حين تحكي أسمهان

حلقه ثمان وعشرون

السلام عليكم
نازك الحمراني al_homrna

.....
حين تحكي اسمهان

لكل منا حکایه، موقف،حادثه ، أسباب يطول شرحها جعلت منه شخصه اللذي تراه اليوم
فمهما بدوت لك غير مباليه، بعيد عن العاطفة أو صامته،غير مهتمه بشي، لا تحاول تصليحي  أتركني مع أسبابي صعبة الشرح .

-ولاااااا كلمه قبل كلشي لمي غراضچ وهسه اریدچ تنقلين بالسكرتارية عندي وبعد متبقين بالحسابات ومن باجر امور الحسابات تتسلم يم ست الاء 
( جنت بمكان سكرتيرتو كم يوم لان ماخذة اجازة ولادة وهسه يريدني انقل من الحسابات يمو بالسكرتارية)

جاوبت الاء

-استاذ توريفار قصدك انا الزم المحاسبه

جاوبها توريفار

-اي ست الاء اخذي منصب اسمهاااان

طلعت الاء فرحانه ومبتسمه اخذت الملف الخاص الي اجيب بيه سجلات المحاسبه
يعني صدك اخذت مكاني

من طلعت رفعتلي حاجب سدت الباب وبقيت واكفه كتله بقهر

-أااااااني مو حرامية اعتقد صار لي اشهر يمكم بالبيت مامديت ايدي على ربع دينار مو اجي هساع اختلس هين هيج مبلغ اومن منو منك انت زوجي اللي وكفت وياي  بالمصايب كل عقلك ابوكك اكو احد يبوك نفسو ؟ ٠

وكف يضرب الميز

-ولأدله هااأ

-أااأي أدله أني موووو هيج استاذ توريفار ومادام صار هيچ اني ماابقه بالشركة

-امممم براحتچ

-تری مووو بس الشرکه اناااا راح اطلع من بيتك وحياتك كلهه

توجهت بخطوات سريعه للباب جه توريفار سحبني ورجعني للكرسي ودموعي تصب عشرة عشرة كعد مقابيلي
يهداء بيه

ـ على كيفج بابا صبري شبيچ مستعجلة 

مسحت دموعي جاوبته بغضب

ـ لاااااااا بالله ؟ نقلتني وخليت الاء تترقى وتصير مديرة هذا شيسموه ؟ 

رجع ظهره على كرسي وخلى رجل على رجل وابتسم يجاوبني

ــ يسموه عقل ندير بي امورنه حتى نعرف منو السبب ومنو الختلس
لذلك افهمي قبل متحكمين مو توريفار اليشك بيج صدكيني لو عندي ذرة شك واحد بالمية بيج مابقيج يمي ولا يم أمي

ـ حيرتنني شتخطط

ـ شسويلج عقلج يتمدد ويدر بيه الثول

ـ لاتضل تلف وادور شتقصد 

ـ اقصد يااااذكية سويت هيج وياج حتى الزم الفاعل اني مااتهمج ولا يمكن اتهمج بشي اللي ترجع للحسابات حتى الربع دينار فرق العمولة ماتبوك ٨٠ ورقة 

-بس

-ابد سوي الاكولج عليه

-شسوي هسه