"روايه جعل الوسم يسقي مداهلنا"

الشخصيات

الشخصيات..

عايله ابو فهد( مشعل ٥٩ سنه)
كان رجال سخي مرره والكل يحبه بالديره ويذكر ابوه بالخير
كان طيب وحلال مشاكل الكل يلجأ له اذا فيه مشكله ويحلها وكانوا يسمونه ابو الخير لكن صار له موقف طير عقله وخلاه مدمن وبدل ماكان اسمه ابو الخير صار ابو الشر واهل الديره سحبوا عله وهذا الي زاد ناره وصار يحط حرته بهله

هل يرجع ابو الخير، هل الصلاه تبعد الذنوب؟
هل تظهر الحقيقه الغائبه؟ هل يجتمع عبيد ومشعل من جديد؟

_______
ام فهد ( منيره٥٥)
ام لاحول لها ولاقوه من زوج متسلط الي تغير عليهم من فتره طويله ومتماشين مع حاله الي لايطاق ، تحب عيالها مره وفيها مرض السكر، تحاول قدر الامكان انها ترجع ابو الخير القديم.

هل يجدي الشوق لحبيبٍ تغير وتبدل مع الزمن؟

عيالهم*
( فهد المطوع ٣٣ ) متزوج وعنده ٥ اطفال ، ساكن جنب اهله وموظف ببنك ويصرف على اهله من بعد ماتقاعد ابوه الي كان عسكري سابق. ( زوجته شريفه بنت عمه فهد٢٩) انسانه خلوقه وذربه ومتدينه الكل يحبها ويحب فهد وعياله

هل يستمر حب واستقرارهما؟

_______
(وضحى٢٧) متزوجه من ١٠  سنوات ولم ترزق ب اطفال
وتعالج مع زوجها المهمل الي كلما قرب الفرج يبعده ويهمل المواعيد رغم ان السبب من زوجها ومتحمله تعليقات اهله والناس وكئيبه جداً ، لكن قويه مع الله.( تركي زوج وضحى٣٢ ) ضحى بكل شي بس عشان يتزوج وضحى لكنه بائس وتعيس وده بالعيال لكن الظروف اقوى مرات يعالج ومرات يطوف مواعيد ، ساكن بنفس حاره اهل وضحى ، ماتوا امه وابوه وماشافوا ضناه وهالموضوع كلما يتذكره يكتئب اكثر. عنده اختين مراهقات

هل تنجب وضحى وتتخلص من التعليقات المحزنه؟

_______

( ناصر ٣١) متزوج من برا القبيله ، اخذت عقله زوجته الحضريه الي خذاها طرق عن ابوه قبل لاتنتكس حالته ، برضو سحب ع اهله عنده بنتين وولد وزوجته حامل ، مدرس وساكن بجده( زوجته ساره ٢٦ ) انسانه مايعه ودلوعه وغثيثه ورفلا وكلامها يمشي على عبد الله ومسيطره عليه وعلى فلوسه ومعها خدامه وكل مناسبه ناشبه لوضحى عشان موضوع الانجاب.

هل يستمر الحظ الحلو للرفلات؟
______
( ساري٢٧) اشهر شخص بالديره والكل يحبه صغير وكبير اقرب شخص له صديقه ولدجارهم فارس كانوا اهل مو بس جيران بس صار شي بين ابو فهد وابو فارس قطع الوصل لكن فارس وساري مايعرفون وش السبب يحب اخت فارس غاده حب طفولي لكن ساري حظه دايم ينكبه ..
هل تستمر علاقه فارس وساري الاخويه للابد؟
ايضاً هل يدوم حب ساري لغاده؟
______
(غيث٢٦) اقرب شخص لساري ويحب الكل ورغم الحظ العاثر الا انه دايم مبتسم وعقله عقل شايب رفيق درب ساري يحزن لحزنه ويضحك لضحكه..
هل يقوم حظ غيث لمره وينقبل بوظيفه ما لمساعده اهله؟
من يفوز بقلب غيث ؟
_______
(هاجر٢٥) مكروفه حيل كل شي عليها وصابره على تهزيئ ابوها الي انتكست حالته بس عندها امل انه يتشافى كانت حبيبه ابوها ورغم ضربه لهم تحبه وتلتمس له عذر ابوها رغم حالته ماينادي الا هي ، صديقه اخوانها ، تحب بس من طرف واحد..