ဘာလို့ အဓိကဇာတ်ကောင်တွေက ငါ့ကို ဒီလို လာကြည့်နေတာလဲ

၅

ထိုပမာဏက ရသစုံရှိုးတစ်ခုအတွက် များပြားနေပြီဖြစ်သည်။ သို့သော် အခြားသော ဧည့်သည်များက ဝင်ငွေအတွက် ရောက်လာကြခြင်းမဟုတ်ချေ။

ဝန်ထမ်းက ပြန်ဖြေသည်။

“ နောက်တစ်ပတ် ပြန်စရင် ကျွန်တော်တို့ ပေးချေမှာပါ”

အရင်ကဆိုရင် တစ်သိန်းက သူ့အတွက် ဘယ်လောက်မှ မရှိတဲ့ ပမာဏပဲ။ အခုဆိုရင်တော့ အရမ်းကို များပြားတဲ့ ပမာဏဖြစ်နေပြီ။ အဲဒိတစ်သိန်းနဲ့ သူရဲ့လက်ရှိ မိဘတွေအတွက် တဝက်ခွဲပေးမယ်။ ကျန်တဲ့ တဝက်ကို ရင်းနှီးမြုပ်နှံမယ်။ သူက ဖေးရွှီရဲ့ ရန်ပုံငွေတွေ ဝယ်ချင်တယ်။

ဖေးရွှီ၏ ရန်ပုံငွေများက နောက်နှစ်ဆိုလျင် ထိပ်ဆုံးသို့ ရောက်သွားမည်ဖြစ်သည်။ ယခုကမူ လူအများစု ဝင်မတိုးရဲသေးသော အဆင့်အထိ မြင့်နေခဲ့ပြီဖြစ်သည်။ သို့သော် ထိုအကြောင်းအရာကို ဖော်ပြထားသည့် ဝတ္ထုထဲမှ စာတစ်ပိုဒ်အပြည့် ဖတ်ပြီးနောက် နောက်နှစ်ဈေးကွက်ကို လှုပ်ခါနိုင်လောက်အောင် ဖေးရွှီက လုပ်နိုင်မည်ဖြစ်ကြောင်း ကြိုသိနေသည့်အတွက်  သူကလည်း ကြိုတင် ပါ ဝင်လိုလေသည်။

ထိုသို့ဖြင့် ပျော်ရွှင်နေသော နှလုံးသားဖြင့် ကျိုင်ရှင်းချန်က မီးဖိုခန်းထဲ ဝင်လိုက်သည်။

ဟော့ချန်း၊ သွမ့်ရီဟွားနှင့်ဝမ်နော့တို့က အရွက်များ ဆေးနေကြလေသည်။ချောမောခန့်ညားသူ အရပ်ရှည်ရှည ်အမျိုးသားနှစ်ယောက်နှင့် အရပ်ပုပုနှင့် လှပလွန်းသော အမျိုးသားတစ်ယောက်တို့ အတူရှိနေသည့် မြင်ကွင်းက ကြည့်ကောင်းလွန်းလေသည်။

ချောမောသော အမျိုးသား တစ်အုပ် အတူရှိခြင်းက မျက်စိအေးစေသည်။

 “ စာဖိုမှူး ရောက်လာပါပြီ”

“ မီးဖိုခန်းက ကျွန်တော့်အတွက်လို့ ပြောထားတာကရော”

ကျိုင်ရှင်းချန်က ပြောလိုက်သည်။

 သွမ့်ရီဟွားတို့က သူ့အား အပြုံးနှင့် ကြည့်လာကြသည်။ ဟော့ချန်းက ပြောသည်။

“ ညီငယ်ကျိုင် ကိုယ်တို့က မင်းကို ဘေးကနေ ကူညီချင်တာပါ။ ကြည့်ပါဦး ကိုယ်တို့ အရွက်တွေပြင်ဆင်ထားတာက ဘယ်လိုနေလဲ”