جبروت أنثى وسطوة رجل

الجزء السادس عشر

نور حاولت تهدا :ادهم افهمني لو فضلنا نصرخ ونتعصب للصبح مش هيتحل الموضوع لازم نحكم عقلنا
وقربت منه وعينها في عينيه ولعبت في دقنه
اهدا يا ادهم ارجوك هي عيلة لسه
ادهم زقها للحيطة وخد شفايفها بقبلة خرج فيها كل الغضب الي جواه

نور حاولت تبعده ما قدرتش
ادهم سند جبينه على جبينها وهو بيتنفس جامد وبص في عنيها : بحبك

نور حضنته ودماغها على صدره وبتفكر بعشقه ده ازاي بنظرة منها بتقدر تهديه معقول بيحبها للدرجة دي

خرجهم من اللحظات دي تخبيط ادم على الباب

ادهم كان هيفتح
نور مسكت ايده برجاء :محدش يعرف بلي حصل ارجوك على ما نعرف هنعمل ايه

ادهم حاول يهدا وفتح الباب لادم

ادم :ما تفهموني في ايه مازن متجنن وانت كمان

ادهم :ضيع عليا صفقة كبير بمبلغ كبير جدا بسبب غباءه

ادم بعدم تصديق :عيل بريالة عشان اصدق انا الكلام ده
من امتى انت ومازن في بينكم الحوارات دي

ادهم اتنفس بغضب :ده الي حصل

هنا خبط الباب ودخلت السكرتيرة :استاذ ادهم في وحدة بره عايزاك بتقول انها قريبتك

ادهم بغضب :سيرين دخليها

هنا دخلت بنت ايه من الجمال لابسة قصير قوي وشعرها طويل جدا وجريت على ادهم وحضنته :ادهم حبيبي ازيك

نور رفعت حاجبها وكتفت ايديها وهي بتبصلهم ببرود

ادهم بعدها عنه بابتسامة :ازيك يا حبيبتي عاملة ايه

سلمى بفرحة :انا كويسة انت واحشني جدا عامل ايه

ادهم :زي ما انتي شايفة بنشتغل امال فين خالتي مجتش معاكي

سلمى :لا جت وراحت لخالتوا فريدة وانا جيت لهنا انت واحشني
ادم بهزار :هو انا مش واحشك ولا ايه

سلمى :واحشني يا ادم جدا

ادم :والله زمان يا سلمى

نور بتجاهل وغضب داخلي مش عارفة سببه : انا هروح دلوقت يا ادهم اتأخرت على الشركة

ادهم مسك ايدها الي نزعتها منه بسرعة وهو استغرب :في ايه

نور بغضب :مفيش

سلمى رفعت حاجبها :مين الحلوة يا ادهم

ادهم :دي نور خطيبتي

نور بصت لسلمى الي بان عليها الصدمة وانها ادايقت من الكلام
سلمى :اها اهلا

نور همست لادهم :انا هروح الشركة وانت ما تتصرفش مع سيرين من غير عقل وهعدي عليكم على القصر بعد ما اخلص كم حاجة في الشركة

وبصت لسلمى المتغاضة من كلامهم مع بعض ورجعت لادهم ااه وكمل احضان مع اللعبة دي اوك
وسابته ومشيت
وادهم مصدوم معقول نور بتغير وابتسم وبص لسلمى :ده انتي جيتيلي نجدة من السماء