#تحدي_الحب

البارت الرابع

العميد تشكر مني وطلب نيفين يحجي وياها بــَس اني قنعته متجي لان اعرف بنيفين شكد خجوله وراح تتلبك واخاف حته متجي بعد للجامعه سديت موضوع نيفين وي العميد وطلبت عدم كشف هويتها كدام الأساتذه والدكاتره والعميد الحمدالله اتفهم الموقف وسد الموضوع من ناحيتها تشكر مني على الي سويته لان هذا الشي يشوه سمعت الجامعه ايضاً لو انتشر الامر بين الجامعات
خلص اليوم ورجعت للبيت تغديت ونمت كعدت العصر رحت للقاعه اتمرن بعدها رجعت وقبل لاانام تذكرت وضع نيفين واتصل بيها

نيفين/
بعد ما وصلت للبيت طبيت كبل سبحت وملابسي ذبيتهن طلعت من الحمام بدون ماامشط لفيت نفسي بالبطانيه ونمت احس جسمي يرجف لهسه گـِْـِْلِْ مااتذكر الموقف ارجف ودموعي مااسيطر عليهن رغم خلصت منه بــَس خايفه لا الطلاب والاساتذه يعرفون بهالشي وشلون موقفي قررت لهنا وكافي اترك الجامعه كولت باجر افاتح اهلي بالموضوع واكولهم مااريد اكمل جامعه مكدريت حته اكل اجوي اهلي من الدوام صعدت ماما طبت لغرفتي سويت نفسي نايمه تقربت عليهوسحب الغطه مني

ام نيفين/ماما نيفين نايمه شو منتغديه لَيــِْش ماما كومي تغدي ويانه
نيفين/ماما مااشتهي مالي خلك عوفيني
ام نيفين/شنو هم مريضه كومي اخذج لدكتور اصلاً صار فتره وضعج معاجبني وتكولين مريضه ومتقبلين تروحين لدكتور يله بسرعه بدلي وانزلي راح ً أگـِْۈۈل لابوج ياخذنه

نيفين/لااا ماما مابيه شي بــَس سبحت واستبردت شويه هسه نازله وراج

ام نيفين/متاكده مابيج شي

نيفين/اي ماما متاكده

ام نيفين/يله لعد انزلي تغدي ويانه راح احضر الغده

نيفين/ماشي
نزلت امي ماريدها تحس بهالشي نزلت وراها حاولت ابين نفسي طبيعيه واني شايله هم شلون راح افتح موضوع وياهم بخصوص اترك الجامعه تغديت وكعدت يمهم احاول ابين نفسي طبيعيها كمت اشتغل وي ماما بالبيت والهي نفسي حته يخلص الوقت وانسى الي صارلي اني ابد مااسوي شي بالبيت ماما استغربت كالت شعجب اليوم نيفوو تساعدني بالبيت
ابتسمت وكولتلها هـْﮩـااا ماما محابه اساعدج

ام نيفين/لا ماما بالعكس كولش فرحانه وانتي وياي تساعديني احسج كبرتي من صدوك

لليل صعدت الغرفتي صافنه بيني وبين نفسي ورن فوني انقطعت صفنتي باوعـت استاذ فراس اتصل حسيت بجرعه امل مجرد شفت اسمه بالفون فتحت خط راساً

نيفين/الووو هلاوو استاذ
فراس/هلا نيفين شلونج
نيفين/بصراحه استاذ مو زينه وهسه من سمعت. صوتك ياله حسيت بلامان
فراس/ليش مو زينه هاا احنه شتفقنه
نيفين/استاذ اكو موضوع اكولك بي اريد
فراس/اي كولي اسمعج
نيفين/اريد اترك الجامعه
فراس/شنوووو
نيفين/اترك الجامعه مااكدر استمر بعد الي صارلي
فراس/انسي الي كلتي وراح اعتبر ماسمعت شي
نيفين/استاذ افهمني مااكدر اداوم بعد
فراس/هذا مستقبلج ميصير تتخذين هيج قرار
نيفين/مااكدر اخلي عيني بعيد الطلاب والاساتذه بعد
فراس/انتي ماسويتي شي غلط ابد واذا الي صار لتخافين ولااستاذ عرف منو هي الطالبه ولا الطلاب عرفو عن السالفه كلها اني حاسب حساب لكلشي اطمئني وداومي بشكل طبيعي باجر. ارتاحي اذا حابه وعكبه تبلشين دوام هوايه محاضرات فاتتج واني لغيت كل غياباتج
نيفين/ماشي استاذ مااعرف شكولك شكد ساعدتني انت ملاك مو بشر اشكرك الرب لان خلاك بطريقي
فراس/ماسويت شي اذا تريدين تسويلي شي مقابيل الي سويته هو تنسين گـِْـِْلِْ الي صار وتداومين طبيعي وترجعين مثل نيفين الي شفتها اول يوم واول محاضره تمام متفقين
نيفين/تمام استاذ متفقين
سديت الخط واني بالي مرتاح حيل واحس هم وانزاح عن صدري خصوصاً من عرفت محد يعرف بسالفتي نمت مرتاحه من بعد ايام عشتهن بخوف وقلق كعدت نشيطه سويت حمله على البيت حبيت افرح ماما شويه بعدها رحت للصالون سويت ترتيبات النفسي حفافه وتنضيف بشره كصيت شعري كصه حلوه قررت حته لبسي اغيره وماالبس شي يجذب النضر ولاالبس قصير بعد ولا ضيق ولاستر قصيره حيل انتضرت ماما تجي شافت التغيرات وترتيبات البيت كولش فرحت تغدينه سويه واخذتها وطلعنه اشتريت ملابس جديده وشغلات تذكرت فراس حبيت اخذله شي اشكرك بي من خلال كعدنه بالمطعم اني وماما وعفتها كولتلها شويه واجيج رحت للقسم الرجالي اخذت ربطت عنق حلوه وعطر كولش راقي ورجعت الماما
ام نيفين/ها بنتي شاخذتي بعد
نيفين/بس عطر ماما عجبني عطره واخذته
ام نيفين/ماشي بنتي ياله خلي اخـابر السايق يجي ياخذنه

