" هما مين دول يا نغم؟..متأكدة انهم صحابك؟..لو فيه مشكلة قوليلي هساعدك "
نظرت لعيناه بتركيز " عايز تساعدني فعلا؟ "
" ايوا!..نفسي! "
" علمني استعمل الموبايل ازاي "
" حاضر ثواني هطلع اجيبه من فوق وانزلك "
" تمام " جلست على الاريكة وزفرت بقوة واخرجت مع ذلك الزفير الكثير من الطاقة السلبية بداخلها وحدثت نفسها
" انا معرفش الي بعمله ده صح ولا غلط بس هحاول " ونظرت للأوراق التي قامت بالكتابة عليها بتمعن حتى جاء معاذ
" بصي يا ستي انا سجلت رقمي هنا عشان لو احتاجتيني طبعا تمام؟ "
وبدأ يخبرها بكيفية استخدامه وكيفية استخدام وسائل التواصل الاجتماعي
نظرت اليه نغم بحيرة " انا ممكن اخد رأيك في حاجة؟..حاجة مهمة اوي بالنسبالي "
ابتسم بسعادة ونظر لعيناها " اكيد يا نغم! "
" انا بكتب رواية..معرفش اسلوبي فيها وحش ولا حلو بس انا عايزة انشرها..عايزة اعملها رواية ورقية وانشرها..عايزاها تتشهر اعمل ايه؟ "
" الموضوع مش سهل هو محتاج دعاية على الفيس كتير وممكن مثلا تنزلي اقتباسات منها على النت ونعمل ترويج للبوست ولصفحتك عشان تظهر لناس كتير..وهعرضها على دار النشر..هساعدك متقلقيش قوليلي عايزة تعملي ايه وهعملهولك "
" تمام اعملي صفحة على الفيس ومتسميهاش بأسمي"
نظر اليها وابتسم " عايزة تتشهري يا نغم؟ "
" اه..مش انا..الكتاب يعني "
" انا هعملك صفحة غامضة..الناس بيعشقوا الفضول بيموتوا في الالغاز..انا بقى هخلي صفحتك دي لغز "
نظرت اليه بتمعن ثم تحدثت بحماس
" انا بقى روايتي هنزلهم منها الغاز!..عشان يتحمسوا ليها "
" بصي انا مش هسيبك غير وانتِ محققة الي نفسك فيه!" ثم حمحم " هو انا ممكن اقرا الرواية؟ "
ابتسمت " متستعجلش..بكرة مصر كلها هتقراها "
على الصعيد الآخر امسك بالصحون في المطبخ وبدأ يقذف بهم على الأرض ويصرخ بأعلى صوته
" اغبيا!!..هو انا لازم اعمل كل حاجة بنفسي!!..مش بيلاقوها ليه؟!..انا هقلب عليها مصر كلها..وهسأل في شارع شارع وعمارة عمارة وشقة شقة!! "
ثم تحول على النقيض وبكى بقوة وصعد للغرفة ونظر لملابسها الناعمة وعانقها
" وحشتيني اوي يا نغم..انتِ عارفة انك نقطة ضعفي ليه عملتي فيا كدة..ليه بتعاقبيني ليه؟!..طب بنتي..بنتي الي هموت عليها نفسي اشوفها..ارجوكي ارجعي..ارجوكي ارجعي مع روح "
امسكت بالهاتف وبدأت في كتابة الاقتباس الأول
" تبددت طفولتي حينما وقعت بين يدي ذلك الوحش الذي لا يرحم "
YOU ARE READING
Underage
Romanceوقفت على منصة الحديث اخيرا بعد شهور منذ اعلانها عن يوم اصدار كتابها الأول الذي قام بإحداث ضجة واسعة في انحاء مصر منذ ان بدأت في نشر الاقتباسات منه في شهور بسيطة اصبحت من رواد وسائل التواصل الاجتماعي واصبح يتهافت عليها الجميع ليسألونها عن الكتاب نظر...
