مساء الخير ...
#ثأرهم_وبنات_المسيحيه
aylol. بقلم الكاتبه
ins: t8_fe3 للتواصل
خسرنه گلوبنه الما عرفت تعاشر
خلصنـه العمـر مـن باچر لـباچر
خلصناها تگظي الله كريم تهون
واحنه جروحنه شما كبرت نكابر
وادمنه اعلى طيبك تستغل البيك
ومن توگع لجلهم تنحسب خاسر.
𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹
فيروز::خليت ايدي على خدي واخواتي يمي ملتمين على امي الست جونيش وهيه تسولف قصة حبها. للمره الالف سمعناها ومانمل منها
كل ماتعيدها نركز وكانُ هاي اول مره نسمعها وروز ماتكدر اذا ماتبجي كل ماينجاب طاري امها .
امي كانت مسيحيه امها وابوها ثنينهم ايتام وعايشين بميتم من الناصريه من تزوجو امها بقت تشتغل بالميتم وتاخذ امي وياها
وامي تعرفت على بنيه هناك هم مسيحيه وصارت اقرب صديقه الها تكول جانت حلوه بشكل بياضها ناصع عيونها سود حبر ومجرورات وشعرها كيرلي احمر تجذب النظر
بقت امي تتقرب الها الحد ماصارن اقرب ثنين
البعض ورا سنين انتقلو اهل امي للبصره ضلت امي تروح الهدى
صديقتها بين فتره وفتره بيوم من الايام كانو طالعين وصار حادث توفوا بيه اهل امي وامي متكسره بالمستشفى لا عندها اخو ولاعم ولاخال وحيده وقتها اكو ممرض ماعافاها ابد حاول يساعدها بكل
طريقه ودفع اجور المستشفى بقى وياها كالتله رجعني للناصريه هناك ميتم امي كانت تشتغل بيه ومديرة الميتم تحب امي وراح تديربالها عليه وفعلا اخذها وراح وضل كل اسبوع يروح يشوفها. امي مخلصه وقتها بجي ونوح وهدى تصبر بيها اول اسبوعين الكل متعاطف وياها وراها بدن يتامرن عليها كانن اكبر شي بلميتم
امي وهدى ..الممرض ماعاف امي تعرف عليها وحجالها اسمه ومنين هوا
وقتها امي تكول حفظت بس اسمه عامر ابن شيخ من العماره وابوه ميت وراها غاب شهر ماكو وامي ضاله تلوب تريده يجي ثاري النچره وكعت بشباك استاذ عامر الوالد الكريم
ورا شهر اجاي كالها جان عندي شغل جنت بالعماره الهسبب ماجيتج
نص مصطلحاته امي ماجانت فاهمتهن مرت سنه وهوا دوم ويا امي كل جمعه وسبت يجي
بدا يشوف امي تتغير وتضعف اكثر ومن يسألها ماتحجي ع معاملتهم الها صدمها بقراره من كالها اخطبج وطبعا هيه كانت تحبه وافقت ومديرة الميتم كيفت طلب منها تأسلم لان اهله راح يرفضونها اول شي زعلانه ورافضه بعدين قنعها وهنا امي رجعت تركت
هدى صديقتها. عقدو امي وابويه واخذها
وراح للعماره الاهله
ونصدمت امي باهله شيوخ وطبت عرب كلش اخوانه وامه كلبو البيت على راسه لان متزوج بدون علمهم وامي كاعده يم مرة اخو بابا وعود تسولف وياها كايلتلها اني مسيحيه واسلمت وهنا زادت الطين بله نجنو والا تطلكها امي ما كانت تعرف هواي اشياء عن حياة بابا بقت كاعده بالغرفه وتسمع بس صياحهم اجت
يمها مريه كالتلها محسوبتج انا ام اصهب
مرة شيخ مهنا يابه شجابج هنا وامي ضاله تصفن بوجها
ماعارفه تجاوب المريه ماشره على طفل يجي عمره 7سنوات تقريب كايلتها عايني على هالصبي هذا ابن رجلج ووليد اخيتي
انا واخيتي فصليات ورا مانكتل ابوهم الشيخ جاسم تبركست السالفه بروس اهلي واحن شيوخ واهلي مالهم غرض كلش انا واختي نطونا فصليات..... رجلج ورا ماخلف طلك اخيتي وكلها روحي انتي حره هي عافت هالصبي وراحت نعبنها جانت عاشكه من كبل
وهالصبي انا الربيته ويا ولادي
أنت تقرأ
ثأرهم وبنات المسيحيه(الاصليه)
ChickLitفي وسط المدينه هناك حظ عاثر تورثه فتاه م̷ـــِْن امها تجاهد كي لايعيش بناتها نفس الماساه ناسيه ان الوراثه لاعلاج لـٍهآ *********************
