حين تحكي أسمهان

حلقه ثلاثون

السلام عليكم
نازك الحمراني انستا al_homrna
حبايب شلون صحتكم التوفيق لجميع التلاميذ والطلبه اليوم خلصت تصحيح لذا ارجعو النشاطكم والنقاشاتكم لان حقيقه من هذا البارت راح ابدي اختصر الروايه حتى اختمها

حين تحكي اسمهان
نت أنت ..
ولم يخلق منك إثنين
لذا قدّس نفسك واعطها قيمتها.!
فأنت مميز.. مميز عن كل البشر لك ميزتك الخاصة التي ميزك الله به..

ـ والاتعس من ظلم الحياة انو تتوقف على ايد شخص حسيناه هو مصدر الامل بدل الالم
هو العلاج حتى ابقى عايشه

التفت علية ونظراتو كأن وكعتني من سابع سما الى سابع ارض لااااا وكعتني الوادي مظلم

همست بصوت داخلي هو هذا الي چنت خایفه منو وصاررر ..

اخذت نفس عميق اريد اتماسك ارتباكي بين على وجهي
وكفت وتقدمت اله بخطوات مهزوزه صرت جدامو ادحك بيه بنظره كلها عتاب وحزن احس نفسييي يصعد وينزل
شهكت شهكه حاولت اسيطر على نفسي
اتذكر حجي الدكتور من كلي الاستحقاق الاول والاخير النفسج وبــس
صرت مقابيلو تماما
ردت احجي هو سبقني وكال

-یعني هسه انتي مو بنيه موو؟

جاوبت ونبرة القهر بصوتي
ـ شنو؟

ـ اقصد انتي مو باكر عجيب عليچ من انسانه شجاعه
رفعت راسي متفاجأه

-هاااا ؟

-حقيقه انتي مجاي تعرفين نفسج شكد قوية

ـ انة!

ـ اي انتي ..والله انتي جدا قوية وصبورة وحلوة ومؤمنة وملتزمة بصلاتج ومافرطتي بروحج رغم كلشي صار الچ رغم البوضعچ تستغل حالتها وتسوي اشياء مو شريفه متحججه ان هي مو باكر بسبب حادث من الطفوله وهالامر ماراح يأثر عليهه

ـ مستحيل اسويهه

ـ لهل سبب اانتي كبرتي بعيني أكثر وأكثر رغم تمنيت كايله اليه من زمان مو هسه

ـ ماكدرت احجي

ـ ليش ضميتي علية ليش خليتيني اسمع من غيرج؟

-تسمع من غيري؟!
مفهمت مين سمعت ومنو غيري الحجالك

ـ اي عرفت من ايام

ـ ايام.. يعني انت تعرف بوضعي قبل هذا الوقت ؟

-لا او بصراحه اي

-مفهمت

-من اجى الضابط عجيل تعشى يمنة وراح ..
ثاني يوم اتصل بيه كالي زوجته تريد تحجي ويايه وفعلا نطانياهة وحجينة من تلفونه بقت تحچي ويايه وتمهد اليه على حادث الطفوله التعرضتي الة

..انصدمت من عرفت خاله ام طارق حجت وياه بقيت ادحك عليه ونضرات الاستفهام واضحة علي وجهي شلون مابين الي بهذيج الايام واتصرف ويايه كأنو ميعرف شي .. ضل يكمل كلامو ويدحك بعيوني