ချန်ဖင်း ဘာမှ ပြန်မလုပ်နိုင်စွမ်းရှိတော့မှ ယွမ်မုန်တစ်ယောက် အပြစ်ရှိသလို ခံစားရကာ လော့လင်းရှန်းဆီသို့ အမြန်ပြန်သွားလိုက်သည်။ "ခေါင်းဆောင် အားလုံးက ကျွန်တော့အပြစ်ပါ။ ဒီအမှုကို အကြောင်းကြားဖို့ မြို့ကရဲစခန်းဆီ ကျွန်တော်ကိုယ်တိုင် ခေါ်သွားလိုက်ပါမယ်။ ကျွန်တော် သူတို့ကို လွယ်လွယ်နဲ့ မလွှတ်ပေးဘူး။"
ဒီအမှုက ဆွဲချက်တင်ဖို့ မလုံလောက်သေးဘူးဆိုရင်၊ အရင်တုန်းက အတင်းအကြပ် ပိုက်ဆံလွှဲခိုင်းတဲ့ ကိစ္စတွေကိုပါ သက်သေဆွဲထုတ်လို့ရတယ်။
အားလုံးခြုံငုံပြောရရင် ချန်ဖန်းနဲ့ ချန်ဖင်း ထိုက်တန်တဲ့ ပြစ်ဒဏ်တွေ သေချာပေါက်ရမှာပဲ။
ယွမ်မုန် သက်ပြင်းချလိုက်မိ၏။ သူ့ရဲ့ ကောင်းစေချင်တဲ့ ရည်ရွယ်ချက်က နောက်ဆုံးတော့ မမျှော်လင့်ဘဲ အဆိုးဖြစ်သွားခဲ့ရသည်။ "ခေါင်းဆောင် ဒီကိစ္စပြီးရင်တော့ ကျွန်တော် အလုပ်ထွက်ပါ့မယ်"
"အလုပ်ထွက်မယ်?" ချင်ကျန်း အံ့အားသင့်သွားလေသည်။
"ငါ မင်းမိသားစုကိစ္စတွေကို ဘယ်တုန်းကမှ ဂရုမစိုက်ခဲ့ဘူး။ ပြီးတော့ မင်းမိသားစု ကိစ္စအတွက်နဲ့ မင်းအလုပ်ကို ရင်းစရာမလိုပါဘူး"
လော့လင်းရှန်းက စကားလုံးအနည်းငယ်ဖြင့် သူ့သဘောထားအား ရှင်းရှင်းလင်းလင်း ပြောလိုက်သည်။ "ပြန်ရောက်ရင် လစာတစ်ဝက်နှုတ်လိုက် ဒါမျိုး ထပ်မဖြစ်စေနဲ့တော့"
ယွမ်မုန်က သူ၏လုံခြုံရေးကို တာဝန်ယူထားခဲ့ရသည်မှာ ကြာလေပြီ။ တစ်ကြိမ်တစ်ခါမျှ အမှားမလုပ်ခဲ့သလို၊ တစ်မိနစ်လေးတောင် ပေါ့ဆတာမျိုးမရှိခဲ့။
ဒီနေ့တော့ သူက တစ်ဖက်လူအိမ်ကို လိုက်လာဖို့ခွင့်ပြုခဲ့ပြီး ရုတ်တရက် ဒီလိုအခြေအနေဖြစ်သွားခဲ့ရသည်။
ကောင်းတာလား ဆိုးတာလားဆိုတာကို လော့လင်းရှန်းသာ ဆုံးဖြတ်နိုင်သည်။
"အပြောကတော့ လွယ်တာပေါ့။ သူ့မိသားစုကလူတွေကလည်း သူ့ကိုဂရုမစိုက်ပါဘူး။" ရှီယွင်နန် နှာမှုတ်ကာ ထပ်ခနဲ့လိုက်သည်။ "ပြစ်ဒဏ်သာမခံရဘူးဆိုရင် ဒီလိုလုပ်နေတာတွေကို ရပ်တန်းက ရပ်မှာတဲ့လား?"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomantikusEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.
