♡♡♡
လေယူရာယိမ်းသည့် ပန်းတစ်ပွင့်နယ် လွင်သည် ဟိုဘက်ယိမ်းလိုက် သည်ဘက်ယိမ်းလိုက်နှင့် ပင်ပန်းလွန်းလှပြီဖြစ်၏။လွင် ပင်ပန်းသည်။လွင် သိပ်ပင်ပန်းပါသည်။
ဤစိတ် ဤစိတ်ကြောင့်ပါလေ။နောင်ကို လွင်မည်သို့မည်ပုံ ချစ်ပေးရမည်နည်း။ နောင်ကို မချစ်ဘူးလားဟုမေးလျှင်တော့ ဟင့်အင်းလို့ ဖြေမိမည်ဖြစ်သည်။
သို့သော် လွင်အနားမှာ နောင်ကိုမထားချင်ပါ။လွင်ဟာ ကမ္ဘာအပြင်ဖက်ကလူလို့ သူ့ကိုယ်သူသက်မှတ်ထားပြီသားပင်။နောင်ကိုပါ သူ့နောက်လိုက်လာခဲ့ဖို့ သူမစေခိုင်းရက်ဘူးကွယ်။
သက်ပြင်းကိုခက်ဖွဖွချမိသောအခါ ကြီးမေက စိုးရိမ်စွာမေးလေသည်။
"လွင် ဘာဖြစ်နေသလဲ ကြီးမေကိုပြောပြပါ့လား "
" လွင် နောင်အကြောင်းစဥ်းစားနေတာပါ ကြီးမေ နောင် နဲ့ လွင့်အကြောင်းကြီးမေလည်း သိမယ်ထင်ပါတယ် လွင်ဘယ်လိုဆုံးဖြတ်ရမလဲမသိတော့လို့ပါ "
" ကြီးမေက အဖွားကြီးပါ အချစ်အကြောင်းတွေ ဘာတွေ သိပ်နားမလည်ဘူး ဒါပေမယ့် ရုပ်မရှိတဲ့ နာမ်တစ်ခုအတွက်နဲ့ ကလေးတို့ နှစ်ယောက်ရဲ့ ဘဝတွေ သူများတံထွေးခွက်ပက်လက်မျောနေမှာတော့ မလိုလားဘူးကွယ် လွင်လေး ကြီးမေပြောတာကို နားလည်တယ်မဟုတ်လား "
" လွင် နားလည်ပါတယ် ကြီးမေ အခုလိုပြောပြပေးလို့ ကျေးဇူးလည်းတင်ပါတယ် "
" ဟုတ်ပါပြီကွယ် သတင်းကောင်းတစ်ခုပြောရအုန်းမယ် မနေ့ညက လွင်ရဲ့ မေမေကဖုန်းဆက်တယ် ညနေရောက်မယ်တဲ့ "
" ဟယ် ဖေဖေ ရောပါမှာလားဟင် "
" အဲ့တာတော့ မသိဘူးကွယ် လွင်မေမေကတော့လာပါလိမ့်မယ် "
" လွင်ပျော်လိုက်တာ ကြီးမေရယ် "
မေမေ လာသည်ကကောင်းသောလာခြင်းဖြစ်ပါစေ။
...
ညနေရောက်သောအခါ ကြီးမေပြောပြသကဲ့သို့ မေ့မေ့၏ ကားအနီကလေးက ခြံရှေ့တွင်ရောက်နေခဲ့ပြီးသာဖြစ်၍နေချေပြီ။
YOU ARE READING
~ကြွေပန်းကိုသာကောက်ပါ...မောင် ~(bl)(complete)
Romance၁၉၇၀ ခုနှစ်က မိန်းမလျာတစ်ယောက်အကြောင်း " လွင်က နှင်းဆီတွေကို မုန်းတယ်တဲ့ ဘာဖြစ်လို့လဲဆိုတော့ နှင်းဆီတွေက လှလို့ မနာလိုဘူးတဲ့လေ " "လွင် မုန်းရင်မောင်ကလည်း သေချာပေါက်နှင်းဆီတွေကိုမုန်းမှာပဲ" ~~ သျှပ်ပန်း ~~
