غسـق اللـيل

BART 19

-: ما تسمعيني انتِ وين رايحه؟.

- ما رايحه

وخرت ايده مشيت كدامه وهو بصفي صعدنا حرك السياره مثل ما اجينه رجعنه..
دخلت للحمام واخذت ملابس وياي انا شتريتهن سبحت ولبستهن..

طلعت للغرفة لكيته مدد على الجربايه مخلي ايده على راسه اخذت مشط كعدت
بالكاع امشط شعري دقايق وحجه

-: كومي جيبيلي حباية وجع راس تلكينها بسيارتي بجكمجه هذا مفتاح الباب والسياره..

خليت شال على راسي اخذت منه المفاتيح وطلعت فتحت السياره دخلت بقيت ادور
ماكو شيء!.

اوراق متروسه الجكمجه سديتها ورجعت للبيت دخلت الغرفة لكيته على حطته

- ماكو ما لكيت شي

-: جا وين راح فتحي الخانه هاي تلكين بيها يمكن بسرعة راسي اخخ..

يفرك براسه قوي حيل ويا كمت فتحت الخانه صدك جان اكو بيها اخذته نطيته اله وجبتله كلاص ماي لو اعرف اخليلك بي سم..

شربها واردف

-: طفـي الأضـويه اريـد انـام

طفيت الكلوبات طلعت بره الغرفة لفيت شعري ولفيت الشال على راسي..
طلعت بره البيت كل خطوه اخطيها جسمي يرجف وصلت يم السياره..

رفعت راسي للسما
اشــرد !!
بس لازم افكر زين لازم فلوس وعرف وين اروح اذا اطلع اروح لنفس السوك الرحناله.
وركب سياره من ذني اليصيحون للمحافظات ورجع لبغداد.

استعيد عافيتي وصحتي بعدها ادور على ادله تثبت جرائمه بحقي وبحق كل شخص.
ويمكن بحق جواهر اي ليش لا اكيد اله ايد بقتلها يمكن يعرف منو الأعتده عليها؟؟

مادري هواي اسأله بالي حتى اذا يعرف ليش يساعده شنو يعنيله؟؟
رجعت للبيت امشي وفكر لازم احسب حساب لكشلي قبل لا اتصرف أي تصرف..

سمعت صوت حجي من الغرفة تدنيت اكثر خليت راسي على الباب سمعت صوته يحجي شبه عصبي

-: كتلك الصور مو عدها نچب لا تخليني اشك **
اكل خره لك تعرف اخر مره منو لمسها شسويتله ونتَ هم اخذت جزاتك

كل واحد ائذاها اخذ جزاته .
ايي لو ما وكفتك جان انتَ هسه جوه التراب خوش اكل تبن انا الوحيد اليحقلي المسها

لك بابا كاعد اكلك الصخام مو عدها ولا حتى تدري بيها لو عدها جان شردت من زمان
وهسه احنا اسفل السافلين
خوش يله ولي ..