خابرت السايق ورجعنه للبيت
ثاني يوم كعدت كلي نشاط حضرت نفسي ولبست بنطرون جينز وستره ردن وبيها شويه طول وفوكاها جاكيت طويل هم شعري شسورته وعفته مفتوح ومكياج خفيف اخذت الهديه مال الاستاذ ويايه وخابرت السايق اجه وصلني
ساعه 11 عدنه محاضره اله
كعدت بالستر وي زينه كالت مفتقدتج لَيــِْش ماكو كولتلها مريضه جنت لاحضت التغير عليه صار موعد محاضره استاذ فراس
جنت متحمسه وانتضره على نار
طب الاستاذ وهو كالعاده بكامل اناقته صارت عيونه بعيوني ابتسم ابتسامه خفيفه وبده يشرحلنه واني مركزه وياه بكل حرف يكوله بقه يسالنه كم سؤال. بخصوص المحاضره وبكل سؤال ارفع ايدي مرتين كومني ويمدح بيه كدام الطلاب حسيت براحه نفسيه صارت شوفته بالنسبه اليه راحه نفسيه خلصت المحاضره ورا ما طلع اتصلت بي
فراس/هلا نيفين
نيفين/استاذ اكدر اشوفك
فراس/اي تعالي للمكتب حالياً وحدي بي
نيفين/تمام راح اجي هسه
سديت الخط ورحت فرحانه امشي سريع والابتسامه ممفاركه وجهي دكيت الباب وطبيت

فراسه/يا هلا  نـًٌٍـّـٌـوَْوورتي المكتب تفضلي استريحي

نيفين/شكراً استاذ منور بوجودك
استاذ هاي هديه بسيطه الك شكر على مساعدتك اليه

فراس/بأبتسامه هديه

نيفين/اي استاذ شي بسيط انت تستاهل اكثر

فراس/اخذت منها العلاكه
شكراً ولو اني مااحب اخذ هدايه بس اكيد منج تختلف

نيفين/شكرا على كولشي الرب يحميك وينور طريقك وينطيك كولشي تحبه وتتمناه

فراس/العفو وشكراً على كلامج الحلو

راحت نيفين عفت العلاكه بالمكتب ورحت محاضره خلص اليوم ورجعت للبيت كاعد آتُـغده وامي يمي

ام فراس/يمه ماسولفتلي لابنيه الي جبتها بالعرس منو
فراس/يمه صديقه هاي
ام فراس/يمه دخلي اخطبها الك والله حلوه وتدخل للكلب
لنوب يمه كلها كرابتنه بقت تسال عليها كلها تكول منين هاي البت الي وي فراس
فراس/يمه مو كلنه صديقتي شسويلهم همه كرايبنه شعدهم غير الفضول
ام فراس/يمه ما الله يهديك واخطبها الك والله لايكتلك
فراس/ابتسمت من كالت لايكتلك كلت بكلبي هي لوما مسيحيه جان اخذتج ورحت عليها خطابه

يمه اهلها ما ينطوها

ام فراس/ليش يمه وين يلكون أحـسًٓـن منك جمال وشخصيه وخير من الله يابعد امك

فراس/يمه الابنيه صغيره وماينطوها عود الله كريم

كوه سحبت نفسي منها وطبيت للغرفه فتحت العلاكه وشفت الهديه الي جايبتها اليه عجبتني وكلت باجر البسها رهمت وياها قاط وقميص
بليل كاعدين واباوع على محمد لازك يم مرته حته من البيت مايطلع ويسولفون وضحك صدك سولي واهس للزواج اندك الباب وطبت مرت خالي وسحر وجهالها اجتي بتها تركض يمي كعدت اخذتها بحضني وبستها العب بشعرها شويه وعفتها وطلعت من البيت مااريد انجمع وي سحر بمكان واحد
اخذت سيارتي وطلعت افتر كلت بين ما يروحون وارجع
اجتي ابالي نيفين كلت خلي اتصل اشكرها على لهديه واكلها عجبتني
اتصلت مرتين ثلاث مرات ماكو بالرابعه اتصلت انفتح خط بــَس الصوت الي اجاني صوت عياط نيفين رجف جسمي كله بعدها اتصل كله مغلق
....................
الكاتبه ام زيزو