#تحدي_الحب

البارت الرابع

#تحدي_الحب
نيفين
فتحت عيوني لكيت نفسي بحضن فراس وهو يغسل بوجهي ويطبطب على خدي حته اصحى من شفته كدامي مثل الميته وعادت الى الحياة بدون وعي حضنته حيل وابجي بكل حركه حسيت بوقتها خسرت عذريتي انتبهت دم على قميص فراس وهو يمسح بشعري وراسي صاير على صدره ويهمس بأذني اششش لتخافين اني يمج اني مااتركج وحدج لتخافين رفعت راسي عليه واني منهاره بجي سألته سواها مووو
بقيط اعيط سواها الحقير اخذ اغلى شي عندي مووو

فراس/بقيت صافن عليها بعدين فهمت قصدها

لااا لااا اهدئي نيفين ماسوالج شي اني موجود شحده يلمس شعرايه منج لتخافين ماسوالج شي والله

نيفين/انتبهت على قميصي الدكم مكطعه وستره فراس فوكايه مغطيني بيها واني بنفس المكان بالشقه

لعد وينه هَََـٰـّذْٓا الحقير خوما كتلته شي وليش قميصك بي دم
فراس/ماكو شي لتخافين يله كومي خلي اوصلج للبيت
اهلج خوما بالبيت

نيفين/لا بالدوام هسه

يله امشي ننزل للسياره
صعدنه بالسياره واخذتها لبيتهم بقيت سترتي عليها لان دكم القميص والستره تكطعن

فراس/نيفين تدرين بطله انتي اصلاً سويتي انجاز عضيم اليوم خليتينه نوصل لواحد حقير ومبتز ويستغل البنات انتي شكم ابنيه ساعدتي هسه

نيفين/يعني لزمتو

فراس/اي لزمناه وهسه هو يم لامنيه مال جامعه ارتاحي واطمئني خلصتي منه

نيفين/اااااااف تدري اني مالي ذنب بشي وعشت فتره فضيعه بين خوف وتوتر وقلق ورعب

فراس/واحد خسيس راح يحققون وياه يشوفون وي كم ابنيه مسوي هيج

نيفين/يعني هو صح طالب بالجامعه مالتنه ومنو انطه خبر للامنيه

فراس/بعدني كلشي ما ادري اذا طالب لو لا ولامنيه اني خبرتهم بس خططت لكلشي اطمئني محد عرفج

يله وهاي وصلنه للبيت ارتاحي  واخذيلج دوش حار واريدج من باجر ترتاحين بلبيت ومن بعدها ترجعين للدوام وترجعين لنشاطج تمام

نيفين/تمام استاذ شكراًالك مااعرف شلون اتشكرك والله يعجز اللسان عن شكري الك

فراس/هذا واجبي ماكو داعي تشكريني

نزلت طبت للبيت ياله اتحركت رجعت للجامعه بيومها ماطبيت ولا محاضره رحت للامنيه شِفـٍت الولد يمهم من بعد التحقيق وياه اتضح هو طالب مرحله ثالثه ومتراهن هو واصدقائه على نيفين اله تخضعله وتكون وسيله بيده بس الحمدالله نيفين ذكيه وخبرتني بهالشي وكدرت اخلصها منه قبل لا تخضعله
اخذت الولد ورحت لمكتب العميد وشرحتله كلشي وياي الامنيه مال جامعه والولد هم اعترف بكلشي اتخذ العميد اجراء بي وفصله نهائياً ورفع كتاب رسمي لوزاره التعليم العالي  بأسمه وطلب منهم تعميم اسمه على جميع الجامعات الاهليه بلاضافه طلب ولي امره ثاني يوم حته يسلم كتاب فصله من الجامعه وشنو السبب بيد والده