأن العمر شيء والحياة شيء، فإننا لا نرغب مزيدًا من العمر بل نرغب مزيدًا من الحياة"