حين تحكي أسمهان

حلقه ثمان وعشرون

-متسوين شي اللي اريدة منج من تطلعين هذا الباب مثلي انچ تبجين ضايجة ومقهورة

جاوبته

ـ ما اكدر ماابقى بالشغل احسن

ـ اهوووووو كلبتها دراما لج بابا عقل شوية عقل واني اخذلج حقج مربع منهه

.. مكدرت ابقى عفته وطلعت صدك انغثيت اخذت جنطتي وشربت مي ونزلت لكيت الخط ينتظرني لان توريفار ميجي للشركة يومية حتى ارجع وياه 
صعدت بالسيارة 

وشفت الاء طلعت وهو وراها ويضحكون سوية انوب اني دخنت وكرهتهم اثنينهم ماكدر ادحك عليهم
 
رجعت للبيت هلكانة طبيت ماكو احد الشغاله كالت الحجيه راحت لبيت اختها وجوان ماكو 

اني صعدت بدلت وكبل على فراشي بقيت ابجي مهضومة 
ربع ساعة واندك باب غرفتي ماكمت 

ـ فتحي الباب اسمهان

..ماحجيت شي كمت فتحت الباب اباوعلو نازع سترتو ولازمها بيدو طب ينزع الرباط كعد عالسرير

-اشلون‌ صرتي

-زينه

-ممكن ادخل

-تفضل

كعد على السرير وانا كعدت على كرسي كالي

ـ اني مو كتلج الاء غيرانة منج 

ـ  حسبي الله عليهه  هالحية هاي ليش تغار وانا مو يمها

ـ حستج خطر عليها وتريد تخلص منج

ـ وين عايشين بحرب  ؟ شنو توم كروز انت ويتعاركن وياي عليك

ـ استغفر الله  افهميني ولو انتي متشوفين هاي الوسامه والشخصيه غيرج يشوفها

-هااا منو الوسيم

-اناااا اكيد وبلا شك لو عندج غير نظره

-لااا بلعكس وسيم وراقي جدا

-ميهم سامعها هواي

-هاااا طلعت ادور بنات حالك حال كل هل شباب مووو

-ممكن انكول هيج شي

-هاااا شنو شنوو

-على كيفج

-اي انا ميصرفلي هيج حجي

-وتعتقدين انا العب على اعراض الناس

-موو انت ددكول

-اشاقه اشاقه

تجتفت وكتلو

-يله سولف اليه عن الاء وليش اتغار مني وليش متامره عليه

-حقيقه انتي زوجة ضابط امن وذكيه والوكفه هاي عالم ثاني

-اي سولف اسمع

-الاء جانت عندي علاقة بيها مثل ميكول بحدود طلعه وسلامه وكعده نشرب كهوه او عصير من شفتها  متأملة بزواج وحب ابتعدت