انا شاعرك العام والقصيد عيونك.

بارت41

صقر : امي وافقت!!!
سلطان هز راسه : من كلامه نقول اي بس صقر يخي انت عشت شعوري وجربت الحُب وتفهمني بس ليه تتصرف كذا! ليه ما تحس فيني!
صقر تنهد ونطق : حاس فيك انا بس كنت خايف عليكِ و توقعت انك خدعتنا و كسرت ظهرنا فيك .
سلطان : اخسي اسوي هالحركه! مابوه بحياتي احد غيركم !
صقر ضحك وهمس : وهي؟ ما بوه؟
سلطان ابتسم : والله بوه بكل حياتي بوه ،
صقر تنهد : دحوم عنده علم ؟
صقر : من الف لين الياء يعرفني احبها بدون ما اقول،
صقر سكت لثواني ونطق : بسالك ايش عنده دحوم بعد! ماهو زي اول حتى اتصال ما يتصل علي !
سلطان : طاح على وجهه هو بعد ،
صقر باستغراب وخوف : متى طاح؟ لا يكون صار له شي! قاطعه سلطان وهو يضحك بقوه وناظر فيه وهو يضحك : قصدي طاح بالحُب ي حمار ،
صقر انصدم وناظر : ..
'
سعود ناظر لعبدالرحمن : انت!
عبدالرحمن ابتسم : اي انا وينه عمي فهد موجود؟
سعود : لا والله مو موجود بس حياكم ادخلوا ،
دخلوا للمجلس حسين وعاصم وعبدالرحمن ،
مشعل فز من ناظر ومشى يسلم باستغراب ،
وهمس : اكلمه يجي ؟
عبدالرحمن : بس لا تقول مين جاء قل ضيف ينتظرك ، مشعل هز راسه ومشى يكلم فهد ،
فهد باستغراب : منهو الضيف؟
مشعل : تعال يا عمي وتعرف ، بعد عدة دقايق وصل فهد ووقف سيارته وتوجه فتح الباب و دخل لكن تصنم بمكانه وهو يشوف حسين وعبدالرحمن وانصدم و نطق بجده : وشششش جابههه هذاااا!!!!
حسين قام وقف على حيله : فهد خلنا نتكلم!
فهد ناظر بحده والشراير يتطاير من عيونه ومشى مسكه من ياقته : وشششش جابككككك!!
عبدالرحمن فز بصدمه : عمي فهد انا جبته!
فهد التفت له بجده : ومن انت عشان ...
'
ملاذ كانت بغرفتها وحست بالطفش وهي تشوف صقر للحين ما جاء وتنهدت ومشت وهي تفتح الدولاب وتاخذ من بلوفرات صقر ابتسمت ومشت تلبسه وتوجهت وهي تاخذ جوالها ترسل لامال ونجلاء و امها لكن محد منهم رد ،
كلهم كانوا واقفين عند الباب بخوف وهم يسمعون صراخ فهد الي هز اركان البيت ،
ملاذ توجهت جلست على السرير استغربت من سمعت صوت الباب ومشت فتحت الباب ضحكت وهي تشوف مريم جايه وجايبه مكياجها والفستان وهمست : جيت نتكشخ ونتصور طفشت لوحدي ،
-
هديل قامت من النوم وهي كل عظام جسمها متكسره من كثر النوم وتوجهت تاخذ لها شاور وطلعت تصلي المغرب دقايق وخلصت ومشت نشفت شعرها و جلست على السرير فزت من تذكرت الحلقه نزل اخذت الريموت وهي تشغل مسلسلها وانسدحت تتابع ، انفتح الباب و دخل عمر وهو معصب وقفل الباب بقوه ، هديل فزت من قوة صوت الباب وناظرت فيه باستغراب ، عمر رمى جواله و مفاتيحه ع كنب وتوجه دخل الحمام
عمر غسل وجهه وطلع ومشى وهو يشرب مويا يهدي من اعصابه واخذ نفس والتفت وهو يشوفها،
هديل ناظرت فيه بخوف : شفيك؟
عمر هز راسه بالنفي وهو يتوجه للشباك يناظر بصمت و سرحان بتفكيره ضايع كئيب مؤلم يشير الى حيث لا يعلم ويسري ويسري فلا ينتهي سراه ولا نهجه المظلم وتنساب أشباحه في السكون هو الليل في صمته ضجة وفي سره عالم ابكم حزين غريق باحزانه فماذا يذيع وما يكتم؟ اخذ نفس من حس بشخص وراها يضمه لصدرها وحس بيدينها على صدره وهي تضمه من ورا وقف وهو ساكت ولا تحرك ولا هزه شيء يناظر للشوارع بصمت ،
هديل كانت حاضنته وهمست : متضايق؟
عمر بهدوء : ميت انا غريق انا ولا لي نجاة ،
هديل بعدت عنه وهي توقف قدامه : شفيك؟
عمر هز راسه بالنفي : مافيني شيء ،
هديل حست عليه انه فيه شي من وجهه وملامحه وسكتت لثواني ومدت يدها وهي تقفل الشباك ونطقت : شرايك تجي نلعب سوني؟
عمر ناظر فيها وهز راسه بالنفي : مالي حيل ،
هديل بهدوء : طيب نطلع برا؟
عمر تنهد وهو يتوجه للسرير : بنام ارتاح ،
هديل عقدت حواجبها : نمت كثير! ليه تتهرب للنوم كل مره؟ صاير معك شي؟ علمني اساعدك!
عمر ناظر فيها : ودك اكسرك ؟
هديل انصدمت و هزت راسها بالنفي : لا تكسرني،
عمر : عشان كذا اهرب للنوم لاني مو لاقي حل ،
هديل سكتت لثواني باستغراب وهي تشوفه ينسدح وجلست جنبه : ما تعودت اعيش مع شخص كئيب كذا وكل وقته متضايق توقعت اذا تزوجنا ما نجلس في البيت وكل يومين نسافر و نروح باريس عاد تدري باريس حلم من احلامي ودي اروح له من وانا صغيره احب الباريس كنت انتظر اتزوج و اروح له ،
عمر سكت بهدوء وهو يسمعها ومنسدح ،
'
فهد بجده : وانت مين عشاننن اقول انت الي جبته!!! طالع على جدككك انت بعد ،
عبدالرحمن انصدم وهمس : عمي ان..سكت وهو يسمع صراخ فهد : مابي اسمعععع شيييي الحيننن وبهالوقتتتت اطلعواااا ،
حسين ناظر بصدمه : فهد انا اخوك! ما يهم انت وش تشوفنييي عدوك ولا..قاطعه فهد وهو ينطق بحده : ما اشوفككك شيييي ولا اعرفكك ولا اعترف فيككك ،
دخل ابو مشعل وهو مصدوم و ركض لعندهم وهو يناظر : شصاير !
عبدالرحمن ناظر لفهد : عمي انا وش ذنبي طيب! ليه تقطع علاقتك فينا ! وهذا اخوك بعد ماله ذنب وش ذنبه اذا ...